മനസമാധാനം പോകുമെന്നാ തോന്നണെ... ശബരിമലയില് ഇത്തവണയും യുവതികളുമായി എത്തുമെന്ന് മനിതി സംഘത്തിന്റെ മുന്നറിയിപ്പ്; മണ്ഡലകാലം അടുത്തിരിക്കെ ഏറ്റവുമധികം ഞെട്ടിയിരിക്കുന്നത് സിപിഎം; ശബരിമല കാരണം ലോക്സഭയില് കൂപ്പുകുത്തിയ പാര്ട്ടി പ്രായശ്ചിത്തത്തോടെ പ്രവര്ത്തിച്ച് വരുന്നതിനിടെ അടുത്ത പരീക്ഷണകാലം
കഴിഞ്ഞ മണ്ഡലകാലം മലയാളികള്ക്ക് സമ്മാനിച്ചത് വളരെ വേദനയുളവാക്കുന്ന കാലമാണ്. ഭക്തരെ സംബന്ധിച്ച് ഒട്ടും ഓര്ക്കാനാഗ്രഹിക്കാത്ത കാലം. ജനങ്ങളെ സംബന്ധിച്ച് ഹര്ത്താലുകളുടെ കാലം. സിപിഎമ്മിനെ സംബന്ധിച്ച് ജയിച്ചെങ്കിലും തോറ്റടിഞ്ഞ കാലം. അവസാനം പാര്ട്ടിതന്നെ തള്ളിപ്പറഞ്ഞ മാസമാണ്. മലയാളികള് എല്ലാം മറന്ന് തുടങ്ങി അയ്യപ്പന്റെ തട്ടകമായ കോന്നിയിലും വട്ടിയൂര്ക്കാവിലും പാര്ട്ടി സ്ഥാനാര്ത്ഥികളെ ജയിപ്പിക്കുകയും ചെയ്തു. എന്നാല് മുഖ്യമന്ത്രിയാകട്ടെ സുപ്രിംകോടതി വിധി നടപ്പാക്കുമെന്ന് തന്നെയാണ് ഇപ്പോഴും വ്യക്തമാക്കുന്നത്. ഇതിന് പിന്നാലെ ദേ വാര്ത്തയുമെത്തി.
ഇത്തവണയും ശബരിമല ദര്ശനത്തിന് യുവതികളുമായി എത്തുമെന്ന് മനിതി വനിതാ കൂട്ടായ്മ വ്യക്തമാക്കി. ഇത്തവണ വലിയ പ്ലാനുമായാണ് മനീതി സംഘം എത്തുന്നത്. തമിഴ്നാട് സ്ത്രീകള് മാത്രമായതിനാല് അവര് പേടിച്ചോടുകയായിരുന്നു. അതിനാല് തന്നെ പ്ലാന് മാറ്റി കേരളത്തിലെ യുവതികള്ക്കൊപ്പമാണ് ഇത്തവണം ശബരിമല ദര്ശനം നടത്തുക. ഇതോടെ ഇത്തവണയും മണ്ഡലകാലം സംഘര്ഷഭരിതമാകാന് സാധ്യതയേറിയിട്ടുണ്ട്.
സുപ്രിംകോടതിവിധിക്ക് പിന്നാലെ കഴിഞ്ഞ വര്ഷം യുവതികളുമായി മനീതി സംഘം ശബരിമല ദര്ശനത്തിന് എത്തിയിരുന്നു. എന്നാല് ബിജെപിയുടെയും സംഘപരിവാര്, ഹിന്ദു സംഘടനകളുടെ ശക്തമായ എതിര്പ്പിനെ തുടര്ന്ന് ദര്ശനം സാധ്യമാകാതെ തിരിച്ചുപോകുകയായിരുന്നു. വിവിധ സംസ്ഥാനങ്ങളില് നിന്നായി 60 ഓളം പേര് ശബരിമലയില് എത്താനായിരുന്നു തീരുമാനിച്ചിരുന്നത്.
