ഓപ്പറേഷന് ശബരിമല ; ശബരിമലയിലെ അടിസ്ഥാന സൗകര്യവികസനം സര്ക്കാര് നേരിട്ട് നടത്തും
ശബരിമലയിലെ അടിസ്ഥാന സൗകര്യവികസനം സര്ക്കാര് നേരിട്ട് നടത്തും. ശബരിമല വികസനകാര്യങ്ങള്ക്ക് ഹൈക്കോടതി നിയോഗിച്ച ഉന്നതാധികാര സമിതിയുടെ അനുമതി വേണമെന്ന വ്യവസ്ഥ മറികടക്കാനാണ് ഈ നീക്കം. ഉന്നതാധികാരസമിതിയുടെ അനുമതി തേടാതെ ജോലികള് നേരിട്ടുനടത്താമെന്നാണ് സര്ക്കാര് ഉത്തരവിന്റെ സാരാംശം.
സര്ക്കാര് ഫണ്ട് വിനിയോഗിക്കാന് പ്രത്യേക ഉദ്ദേശ്യകമ്പനി (എസ്.പി.വി.) ഉണ്ടാക്കാനുള്ള തീരുമാനം കോടതിയുടെ പരിഗണനിയിലിരിക്കെയാണ് നടപടി. ഉത്തരവ് നിയമപ്രശ്നങ്ങള് ഉയര്ത്തിയേക്കാനിടയുണ്ട്. ഉന്നതാധികാരസമിതിയുടെ മേല്നോട്ടത്തിലേ ഇപ്പോള് വികസനപ്രവര്ത്തനം നടത്താനാവൂ. പുറത്തുനിന്ന് പണം കണ്ടെത്തി വികസനം നടത്തണമെന്ന ഉദ്ദശ്യത്തോടെ രൂപവത്കരിച്ച സമിതിക്ക് ഈ ലക്ഷ്യം അത്രകണ്ട് നിറേവേറ്റാനായില്ല. ഇതോടെ സര്ക്കാര് നല്കുന്ന പണം ഉപയോഗിച്ചുള്ള വികസനമേ നടക്കുന്നുള്ളൂ. സര്ക്കാര് നല്കുന്ന പണം വിനിയോഗിക്കുന്നതിനുപോലും സമിതിയുടെ അനുമതി തേടണമെന്നതും കടുത്ത വ്യവസ്ഥകള് ഏര്പ്പെടുന്നതിലുമുള്ള അതൃപ്തിയാണ് പുതിയ ഉത്തരവിന് പിന്നില്. എന്നാല് ഹൈക്കോടതിയുടെ നിര്ദേശം സര്ക്കാര് ഉത്തരവിലൂടെ മറികടക്കാനാകുമോയെന്നതാണ് നിയമപ്രശ്നം.
ശബരിമലയ്ക്ക് സര്ക്കാര് നല്കുന്ന പണം എസ്.പി.വി. വഴി വിനിയോഗിക്കാനുള്ള തീരുമാനത്തിനെതിരേ ഹൈക്കോടതിയുടെ ഇടക്കാല ഉത്തരവുണ്ട്. തന്ത്രിയുടെയും വാസ്തുവിദഗ്ധരുടെയും നിര്ദേശംകൂടി ഉള്പ്പെടുത്തി ശബരിമല മാസ്റ്റര്പ്ലാനില് മാറ്റം വരുത്തുന്നതിനുള്ള അനുമതിക്ക് ദേവസ്വം ബോര്ഡ് സുപ്രീംകോടതിയെ സമീപിച്ചിട്ടുണ്ട്. പ്ലാനിലെ പലതും ശാസ്ത്രവിധിപ്രകാരമല്ലെന്നു ബോര്ഡ് പറയുന്നു.
സര്ക്കാര് നീക്കത്തിനുപിന്നില്
* ഉന്നതാധികാര സമിതി സമയബന്ധിതമായി കാര്യങ്ങള് ചെയ്യുന്നില്ലെന്ന ആക്ഷേപം. മണ്ഡലകാലം അടുത്തിട്ടും അടിസ്ഥാനസൗകര്യങ്ങള് പൂര്ണമായി സജ്ജമായില്ല. ഇത് തിരിച്ചടിയുണ്ടാക്കുമെന്ന ആശങ്ക
* പൊതുഭരണ സെക്രട്ടറിയുടെ ഉത്തരവനുസരിച്ച് ടെന്ഡര് നടപടികളിലില്ലാതെ പത്തനംതിട്ട കളക്ടറുടെ ചുമതലയില് അടിസ്ഥാനസൗകര്യം ഏര്പ്പെടുത്താനാവും. ഇതോടെ സര്ക്കാര് പണം എങ്ങനെ വിനിയോഗിക്കാമെന്നു സര്ക്കാരിനുതന്നെ തീരുമാനിക്കാനാകും
* പ്രളയാനന്തരം ശബരിമലയില് വേണ്ടത്ര സൗകര്യങ്ങള് ഒരുക്കാനായില്ലെന്ന പരാതി തീര്ക്കാന് സര്ക്കാര് ശ്രമിക്കുന്നെന്ന് ബോധ്യപ്പെടുത്താം.
https://www.facebook.com/Malayalivartha
