പൊലീസില്‍ ക്രിമിനലുകളുടെ എണ്ണം കൂടുന്നതായി കണക്കുകൾ. ഉരുട്ടിക്കൊല, കസ്റ്റഡി മരണം, ലാത്തിയേറ്, പീഡനക്കേസ് അങ്ങനെ പോകുന്നു സമീപ കാലത്തായി വർധിക്കുന്ന കേസുകൾ. പൊലീസിനെ നേര്‍വഴിക്ക് നടത്താന്‍ മേലുദ്യോഗസ്ഥരുടെ വക ശകാരവുമുണ്ട്. കഴിഞ്ഞ ദിവസം വാഹന പരിശോധനയ്ക്കിടെ കൊല്ലം കടയ്ക്കലില്‍ പൊലീസിന്റെ ലാത്തിയേറില്‍ ബൈക്ക് യാത്രികന് ഗുരുതര പരിക്കേറ്റ സംഭവം നാടിനെ ഞെട്ടിക്കുന്നതാണ്. അതിന് പിന്നാലെ വന്നതോ അതീവ ഗുരുതരമുള്ളത്. സഹപ്രവര്‍ത്തകയുടെ മകളെ ഉപദ്രവിക്കാന്‍ ശ്രമിച്ച എസ്.ഐയ്ക്കെതിരെ കേസ്. അങ്ങനെ വേലി തന്നെ വിളവ് തിന്നുന്ന അവസ്ഥയാണ് ഉള്ളത്. പൊലീസിലെ ക്രിമിനലുകള്‍: 747

സേന തയാറാക്കിയത് കണക്ക് ഇങ്ങനെ ; ഡിവൈ.എസ്.പി..... 10, സി.ഐമാര്‍.... 8, എസ്.ഐ, എ.എസ്.ഐ... 195, പൊലീസുകാര്‍... 534. ജില്ല തിരിച്ച്‌ ; തിരുവനന്തപ്പുരം സിറ്റി.. 84, തിരു. റൂറല്‍.. 110, കൊല്ലംസിറ്റി.. 48, കൊല്ലം റൂറല്‍.. 42, പത്തനംതിട്ട.. 35, ആലപ്പുഴ.. 64, കോട്ടയം.. 42, ഇടുക്കി.. 26, എറണാകുളം.. 50, എറണാകുളംറൂറല്‍.. 40,  തൃശൂര്‍ സിറ്റി.. 36, തൃശൂര്‍ റൂറല്‍.. 30, പാലക്കാട്.. 48, മലപ്പുറം.. 37, കോഴിക്കോട്.. 18, കോഴിക്കോട് റൂറല്‍.. 16, വയനാട്.. 11, കണ്ണൂര്‍.. 18, കാസര്‍കോട്.. 17.