പ്ലാസ്റ്റിക് വിമുക്തമാക്കുന്നതിന്റെ ഭാഗമായി തിരുപ്പതി ക്ഷേത്ര ത്തില്‍ നിന്നും ലഭിക്കുന്ന ലഡ്ഡു ഇനി പേപ്പര്‍, ചണം എന്നിവകൊണ്ട് നിര്‍മ്മിച്ച പെട്ടികളില്‍ ലഭിക്കുമെന്ന് ദേവസ്വംബോര്‍ഡ്. തിങ്കളാഴ്ച മുതലാണ് ലഡ്ഡുകള്‍ പെട്ടികളില്‍ വിതരണം ചെയ്ത് തുടങ്ങിയത്. ആഗസ്റ്റിലാണ് തിരുമല തിരുപ്പതി ദേവസ്വം ട്രസ്റ്റ് ബോര്‍ഡ് ചെയര്‍മാന്‍ അവിടത്തെ പ്രസാദം പേപ്പര്‍, ചണം എന്നിവ കൊണ്ട് നിര്‍മ്മിച്ച പെട്ടികളില്‍ വിതരണം ചെയ്യാനുള്ള തീരുമാനം അംഗങ്ങളെ അറിയിച്ചത്.

ചെയര്‍മാന്റെ ഈ തീരുമാനത്തെ മറ്റ് അംഗങ്ങളും അംഗീകരിക്കുകയായിരുന്നു. ഒരു ലഡ്ഡു മാത്രമുള്ള പേപ്പര്‍ പെട്ടിക്ക് മൂന്ന് രൂപ, രണ്ടു ലഡ്ഡുവാണെങ്കില്‍ 5 രൂപ അതുപോലെ അഞ്ച് ലഡ്ഡുവുള്ള ചണ പെട്ടിക്ക് 25 രൂപ, പത്തെണ്ണമുള്ളതാണെങ്കില്‍ 30 രൂപയും 25 എണ്ണമുള്ള പെട്ടിക്കാണെങ്കില്‍ 55 രൂപ എന്നിങ്ങനെയാണ് നിരക്കുകള്‍. ക്ഷേത്ര പരിസരത്ത് പ്ലാസ്റ്റിക് കവറുകള്‍ക്ക് നേരത്തെതന്നെ ദേവസ്വംബോര്‍ഡ് നിരോധനം ഏര്‍പ്പെടുത്തിയിരുന്നു.