എന്റെയും അനിയന്റെയും നന്നാക്കാന് കൊടുത്ത സൈക്കിള് തിരിച്ചുകിട്ടുന്നില്ല അതുകൊണ്ട് സാര് ഇത് ഒന്ന് വാങ്ങിത്തരണം; പൊലീസുകാരെ ഞെട്ടിച്ച് അഞ്ചാം ക്ലാസുകാരൻ
പൊലീസുകാരെ ഞെട്ടിച്ച് എല്പി സ്കൂള് വിദ്യാര്ഥി നോട്ട്ബുക്കിന്റെ പേപ്പറിലെഴുതിയ പരാതി. വിളയാറ്റൂര് ഇളംപിലാട് എല്പി സ്കൂളിലെ പത്തു വയസുകാരനായ അബിനാണ് പൊലീസുകാരെ അമ്പരപ്പിച്ചത്. സൈക്കിള് കടയില് നന്നാക്കാനേല്പിച്ച തന്റെയും അനിന്റെയും സൈക്കിളുകള് തിരികെ കിട്ടാനാവശ്യമായ നടപടി സ്വീകരിക്കണമെന്നാവശ്യപ്പെട്ടാണ് പത്തുവയസുകാരന് പരാതിയുമായി പോലീസ് സ്റ്റേഷനിലെത്തിയത്.
കോഴിക്കോട് കൊയിലാണ്ടിയ്ക്കടുത്ത് മേപ്പയ്യൂരാണ് സംഭവം നടന്നത്. എളമ്ബിലാട് എല്പി സ്കൂളിലെ അഞ്ചാം ക്ലാസ് വിദ്യാര്ഥിയായ ആബിനാണ് നോട്ട്ബുക്കില് നിന്ന് കീറിയെടുത്ത പേപ്പറില് നീല മഷിപ്പേന കൊണ്ടെഴുതിയ പരാതിയുമായി മേപ്പയ്യൂര് പോലീസ് സ്റ്റേനിലെത്തിയത്. നന്നാക്കാനേല്പിച്ച സൈക്കിളുകള് തിരികെ വാങ്ങിക്കൊടുക്കണമെന്നാണ് നവംബര് 25 ന് ആബിന് നല്കിയ പരാതിയിലെ ആവശ്യം.
എസ് ഐയെ അഭിസംബോധന ചെയ്താണ് പരാതിയെഴുതിയിരിക്കുന്നത്. 'എന്റെയും അനിയന്റെയും സൈക്കിള് സെപ്റ്റംബര് അഞ്ചിന് നന്നാക്കാന് കൊടുത്തതാണ്. ഇതു വരെ നന്നാക്കി തന്നിട്ടില്ല. ഇരുനൂറ് രൂപയും അന്ന് കൊടുത്തിരുന്നു. വിളിച്ചാല് ഫോണെടുക്കാറില്ല. എടുത്താല് നന്നാക്കുമെന്ന് പറയും. കടയില് പോയി നോക്കിയാല് അടച്ചിട്ടുണ്ടാകും. പോയി അന്വേഷിക്കാന് വീട്ടില് വേറെ ആരുമില്ല. അത് കൊണ്ട് സാര് ഇത് ഒന്ന് ഞങ്ങള്ക്ക് വാങ്ങിത്തരണം.' ഇതാണ് പരാതിയിലുള്ളത്.
പത്ത് വയസ് മാത്രമുള്ള ഒരു കുട്ടി ഒറ്റയ്ക്ക് സ്റ്റേഷനില് പരാതി നല്കാനെത്തിയത് പോലീസുകാരെ ഞെട്ടിച്ചിരിക്കുകയാണ്. പരാതി ലഭിച്ച ഉടനെ അത് പരിഹരിക്കാനുള്ള നടപടികളും പൊലീസ് ആരംഭിച്ചു. അബിന് സൈക്കിള് നന്നാക്കാന് കൊടുത്ത മെക്കാനിക്കുമായി ബന്ധപ്പെട്ടെന്നും വ്യാഴാഴ്ച കുട്ടിയുടെ സൈക്കിള് തിരികെ നല്കാന് പറഞ്ഞിട്ടുണ്ടെന്നും പൊലീസ് വ്യക്തമാക്കി. അസുഖ ബാധിതനായതിനാലും മകന്റെ വിവാഹത്തിന്റെ തിരക്കിലായതിനാലുമാണ് കട തുറക്കാതിരുന്നത് എന്നാണ് മെക്കാനിക്ക് പറഞ്ഞത്.
https://www.facebook.com/Malayalivartha
