നാളെ അറബിക്കടലില് ലക്ഷദ്വീപിനടുത്തായി ന്യൂനമര്ദം രൂപപ്പെട്ടേക്കാം മല്സ്യ തൊഴിലാളികള് ജാഗ്രത പാലിക്കണമെന്ന് കേന്ദ്രകാലാവസ്ഥാ നിരീക്ഷണകേന്ദ്രത്തിന്റെ മുന്നറിയിപ്പ്
നാളെ അറബിക്കടലില് ലക്ഷദ്വീപിനടുത്തായി ന്യൂനമര്ദം രൂപപ്പെട്ടേക്കാം മല്സ്യ തൊഴിലാളികള് ജാഗ്രത പാലിക്കണമെന്ന് കേന്ദ്രകാലാവസ്ഥാ നിരീക്ഷണകേന്ദ്രത്തിന്റെ മുന്നറിയിപ്പ്. ഇന്ന് മണിക്കൂറില് 40 മുതല് 50 വരെ കിലോമീറ്റര് വേഗതയില് ശക്തമായ കാറ്റും മോശം കാലാവസ്ഥയും രൂപപ്പെടാനിടയുള്ള കോമോറിന്, മാലിദ്വീപ്, ഇതിനോട് ചേര്ന്നുള്ള ലക്ഷദ്വീപ് മേഖല എന്നിവിടങ്ങളില് മല്സ്യ ബന്ധനത്തിനായി പോകാന് പാടുള്ളതല്ല.
നാളെ മണിക്കൂറില് 40 മുതല് 50 വരെ കിലോമീറ്റര് വേഗതയില് ശക്തമായ കാറ്റും മോശം കാലാവസ്ഥയും തുടരാനിടയുള്ള കോമോറിന്, മാലിദ്വീപ്, ഇതിനോട് ചേര്ന്നുള്ള ലക്ഷദ്വീപ് മേഖല, അതിനോട് ചേര്ന്നുള്ള തെക്ക് കിഴക്കന് അറബിക്കടല്, കേരള തീരം എന്നിവിടങ്ങളില് മല്സ്യ ബന്ധനത്തിനായി പോകാന് പാടുള്ളതല്ല. മറ്റന്നാള് മണിക്കൂറില് 45 മുതല് 55 വരെ കിലോമീറ്റര് വേഗതയില് അതിശക്തമായ കാറ്റും മോശം കാലാവസ്ഥയും തുടരാനിടയുള്ള ലക്ഷദ്വീപ് മേഖല, അതിനോട് ചേര്ന്നുള്ള തെക്ക് കിഴക്കന് അറബിക്കടല്, കേരള തീരം, കര്ണാടക തീരം എന്നിവിടങ്ങളില് മല്സ്യ ബന്ധനത്തിനായി പോകാന് പാടുള്ളതല്ല.
03122019 ന് മണിക്കൂറില് 50 മുതല് 60 വരെ (ചില നേരങ്ങളില് 70 വരെ) കിലോമീറ്റര് വേഗതയില് അതിശക്തമായ കാറ്റും മോശം കാലാവസ്ഥയും തുടരാനിടയുള്ള തെക്ക് കിഴക്കന് അറബിക്കടല്, അതിനോട് ചേര്ന്നുള്ള മധ്യ കിഴക്കന് അറബിക്കടല്, കര്ണാടക തീരം എന്നിവിടങ്ങളില് മല്സ്യ ബന്ധനത്തിനായി പോകാന് പാടുള്ളതല്ല.
നാലാം തീയതി മണിക്കൂറില് 50 മുതല് 60 വരെ (ചില നേരങ്ങളില് 70 വരെ) കിലോമീറ്റര് വേഗതയില് അതിശക്തമായ കാറ്റും മോശം കാലാവസ്ഥയും തുടരാനിടയുള്ള തെക്ക് കിഴക്കന് അറബിക്കടല്, അതിനോട് ചേര്ന്നുള്ള മധ്യ കിഴക്കന് അറബിക്കടല് എന്നിവിടങ്ങളില് മല്സ്യ ബന്ധനത്തിനായി പോകാന് പാടുള്ളതല്ല.
ഇന്ന് മുതല് ഡിസംബര് നാല് വരെ മണിക്കൂറില് 45 മുതല് 55 വരെ കിലോമീറ്റര് വേഗതയില് അതിശക്തമായ കാറ്റും മോശം കാലാവസ്ഥയും തുടരാനിടയുള്ള തെക്ക് പടിഞ്ഞാറന് അറബിക്കടലിലെ പടിഞ്ഞാറ് ഭാഗത്തും മല്സ്യ ബന്ധനത്തിന് പോകാന് പാടുള്ളതല്ല.
https://www.facebook.com/Malayalivartha
