പിതാവിനോട് ക്രൂരത കാണിച്ച മകനെ കുറത്തികാട് പോലീസ് അറസ്റ്റ് ചെയ്തു. തെക്കേക്കര ഉമ്പര്‍നാട് കാക്കാനപ്പള്ളില്‍ കിഴക്കതില്‍ രതീഷി(29)നെയാണ് പൊലീസ് പിടികൂടിയത്.ഇയാൾക്കെതിർരെ വധശ്രമത്തിന് പോലീസ് കേസ് രജിസ്റ്റര്‍ ചെയ്തു തൻറെ മദ്യം എടുത്തുവെന്ന കാരണത്താലാണ് പിതാവ് രഘുവിനെ രതീഷ് അടിച്ചത്.

ഒക്‌ടോബർ ഒന്നിനായിരുന്നു സംഭവം. ഇത് കണ്ട് നിന്ന ഒരു വ്യക്തി വീഡിയോ മൊബൈലില്‍ ചിത്രീകരിച്ചു. രതീഷ് പിതാവിനെ അസഭ്യം പറയുകയും ഒപ്പം ക്രൂരമായി അടിക്കുകയും ചവിട്ടുകയും ചെയ്യുന്നുണ്ട്. പരിസ്ഥിതി പ്രവര്‍ത്തകന്‍ മുജീബ് റഹ്മാന്‍, ഗ്രീന്‍കേരള എന്ന ഫേസ്ബുക്ക് പേജില്‍ പോസ്റ്റ് ചെയ്തു. പിന്നാലെ ഈ ക്രൂരത പുറത്ത് ആകുകയായിരുന്നു. പിന്നാലെ പൊലീസ് അന്വേഷണം നടത്തി. സംഭവത്തിനു ശേഷം പ്രതി ഒളിവിലായിരുന്നു. എന്നാൽ ചുനക്കരയിലെ പെട്രോള്‍ പമ്പിന് സമീപത്ത് വച്ച് കുറത്തികാട് എസ്‌ഐ എസി വിപിൻ പ്രതിയെ പിടികൂടി.