നവംബര് 22 മുതല് സ്വകാര്യ ബസുകള് അനിശ്ചിതകാല സമരം പ്രഖ്യാപിച്ച സാഹചര്യത്തില് ബസുടമകളുമായി ഗതാഗത മന്ത്രി എ കെ ശശീന്ദ്രന് ഇന്ന് ചര്ച്ച നടത്തും ; ചാര്ജ് വര്ദ്ധനവ് അംഗീകരിക്കപ്പെട്ടാല് വലയുന്നത് പൊതുജനങ്ങള്
നവംബര് 22 മുതല് സ്വകാര്യ ബസുകള് അനിശ്ചിതകാല സമരം പ്രഖ്യാപിച്ച സാഹചര്യത്തില് ബസുടമകളുമായി ഗതാഗത മന്ത്രി എ കെ ശശീന്ദ്രന് ഇന്ന് ചര്ച്ച നടത്തും .ഉച്ചയ്ക്ക് 2 മണിക്ക് നിയമസഭ മന്ദിരത്തിലാണ് ചര്ച്ച നടത്തുക.സ്വകാര്യ ബസ് ഓപ്പറേറ്റേഴ്സ് കോര്ഡിനേഷന് കമ്മിറ്റിയുടെ നേതൃത്വത്തില് ഈമാസം 22 മുതലാണ് അനിശ്ചിതകാല സമരത്തിന് ആഹ്വാനം ചെയ്തിട്ടുള്ളത്.മിനിമം നിരക്ക് പത്തു രൂപയാക്കുക, മിനിമം നിരക്കില് സഞ്ചരിക്കാവുന്ന ദൂരം രണ്ടര കിലോമീറ്ററാക്കി യ്ക്കുക, വിദ്യാര്ത്ഥികളുടെ മിനിമം നിരക്ക് 5 രൂപയാക്കുക തുടങ്ങിയവയാണ് സ്വകാര്യ ബസുടമകള് ആവശ്യപ്പെടുന്നത്. ബസുടമകളുടെ ആവശ്യങ്ങള് പഠിക്കാന് കഴിഞ്ഞവര്ഷം ബസ് സമരം പ്രഖ്യാപിച്ച സമയത്ത് സര്ക്കാര് ജസ്റ്റിസ് രാമചന്ദ്രന് കമ്മീഷനെ ചുമലതപ്പെടുത്തിയിരുന്നു. പക്ഷേ, തുടര് നടപടികള് ഉണ്ടായില്ല. ഈ പശ്ചാത്തലത്തില് കൂടിയാണ് ബസുടമകള് സമരം പ്രഖ്യാപിച്ചത്
മിനിമം ചാര്ജ് വര്ദ്ധിപ്പിക്കാന് തീരുമാനിച്ചാലും വിദ്യാര്ത്ഥികളുടെ കണ്സഷന് നിരക്ക് കൂടി വര്ദ്ധിപ്പിക്കാതെ സമരത്തില് നിന്ന് പിന്മാറില്ലെന്നാണ് ബസുടമകള് പറയുന്നത്. സ്വകാര്യ ബസുകളിലും കെഎസ്ആര്ടിസി ബസുകളിലും ഒരേ മാതൃകയിലുള്ള കണ്സഷന് അനുവദിക്കണമെന്നും സ്വകാര്യ, സ്വാശ്രയ കോളേജ് വിദ്യാര്ത്ഥികള്ക്ക് അനുവദിക്കുന്ന കണ്സഷന് നിര്ത്തലാക്കണമെന്നും ബസുടമകള് ആവശ്യപ്പെടുന്നു.
സംസ്ഥാനത്തെ പൊതുഗതാഗത മേഖലയുടെ നട്ടെല്ലായ സ്വകാര്യ ബസുകള് വന്പ്രതിസന്ധിയാണ് നേരിടുന്നതെന്നാണ് റിപ്പോര്ട്ടുകള്. സംസ്ഥാനത്ത് സര്വീസ് നടത്തുന്ന കെഎസ്ആര്ടിസി ബസുകളുടെ ഇരട്ടിയിലധികമാണ് സ്വകാര്യ ബസുകളുടെ എണ്ണം. സംസ്ഥാനത്ത് കെഎസ്ആര്ടിസിയ്ക്ക് ആറായിരത്തിലധികം ബസുകളാണ് നിരത്തിലുള്ളത്. എന്നാല് എട്ടു വര്ഷം മുന്പ് 340000ത്തിലധികം സ്വകാര്യ ബസുകളുണ്ടായിരുന്ന സ്ഥാനത്ത് ഇപ്പോള് ബസുകളുടെ എണ്ണം 12500 മാത്രമാണെന്ന് കണക്കുകള് സൂചിപ്പിക്കുന്നു.
ചാര്ജ് വര്ധിപ്പിക്കാതെ ഒരു വ്യവസായം എന്ന നിലയില് മുന്നോട്ടു പോകാനാവില്ല.ചാര്ജ് വര്ധനയ്ക്കൊപ്പം ഗതാഗതനയം രൂപീകരിക്കുക എന്ന ആവശ്യവും സ്വകാര്യ ബസ് ഉടമകള് മുന്നോട്ടു വെക്കുന്നു
സ്വകാര്യ ബസ് ഓപ്പറേറ്റേഴ്സ് കോര്ഡിനേഷന് കമ്മിറ്റിയുടെ നേതൃത്വത്തില് ഈമാസം 22 മുതലാണ് അനിശ്ചിതകാല സമരത്തിന് ആഹ്വാനം ചെയ്തിട്ടുള്ളത്.ബസുടമകള് തങ്ങളുടെ നിലപാടുമായി മുന്നോട്ടു പോകുന്ന സാഹചര്യത്തിലാണ് ഗതാഗത മന്ത്രി ഇന്ന് ചര്ച്ചയ്ക്കു തയ്യാറായിരിക്കുന്നത്.
എന്നാല് ചാര്ജ് വര്ദ്ധനവുണ്ടായാല് അത് ബാധിക്കുക സാധാരണ ജനങ്ങളെ തന്നെ. നിലവില് എല്ലാ മേഖലകളിലും കുതിച്ചുയരുന്ന വിലക്കയറ്റം സാധാരണക്കാരനെ വലയ്ക്കുകയാണ്.അതിന്റെ കൂടെയാണ് വീണ്ടും ബസ് ചാര്ജ് വര്ധന എന്ന ആവശ്യം ഉയരുന്നത്. ഗതാഗതമടക്കമുള്ള ജീവിത ചിലവുകള് വര്ധിക്കുന്നതിനൊപ്പം ജനങ്ങളുടെ വരുമാനത്തില് ഒരു വര്ധനവും ഉണ്ടാവുന്നില്ല..അപ്പോഴാണ് ബസ് ഉടമകളില് നിന്നും ബസ് ചാര്ജ് വര്ധനവ് എന്ന ആവശ്യം അടിക്കടി ഉയരുന്നത്.
ഈ സാഹചര്യത്തില് ഇന്നത്തെ ചര്ച്ച നിര്ണായകമാകും. ഗതാഗത മന്ത്രി എന്തുനിലപാടായിരിക്കും സ്വീകരിക്കുക എന്നത് നിര്ണായകമാണ്. വിദ്യാര്ത്ഥി കണ്സഷന് ഉള്പ്പെടെയുള്ള ചാര്ജ് വര്ദ്ധനവ് അംഗീകരിക്കപ്പെട്ടാല് പ്രക്ഷോഭങ്ങളുമായി വിദ്യാര്ത്ഥികളും തെരുവിലിറങ്ങും .
https://www.facebook.com/Malayalivartha