ഈ മാസം 16 നാണ് ശബരിമലയില് മണ്ഡലകാല പൂജകള്ക്കായി നടതുറക്കുന്നത്. സ്ത്രീ പ്രവേശന വിധി സുപ്രീംകോടതി സ്റ്റേ ചെയ്യാത്ത സാഹചര്യത്തില് തീര്ത്ഥാടന കാലത്തും സന്നിധാനത്ത് പ്രതിഷേധക്കാര് തമ്പടിക്കാന് സാദ്ധ്യതയുണ്ട്. അയല് സംസ്ഥാനങ്ങളില് നിന്ന് വന് തോതില് തീര്ത്ഥാടകരെത്തുന്ന മണ്ഡല, മകരവിളക്ക് കാലത്ത് പ്രതിഷേധക്കാരെ സന്നിധാനത്ത് നിന്ന് ഒഴിപ്പിക്കുന്നത് പൊലീസിന് തലവേദനയാകും.
ശബരിമലയിലേക്ക് വരുന്ന തീര്ത്ഥാടക വാഹനങ്ങള് പാെലീസ് സ്റ്റേഷനുകളില് നിന്ന് പാസ് എടുക്കുന്നതടക്കം കര്ശന നടപടികള് പൊലീസിന്റെ ഭാഗത്തു നിന്നുണ്ടാകും. ശബരിമല യുവതീപ്രവേശനത്തിലെ റിവ്യൂഹര്ജികളില് സുപ്രിംകോടതിയുടെ അന്തിമ വിധി ഉടനുണ്ടാകുമെന്നാണ് സൂചന.
അതേസമയം ശബരിമലയിലെ അടിസ്ഥാന സൗകര്യവികസനം ഇത്തവണ സര്ക്കാര് നേരിട്ടാണ് നടത്തുന്നത്. ശബരിമല വികസനകാര്യങ്ങള്ക്ക് ഹൈക്കോടതി നിയോഗിച്ച ഉന്നതാധികാര സമിതിയുടെ അനുമതി വേണമെന്ന വ്യവസ്ഥ മറികടക്കാനാണ് ഈ നീക്കം.
ഉന്നതാധികാരസമിതിയുടെ അനുമതി തേടാതെ ജോലികള് നേരിട്ടുനടത്താമെന്നാണ് സര്ക്കാര് ഉത്തരവിന്റെ സാരാംശം. സര്ക്കാര് ഫണ്ട് വിനിയോഗിക്കാന് പ്രത്യേക ഉദ്ദേശ്യകമ്പനി ഉണ്ടാക്കാനുള്ള തീരുമാനം കോടതിയുടെ പരിഗണനിയിലിരിക്കെയാണ് നടപടി. ഉത്തരവ് നിയമപ്രശ്നങ്ങള് ഉയര്ത്തിയേക്കാനിടയുണ്ട്.
ഉന്നതാധികാരസമിതിയുടെ മേല്നോട്ടത്തിലേ ഇപ്പോള് വികസനപ്രവര്ത്തനം നടത്താനാവൂ. പുറത്തുനിന്ന് പണം കണ്ടെത്തി വികസനം നടത്തണമെന്ന ഉദ്ദശ്യത്തോടെ രൂപവത്കരിച്ച സമിതിക്ക് ഈ ലക്ഷ്യം അത്രകണ്ട് നിറേവേറ്റാനായില്ല. ഇതോടെ സര്ക്കാര് നല്കുന്ന പണം ഉപയോഗിച്ചുള്ള വികസനമേ നടക്കുന്നുള്ളൂ.
സര്ക്കാര് നല്കുന്ന പണം വിനിയോഗിക്കുന്നതിനുപോലും സമിതിയുടെ അനുമതി തേടണമെന്നതും കടുത്ത വ്യവസ്ഥകള് ഏര്പ്പെടുന്നതിലുമുള്ള അതൃപ്തിയാണ് പുതിയ ഉത്തരവിന് പിന്നില്. എന്നാല് ഹൈക്കോടതിയുടെ നിര്ദേശം സര്ക്കാര് ഉത്തരവിലൂടെ മറികടക്കാനാകുമോയെന്നതാണ് നിയമപ്രശ്നം.
https://www.facebook.com/Malayalivartha
