തികച്ചും തെറ്റായ കാര്യങ്ങളാണ് അവര് പറഞ്ഞിട്ടുള്ളത്.. ബിന്ദു അമ്മിണിയെ പൊളിച്ചടുക്കി എ.കെ ബാലൻ, തന്റെ നിഴലിനേപ്പോലും മന്ത്രി ഭയക്കുന്നെന്ന് ബിന്ദു അമ്മിണി, ആരെയും ഭയപ്പെടേണ്ട ഗതികേട് എന്റെ ഓഫീസിനില്ലെന്ന് എ.കെ ബാലൻ
ബിന്ദു അമ്മിണി തന്റെ ഓഫീസുമായി ബന്ധപ്പെട്ട് പറഞ്ഞത് തികച്ചും തെറ്റായ കാര്യങ്ങളാണെന്ന് മന്ത്രി എ.കെ ബാലന്. താന് ഓഫീസില് വന്നിട്ടില്ലെന്ന് മന്ത്രി പറയുന്നത് ഭയം കൊണ്ടാണെന്ന ബിന്ദു അമ്മിണിയുടെ പ്രസ്താവനയോട് ഫേസ്ബുക്കിലൂടെ പ്രതികരിക്കുകയായിരുന്നു അദ്ദേഹം. ഫേസ്ബുക്ക് പോസ്റ്റിലൂടെ പറയുന്നത് ഇങ്ങനെയാണ്... ബിന്ദു അമ്മിണി നടത്തിയ ഒരു പ്രസ്താവന കാണാനിടയായി. തികച്ചും തെറ്റായ കാര്യങ്ങളാണ് അവര് പറഞ്ഞിട്ടുള്ളത്. ബിന്ദു അമ്മിണി ഓഫീസില് വന്ന ദിവസം ഞാന് തിരുവനന്തപുരത്ത് ഉണ്ടായിരുന്നില്ല എന്ന് നേരത്തെ വ്യക്തമാക്കിയതാണ്. അവര് ഓഫീസില് വന്നിട്ടുണ്ടെന്നും പരാതി തരാനാണ് വന്നതെന്നും ഞാന് പറഞ്ഞിട്ടുണ്ട്. ബിന്ദു അമ്മിണി ഓഫീസിലെത്തിയതുമായി ബന്ധപ്പെട്ട് മാധ്യമങ്ങളോട് സംസാരിച്ചപ്പോള് പരാതിയുമായാണ് ഇവര് എന്റെ ഓഫീസിലെത്തിയതെന്ന് പറഞ്ഞിരുന്നു. രണ്ട് പരാതികളാണ് അവര് തന്നിട്ടുള്ളത്.
പരാതിയുടെ ഉള്ളടക്കം എന്റെ ഓഫീസില് നിന്നും നേരത്തെ പറഞ്ഞിരുന്നു. പരാതികള് രണ്ടും അനന്തര നടപടികള്ക്കായി തൊട്ടടുത്ത ദിവസം തന്നെ പരിശോധിച്ച് അടിയന്തിര നടപടി സ്വീകരിക്കാന് നിര്ദ്ദേശിച്ചുകൊണ്ട് ബന്ധപ്പെട്ട ഉദ്യോഗസ്ഥര്ക്ക് അയച്ചുകൊടുത്തിട്ടുണ്ട്. ഏറ്റുമാനൂര് മോഡല് റസിഡന്ഷ്യല് സ്കൂളിലെ പ്രശ്നവുമായി ബന്ധപ്പെട്ട് ബിന്ദു അമ്മിണി പരാതി തരും മുന്പ് തന്നെ നടപടി സ്വീകരിക്കുകയും വിശദമായ അന്വേഷണത്തിന് ഉത്തരവിടുകയും ചെയ്തിരുന്നു. അന്വേഷണം പൂര്ത്തിയാകുന്ന മുറയ്ക്ക് നടപടി ഉണ്ടാകും. ഞാനോ എന്റെ ഓഫീസോ ഒരു കാര്യവും മറച്ചുവെച്ചിട്ടില്ല. ഒരു ഒളിച്ചുകളിയും ഇത്തരം പ്രശ്നങ്ങളുമായി ബന്ധപ്പെട്ട് ഉണ്ടായിട്ടുമില്ല. ആരെയും ഭയപ്പെടേണ്ട ഗതികേട് എന്റെ ഓഫീസിനില്ല.
