കൂടത്തായി കൊലപാതക പരമ്ബരയില്‍ കോടതി പൊലീസ് കസ്റ്റഡിയില്‍ വിട്ട ജോളിയുടെ ചോദ്യം ചെയ്യല്‍ തുടരുന്നു. കൊലപാതകങ്ങള്‍ക്ക് ഉപയോഗിച്ചതെന്ന് കരുതുന്ന സയനൈഡിന്റെ ബാക്കി ഒളിപ്പിച്ച ഇടത്തെക്കുറിച്ചാണ് പൊലീസ് പ്രധാനമായും അന്വേഷിക്കുന്നത്. ശേഷിച്ച സയനൈഡ് പൊന്നാമറ്റം വീട്ടില്‍ ഒളിപ്പിച്ചെന്നാണ് സൂചന. എസ്.പി കെ.ജി.സൈമണ്‍ നേരിട്ടാണ് ജോളിയെ ചോദ്യം ചെയ്യുന്നത്. അവിഹിതബന്ധങ്ങള്‍ മറയ്ക്കാനും സ്ഥിരവരുമാനമുള്ളയാളെ വിവാഹം കഴിക്കാനുമാണ് ജോളി ആദ്യഭര്‍ത്താവ് റോയിയെ കൊലപ്പെടുത്തിയതെന്ന് പൊലീസ് കോടതിയില്‍ സമര്‍പ്പിച്ച കസ്റ്റഡി അപേക്ഷയില്‍ വ്യക്തമാക്കി.

ജോളിക്കൊപ്പം അറസ്റ്റിലായ മറ്റു രണ്ട് പ്രതികളേയും പ്രത്യേക അന്വേഷണസംഘം വടകര റൂറല്‍ എസ്.പി ഓഫിസില്‍ ചോദ്യംചെയ്യുകയാണ്.