വളച്ചോ ജീ ഒടിക്കരുത്... കുടിച്ച വെള്ളത്തെപ്പോലെ വിശ്വസിച്ച വെള്ളാപ്പള്ളിമാരുടെ കള്ളക്കളികളുടെ റിപ്പോര്ട്ട് കണ്ട് കണ്ണ് തള്ളി അമിത്ഷാ; അച്ഛനും മകനും ഉയര്ന്ന സ്ഥാനമാനങ്ങള്ക്കായി അമിത്ഷായെ കണാന് ശ്രമിച്ച തുഷാര് വെള്ളാപ്പള്ളിക്ക് കനത്ത തിരിച്ചടി; അപ്പന് ഒരു വശത്തും മകന് ഒരുവശത്തുമുള്ള കള്ളക്കളി ഇവിടെ നടക്കില്ല
കേരളത്തിലെ ഏറ്റവും പ്രബലമായ സാമുദായിക സംഘടനകളിലൊന്നാണ് എസ്എന്ഡിപി. അതിനാല് തന്നെ കേരളത്തില് ബിജെപിയ്ക്ക് വേരോട്ടം വേണമെങ്കില് അവരെ കൂട്ടണമെന്നാണ് നരേന്ദ്രമോദിക്കും അമിത്ഷായ്ക്കും കിട്ടിയ ഉപദേശം. അത് വിശ്വസിച്ച് വെള്ളാപ്പള്ളി നടേശനെ ബിജെപിയില് ചേര്ക്കാന് ശ്രമിച്ചു. എന്നാല് തന്ത്രശാലിയായ വെള്ളാപ്പള്ളി നടേശന് മകനെ കൊണ്ട് ബിഡിജെഎസ് എന്ന പാര്ട്ടി ഉണ്ടാക്കുകയാണ് ചെയ്തത്. അത് എന്ഡിഎയില് ഭാഗമാക്കുകയും ചെയ്തു. കാരണം വില പേശി സ്ഥാനമാനങ്ങള് നേടാം. വില പേശി എപ്പോള് വേണമോ കേരളത്തിലെ മറ്റ് രണ്ട് മുന്നണികളില് ചേരുകയുമാകാം. തലച്ചോര് അച്ഛന്റേതാണെങ്കിലും പുറമേ കാലുമാറി വെള്ളാപ്പള്ളി കളിച്ചു. ഇതറിയാതെ മോദി വെള്ളാപ്പള്ളിക്ക് കേന്ദ്ര സേനയുടെ സുരക്ഷയും മകന് തുഷാറിനെ കേരളത്തിലെ എന്ഡിഎ കണ്വീനറുമാക്കി. ഏത് സമയവും അമിത്ഷായെ കാണാന് തുഷാറിന് കഴിയുന്ന സാഹചര്യവുമായിരുന്നു. അതിനാല് കേരള നേതാക്കളോട് പരമപുച്ഛവുമായിരുന്നു. അച്ഛന് ഗവര്ണര് സ്ഥാനവും മകന് കേന്ദ്രമന്ത്രി സ്ഥാനവും അവര് കണ്ണ് വച്ചിരുന്നു.
എന്നാല് ലോക്സഭാ ഉപതെരഞ്ഞെടുപ്പില് അച്ഛനും നിയമസഭാ ഉപതെരഞ്ഞെടുപ്പില് അച്ഛനും മകനും ഒന്നിച്ച് കളിച്ചതോടെ കേരളത്തില് ബിജെപിയ്ക്ക് ഒന്നും നേടാനായില്ല. കഴിഞ്ഞ തെരഞ്ഞെടുപ്പില് മത്സരിക്കാന് പോലും തുഷാര് സ്ഥാനാര്ത്ഥിയെ നിര്ത്തിയില്ല. തെരഞ്ഞെടുപ്പ് കഴിഞ്ഞിട്ട് പഴയ മോഹങ്ങള് പൊടിതട്ടാന് ഡല്ഹിയിലെത്തിയ തുഷാറിന് വളരെ കയ്ക്കുന്ന അനുഭവമാണ് ഉണ്ടായത്.
