ഫസല്‍ വധക്കേസില്‍ സി.പി.എം നേതാക്കളായ കാരായി രാജനും കാരായി ചന്ദ്രശേഖരനും ജാമ്യവ്യവസ്ഥയില്‍ ഇളവില്ല. ജാമ്യവ്യവസ്ഥയില്‍ ഇളവ് വേണമെന്ന് ആവശ്യപ്പെട്ടുള്ള ഹരജികള്‍ ഹൈകോടതി തള്ളി. കണ്ണൂര്‍ ജില്ലയില്‍ പ്രവേശിക്കരുതെന്ന വിലക്ക് മാറ്റണമെന്ന ഹര്‍ജിക്കാരുടെ ആവശ്യവും ഹൈകോടതി നിരസിച്ചു. കേസില്‍ പുനരന്വേഷണം ആവശ്യപ്പെട്ട് കാരായി രാജനും കാരായി ചന്ദ്രശേഖരനും ഹൈകോടതിയില്‍ ഹരജി നല്‍കിയിട്ടുണ്ട്.2006 ഫെബ്രുവരി 22നാണ് എന്‍.ഡി.എഫ് പ്രവര്‍ത്തകനായ ഫസല്‍ പത്രവിതരണം നടത്തുന്നതിനിടെ കൊല്ലപ്പെട്ടത്.
ജില്ലാ പഞ്ചായത്ത് അംഗവും സി.പി.എം ജില്ലാ സെക്രട്ടേറിയറ്റ് അംഗവുമായ കാരായി രാജന്‍, തലശേരി നഗരസഭാംഗവും ഏരിയ കമ്മിറ്റിയംഗവുമായ കാരായി ചന്ദ്രശേഖരനും അടക്കം എട്ടു സി.പി.എം പ്രവര്‍ത്തകരാണ് പ്രതികള്‍.