എന്നാൽ ഭയം കൊണ്ടാണ് താന് ഓഫീസിലെത്തിയില്ല എന്ന് മന്ത്രി എ.കെ ബാലന് പറയുന്നതെന്ന് ബിന്ദു അമ്മിണി. തന്റെ നിഴലിനേപ്പോലും മന്ത്രി ഭയക്കുന്നു. ജനുവരി രണ്ടിന് ശബരിമലയില് ദര്ശനം നടത്തുമെന്ന് പറഞ്ഞിട്ടില്ലെന്നും ബിന്ദു അമ്മിണി പറഞ്ഞു. നവോത്ഥാന കേരളം വനിതാ കൂട്ടായ്മയിലെ അംഗങ്ങളാണ് ജനുവരി രണ്ടിനെത്തുകയെന്നും അവര് പറഞ്ഞു. താന് എന്തിനാണ് ഓഫീസിലെത്തിയതെന്ന് പറയാനുള്ള ആര്ജവം മന്ത്രി കാണിക്കണം. ഏറ്റുമാനൂര് മോഡല് റെസിഡന്ഷ്യല് സ്കൂളിലെ അധ്യാപകന് കുട്ടികളെ പീഡിപ്പിക്കുന്നതുമായി ബന്ധപ്പെട്ട വിഷയം അന്വേഷിക്കാനാണ് താന് മന്ത്രി എ.കെ. ബാലന്റെ ഓഫീസിലെത്തിയത്. അത് മറച്ചുവെക്കുന്നത് എന്തിനാണെന്നതില് സംശയമുണ്ട്. വിഷയത്തില് പട്ടികജാതി- പട്ടിക വര്ഗ വികസന വകുപ്പ് എത്രമാത്രം ഒളിച്ചുകളിക്കുന്നുവെന്നതാണ് അത് ബോധ്യപ്പെടുത്തുന്നത്. വിഷയം പുറത്തേക്ക് വരാതിരിക്കുന്നതിന് വേണ്ടി മാത്രമാണ് താന് ഓഫീസിലെത്തിയെന്നത് മന്ത്രി സമ്മതിക്കാതിരിക്കുന്നതെന്നും ബിന്ദു അമ്മിണി പറഞ്ഞു.
ജനുവരി രണ്ടിന് താന് ശബരിമലയില് ദര്ശനം നടത്തുമെന്ന് പറഞ്ഞിട്ടില്ലെന്നും അവര് പറഞ്ഞു. നവോത്ഥാന കേരളം വനിതാ കൂട്ടായ്മയിലെ നൂറോളം സ്ത്രീകളാണ് ജനുവരി രണ്ടിന് ശബരിമലയിലേക്ക് പോവുകയെന്നും യാത്രയില് പങ്കെടുക്കാന് നിലവില് ആലോചിക്കുന്നില്ലെന്നും അവര് പറഞ്ഞു. എന്നാല് അതിന് പിന്തുണ നല്കുമെന്നും ബിന്ദു അമ്മിണി വ്യക്തമാക്കി.അതേസമയം യുവതീപ്രവേശനം സംബന്ധിച്ച 2018ലെ സുപ്രീം കോടതി വിധിയുടെ അടിസ്ഥാനത്തില് സംസ്ഥാന സര്ക്കാര് തനിക്കു വീണ്ടും ശബരിമല സന്ദര്ശനത്തിനു സൗകര്യം നല്കാത്തതിനെതിരെ സുപ്രീം കോടതിയെ സമീപിക്കുമെന്ന് ഉറപ്പിച്ചിരിക്കുകയാണ് ബിന്ദു അമ്മിണി. സുരക്ഷ ഒരുക്കാന് സാധിക്കില്ലെങ്കില് സര്ക്കാര് രേഖാമൂലം അത് തനിക്ക് എഴുതിനല്കാന് തയാറാകണം. ജനുവരി രണ്ടിന് യുവതികള് ഉള്പ്പെട്ട വലിയൊരു സംഘമാണ് ശബരിമല കയറാന് തീരുമാനിച്ചിരിക്കുന്നത്. ഒരിക്കല് ശബരിമല സന്ദര്ശിച്ച സാഹചര്യത്തില് ആ സംഘത്തില് താന് ഉള്പ്പെടണമെന്നു നിര്ബന്ധമില്ലെന്നും ബിന്ദു പത്രസമ്മേളനത്തില് പറഞ്ഞു. തൃപ്തി ദേശായി സ്വന്തം താല്പര്യത്തിലാണ് രണ്ടാമതും ശബരിമലയ്ക്കു പോകാന് കൊച്ചി വിമാനത്താവളത്തിലെത്തിയത്. കൊച്ചിയില് തൃപ്തി വന്നതിനുശേഷമാണ് അവരോടൊപ്പം ചേര്ന്നത്. കൊച്ചയില് തനിക്കെതിരെ മുളകുപൊടിയല്ല രാസവസ്തുക്കളാണു പ്രയോഗിച്ചത്.
കഴിഞ്ഞ ദിവസം കോട്ടയത്തെത്തിയ ബിന്ദുവിനു കോട്ടയം വെസ്റ്റ് എസ്എച്ച്ഒ എം.ജെ. അരുണിന്റെ നേതൃത്വത്തില് കനത്ത സുരക്ഷയാണ് പോലീസ് നല്കിയത്. ഇന്നലെ രാവിലെ ഒന്പതിനാണ് ഇവര് കോട്ടയത്തെത്തിയത്. ശബരിമലയ്ക്കു പോകാനാണു കോട്ടയത്ത് എത്തിയതെന്ന് ആഭ്യുഹം പരന്നതോടെ നിരവധി പേര് തിരുനക്കര സ്റ്റാന്ഡിലും പരിസര പ്രദേശങ്ങളിലുമായി തടിച്ചുകൂടി. ഇതോടെയാണ് പോലീസ് സംഘം സുരക്ഷയ്ക്കെത്തിയത്. ഏറ്റുമാനൂരിലെ ഒരു പോക്സോ കേസുമായി ബന്ധപ്പെട്ടു ഉൗട്ടി ലോഡ്ജില് ചേരുന്ന പ്രതിഷേധ യോഗത്തില് പങ്കെടുക്കുന്നതിനാണ് ബിന്ദു എത്തിയതെന്നു വെസ്റ്റ് പോലീസ് പറഞ്ഞു.
https://www.facebook.com/Malayalivartha
