ഒരു അന്വേഷണത്തിന് സർക്കാർ നയപരമായ തീരുമാനം എടുത്തിരിക്കുന്നു .ഇഡി കത്തില്‍ മുന്‍ മുഖ്യമന്ത്രി പിണറായി വിജയനും മുന്‍ മന്ത്രി പി.എ.മുഹമ്മദ് റിയാസിനുമെതിരെ അന്വേഷണത്തിന് ഉത്തരവിട്ട് ആഭ്യന്തരമന്ത്രി. ഉത്തരവ് പൊലീസ് മേധാവിക്ക് കൈമാറും. ക്രൈംബ്രാഞ്ചിനായിരിക്കും അന്വേഷണച്ചുമതല.മുഖ്യമന്ത്രി വി.ഡി.സതീശനും ആഭ്യന്തര മന്ത്രി രമേശ് ചെന്നിത്തലയും തമ്മിലുള്ള കൂടിയാലോചനയ്ക്ക് ശേഷമാണ് തീരുമാനം. ഇരുവർക്കും എതിരായ അനധികൃത സമ്പാദ്യവും ഹവാല ഇടപാടും ഉൾപ്പെടെയുള്ള ആരോപണങ്ങൾ ഗുരുതരം എന്നാണ് സർക്കാരിന്‍റെ വിലയിരുത്തൽ.

പിണറായി വിജയൻ സിഎംആർഎല്ലിൽ നിന്ന് മാസപ്പടിയായി 3.28 കോടി രൂപ കൈക്കൂലി വാങ്ങിയെന്നും മുഹമ്മദ് റിയാസ് 20.5 കോടി രൂപ അനധികൃതമായി സമ്പാദിച്ചെന്നുമാണ് എഡി ഡിജിപിക്ക് നൽകിയ കത്തിൽ ആരോപിക്കുന്നത്.എങ്ങനെ അന്വേഷണം എടുക്കണം എന്നുള്ളത് ഡിജിപി തീരുമാനിക്കും . കത്ത് കൈമാറിയത് ഡിജിപി ക്കാണ് . അതുകൊണ്ട് തന്നെ ആരൊക്കെ അന്വേഷണ സംഘത്തിൽ ഉണ്ടാവും എന്നുള്ളത് ഡി ജി പി ആവും തീരുമാനിക്കുക . ഏതായാലും സർക്കാർ ഒരു അന്വേഷണത്തിലേക്ക് പോവുകയാണ് . നിയമപരമായിട്ടുള്ള അന്വേഷണം സാങ്കേതികമായിട്ടുള്ള തീരുമാനത്തിന് അപ്പുറത്തേക്ക് രാഷ്ട്രീയമായിട്ടുള്ള

മാനങ്ങളും വളരെ വലുതാണ് ഈ കേസിൽ ..അതീവ വിവാദമായ കേസാണ് ദേശീയ തലത്തിൽ വരെ ഏറെ ചർച്ചയാകാൻ പോകുന്ന നീക്കത്തിലേക്കാണ് സർക്കാർ ഇപ്പോൾ പോകുന്നത് . കാരണം .കേന്ദ്ര അന്വേഷ ഏജൻസികൾ നൽകിയിട്ടുള്ള തെളിവുകളുടെ അടിസ്ഥാനത്തിൽ ആണ് ഇപ്പോൾ സംസ്ഥാന സർക്കാർ ഇപ്പോൾ അന്വേഷണം ആരംഭിക്കുന്നത് . കേസിൽ ക്രൈംബ്രാഞ്ച് അന്വേഷണം നടത്താൻ ആഭ്യന്തരമന്ത്രി രമേശ് ചെന്നിത്തല ഡിജിപി റവാഡ ചന്ദ്രശേഖരന് നിർദ്ദേശം നൽകി.

അന്വേഷണത്തിനായി ക്രൈം ബ്രാഞ്ച് എഡിജിപിയുടെ നേതൃത്വത്തിൽ പ്രത്യേക അന്വേഷണസംഘത്തെ രൂപീകരിക്കും.ഇ.ഡിയുടെ കത്ത് പരിശോധിച്ച അഡ്വക്കേറ്റ് ജനറൽ ജാജു ബാബു വിജിലൻസിന്റെയും, ക്രൈംബ്രാഞ്ചിന്റെയും പ്രാഥമികാന്വേഷണമാകാമെന്നാണ് നിയമോപദേശം നൽകിയിരുന്നു. സി.എം.ആർ.എല്ലുമായി വീണ നടത്തിയ 3.28 കോടിയുടെ പണമിടപാടുകൾക്ക് പിണറായിയെയും വീണയെയും അഴിമതി നിരോധന നിയമ പ്രകാരം വിചാരണ ചെയ്യാമെന്നാണ് പ്രൊസിക്യൂഷൻ ഡയറക്ടർ ജനറൽ ടി.അസിഫലിയും നിയമോപദേശം നൽകിയിരുന്നു.