തിരുവനന്തപുരം സബ് കളക്ടര് പ്രഞ്ജാല് പട്ടീല് മന്ത്രി കെ.കെ. ശൈലജ ടീച്ചറെ സന്ദര്ശിച്ചു
തിരുവനന്തപുരം സബ് കളക്ടര് പ്രഞ്ജാല് പട്ടീല് ആരോഗ്യ സാമൂഹ്യനീതി വനിത ശിശുവികസന വകുപ്പ് മന്ത്രി കെ.കെ. ശൈലജ ടീച്ചറെ സന്ദര്ശിച്ചു. എല്ലാ വെല്ലുവിളികളേയും അതിജീവിച്ച് ഒരു പെണ്കുട്ടി തന്നെ ഈ സ്ഥാനത്തെത്തിയതില് സാമൂഹ്യനീതി വനിത ശിശു വികസന വകുപ്പ് മന്ത്രി എന്ന നിലയില് അഭിമാനമുണ്ടെന്ന് മന്ത്രി കെ.കെ. ശൈലജ ടീച്ചര് പറഞ്ഞു. മറ്റുള്ളവര്ക്ക് ഇത് മാതൃകയാണ്. മറ്റ് സംസ്ഥാനങ്ങളെ അപേക്ഷിച്ച് മികച്ച അവസരമാണ് കേരളം നല്കുന്നത്. സബ് കളക്ടര് എന്ന നിലയില് മികച്ച പ്രവര്ത്തനം നടത്താന് കഴിയട്ടെയെന്ന് മന്ത്രി ആശംസിക്കുകയും ചെയ്തു.
കഴിഞ്ഞ ആറേഴ് മാസമായി മലയാളം പഠിക്കാന് ശ്രമിക്കുകയാണ് പ്രഞ്ജാല് പട്ടീല് പറഞ്ഞു. മറ്റ് പല സംസ്ഥാനങ്ങളെ അപേക്ഷിച്ച് കേരളം വളരെ സൗഹൃദമാണെന്നും പ്രഞ്ജാല് പട്ടീല് വ്യക്തമാക്കി. ആരോഗ്യ വകുപ്പ് പ്രിന്സിപ്പല് സെക്രട്ടറി ഡോ. രാജന് എന്. ഖോബ്രഗഡെ സന്നിഹിതനായി.
https://www.facebook.com/Malayalivartha
