കഴിഞ്ഞ തവണ മല ചവിട്ടാൻ ശ്രമം നടത്തിയെങ്കിലും കനത്ത പ്രതിഷേധത്തെ തുടർന്ന് പിൻവാങ്ങിയ തൃപ്തി ദേശായി ശബരിമല ക്ഷേത്ര സന്ദർശനത്തിനായി നാളെ കേരളത്തിലെത്തും എന്ന തരത്തിൽ വാർത്തകൾ പുറത്തുവന്നിരുന്നു. എന്നാൽ ശബരിമല സന്ദര്‍ശനത്തിന് നാളെ എത്തില്ലെന്നു വ്യക്തമാക്കിയിരിക്കുകയാണ് ഭൂമാത ബ്രിഗേഡ് നേതാവ് തൃപ്തി ദേശായി.

ഈ മാസം 20 ന് ശേഷമേ എത്തൂവെന്ന് തൃപ്‌തി ദേശായി വ്യ്കതമാക്കി. ശബരിമലയില്‍ തത്കാലം യുവതികള്‍ക്ക് പ്രവേശനം അനുവദിക്കേണ്ടെന്ന സംസ്ഥാന സര്‍ക്കാര്‍ തീരുമാനത്തിന് പിന്നാലെ, 2018 ലെ സുപ്രീം കോടതി വിധിയുടെ അടിസ്ഥാനത്തില്‍ താന്‍ ശബരിമല സന്ദര്‍ശിക്കുമെന്നും തന്റെ സുരക്ഷയുടെ പൂര്‍ണ്ണ ഉത്തരവാദിത്തം സംസ്ഥാന സര്‍ക്കാരിനാണെന്നും അവര്‍ നേരത്തെ പറഞ്ഞിരുന്നു.

എല്ലാ പ്രായക്കാരായ സ്ത്രീകള്‍ക്കും ശബരിമലയില്‍ പ്രവേശനം അനുവദിച്ച 2018 ലെ സുപ്രീം കോടതി വിധിക്ക് സ്റ്റേ അനുവദിച്ചിട്ടില്ലതിനാല്‍ അത് ഇപ്പോഴും നിലനില്‍ക്കുന്നുണ്ട്. ശബരിമലയില്‍ പ്രവേശിക്കണമെങ്കില്‍ യുവതികള്‍ കോടതി ഉത്തരവുമായി വരണമെന്നാണ് സംസ്ഥാന സര്‍ക്കാര്‍ ഇപ്പോള്‍ പറയുന്നത്. എന്റെ കൈയ്യില്‍ വിധിപ്പകര്‍പ്പുണ്ട്. നാളെ ഞാന്‍ ശബരിമലയിലേക്ക് വരുമെന്നും . എന്ത് സംഭവിച്ചാലും സംസ്ഥാന സര്‍ക്കാരിനാണ് പൂര്‍ണ്ണ ഉത്തരവാദിത്തം. ശബരിമലയില്‍ എത്തുന്ന സ്ത്രീകള്‍ക്ക് സംരക്ഷണം നല്‍കേണ്ട ആവശ്യമില്ല.എന്നാല്‍ ഈ വിധി നടപ്പാക്കരുതെന്ന ആവശ്യവുമായി അവിടെ തമ്ബടിച്ചിരിക്കുന്ന ആളുകള്‍ ആക്രമിക്കാന്‍ സാധ്യതയുള്ളതിനാലാണ് സംരക്ഷണം നല്‍കേണ്ടത്. 2018 ലെ വിധി നിലനില്‍ക്കുന്നുവെന്ന് ഇപ്പോഴും വ്യക്തമാണെന്നും ദേവസ്വം ബോര്‍ഡും സംസ്ഥാന സര്‍ക്കാരും സ്വീകരിച്ചിരിക്കുന്ന നിലപാട് അംഗീകരിക്കാനാവില്ലെന്നും തൃപ്തി വ്യക്തമാക്കിയിരുന്നു.