എന്ഡിഎയില് നിന്ന് തുഷാര് വെള്ളാപ്പള്ളിയുടെ ബിഡിജെഎസിനെ പുറത്താക്കാന് ബിജെപി ദേശീയ അധ്യക്ഷന് അമിത് ഷാ തീരുമാനിച്ചു കഴിഞ്ഞു. ബിജെപിക്ക് ബിഡിജെഎസ് പിന്തുണ കിട്ടാത്ത സാഹചര്യത്തിലാണ് ഇത്. വട്ടിയൂര്ക്കാവിലും കോന്നിയിലും ബിഡിജെഎസ് പാലം വലിച്ചു. ബിഡിജെഎസിനെ കൂടെ കൂട്ടുന്നതു കൊണ്ട് എന് എസ് എസിന്റെ സഹായം ബിജെപിക്ക് കിട്ടുന്നുമില്ല. എസ് എന് ഡി പി യൂണിയന്റെ പിന്തുണ പ്രതീക്ഷിച്ചാണ് ബിഡിജെഎസിനെ ബിജെപി കൂടെ കൂട്ടിയത്. എന്നാല് എസ് എന് ഡി പി നേതാവ് വെള്ളാപ്പള്ളി നടേശന് ബിജെപിയെ പരസ്യമായി വിമര്ശിക്കുകയും ചെയ്തു. കേരളത്തില് അമിത് ഷായ്ക്ക് ഏറ്റവും അടുത്ത് ബന്ധമുണ്ടായിരുന്നത് തുഷാര് വെള്ളാപ്പള്ളിയുമായായിരുന്നു. എന്നാല് തിരിച്ച് തുഷാറും ബിഡിജെഎസും പറ്റിക്കുകയാണെന്നാണ് അമിത് ഷാ വിലയിരുത്തുന്നു.
കഴിഞ്ഞ ഏഴു ദിവസമായി ഡല്ഹിയില് കാത്തു കിടക്കുന്ന തുഷാര് വെള്ളാപ്പള്ളിയെ കാണാന് അനുമതി നല്കുവാന് ബിജെപി യുടെ ഉത്തരവാദിത്വപെട്ട ആരും തയ്യാറായില്ല. തുഷാറിന്റെ കൂടിക്കാഴ്ചയ്ക്ക് വേണ്ടിയുള്ള നിരന്തര അഭ്യര്ത്ഥന അമിത് ഷാ തള്ളുന്നതും ബോധപൂര്വ്വമാണ്. തുഷാറും, വെള്ളാപ്പള്ളിയും ഇനി എന്ഡിഎയുടെ ഭാഗമായി വേണ്ട എന്ന തീരുമാനം ഉണ്ടായികഴിഞ്ഞുവെന്ന് മുതിര്ന്ന ബിജെപി നേതാക്കള് തന്നെ സമ്മതിക്കുന്നുണ്ട്.
അതേസമയം പാര്ട്ടി അധ്യക്ഷനായ തുഷാറിനെ പുറത്താക്കി ബി ഡി ജെ എസിനെ എന് ഡി എ ഘടക കക്ഷിയാക്കി നിലനിര്ത്താനും തീരുമാനമുണ്ട്. ബി ഡി ജെ എസിന്റെ തുഷാര് ഒഴികെയുള്ള നിലവിലെ നേതാക്കളെ നിലനിര്ത്തി സംഘടനാ തലപ്പത്തേയ്ക്ക് ടി പി സെന്കുമാര് മോഡല് പ്രൊഫഷണല് നേതൃനിര സൃഷ്ടിക്കാനാണ് ആലോചന.
സമുദായ സംഘടന എന്ന ലേബല് മാറ്റി ബി ഡി ജെ എസിനെ ദേശീയ തലത്തില് പ്രവര്ത്തിക്കുന്ന സംഘടനയാക്കി പ്രമുഖ ഘടകകക്ഷിയാക്കി മാറ്റാനും ആലോചനയുണ്ട്. ഉടന് 10 സംസ്ഥാനങ്ങളില് എങ്കിലും സംഘടനയുടെ കമ്മിറ്റികള് നിലവില് വരും. ബി ഡി ജെ എസിന്റെ നേതൃനിരയില് തുഷാറിനെതിരെ ശക്തമായ പ്രതിക്ഷേധം ഉയരുന്നുണ്ട്.
ബി ഡി ജെ എസിന്റെ നേതൃനിരയില് ഏതാണ്ട് ഒറ്റപ്പെട്ട നിലയിലാണ് തുഷാറെന്നു പറയപ്പെടുന്നു. സുഭാഷ് വാസു ഉള്പ്പെടെയുള്ള നേതാക്കള് ബിജെപി നീക്കത്തിനൊപ്പം നില്ക്കുമെന്നാണ് പ്രതീക്ഷ.
തുഷാറിനെതിരെയുള്ള ചില കേസുകള് സംബന്ധിച്ച് അദ്ദേഹത്തിനെതിരെ കേന്ദ്ര ഇന്റലിജന്സ് ബ്യൂറോയുടെ റിപ്പോര്ട്ട് ഉള്ളതും സന്ദര്ശനാനുമതി തടയാന് കാരണമായതായി പറയപ്പെടുന്നു. ഈ കേസുകളുമായി ബന്ധപെട്ടു താമസിയാതെ തുഷാറിന് കുരുക്ക് മുറുകുന്നതായും സൂചനയുണ്ട്. എന്തായാലും അമിത്ഷായെ വെറുപ്പിച്ചവരാരും മറുകര കണ്ടിട്ടില്ലെന്നതാണ് വെള്ളാപ്പള്ളിമാരെ ഭയപ്പെടുത്തുന്നത്.
https://www.facebook.com/Malayalivartha
