കണ്ണൂർ പയ്യാവൂർ ചന്ദനക്കാംപാറ സ്കൂളിലെ കായികാദ്ധ്യാപകൻ വിദ്യാർത്ഥിനികളെ പീഡിപ്പിച്ചതായി പരാതി ഉയർന്നിരുന്നു., ആരോപണത്തിന്റെ പേരിൽ കഴിഞ്ഞ ദിവസം ഇയാളെ സ്കൂളിൽ നിന്നും പുറത്താക്കുകയും ചെയ്തു.എന്നാൽ ഈ വിഷയത്തെ കുറിച്ച് ഞെട്ടിക്കുന്ന വിവരങ്ങളാണ് പുറത്ത് വരുന്നത്.

അദ്ധ്യാപകനെതിരെ വർഷങ്ങൾക്ക് മുമ്പേ ഇത്തരം ആരോപണം ഉയർന്നിട്ടും സ്കൂൾ മാനേജ്മെന്റ് പരാതി ഒതുക്കി തീർത്തു എന്ന് ആക്ഷേപം ഉയർന്നിരുന്നു. ഇപ്പോൾ മാസങ്ങൾ മുമ്പ് നടന്ന പീഡന ശ്രമവും ഒതുക്കി തീർക്കാൻ മാനേജ്മെന്റ് ശ്രമിച്ചു. നിരന്തരമായി ഇത്തരം പ്രവർത്തി തുടർന്ന അദ്ധ്യാപകനെ സംരക്ഷിക്കുന്ന നിലപാടിൽ പ്രതിഷേധിച്ച് സ്കൂൾ PTA പ്രസിഡന്റ് കഴിഞ്ഞ ആഴ്ച രാജി വെച്ചിരുന്നു. അദ്ധ്യാപകനെതിരെ നിരവധി പോസ്റ്ററുകളും പ്രദേശത്ത് പ്രചരിച്ചിരുന്നു.

പത്രങ്ങളിൽ വാർത്ത വന്നിട്ടു പോലും മാനേജ്മെന്റ് നടപടിയെടുക്കാത്തതിനാൽ, ഇരുപതോളം രക്ഷിതാക്കൾ മക്കളുടെ ഭാവിയിലും സുരക്ഷയിലും ആശങ്കപ്പെട്ട് ജില്ലാപഞ്ചായത്തിൽ പരാതി നൽകിയതിന്റെ അടിസ്ഥാനത്തിൽ ചൈൽഡ് ലൈൻ അധികാരികൾ സ്കൂളിലെത്തി കുട്ടികളെ കൗൺസിലിങ്ങിന് വിധേയമാക്കി മൊഴിയെടുത്തു.

അന്നേ ദിവസം നടന്ന അടിയന്തര PTA യോഗത്തിൽ വെച്ച് രക്ഷിതാക്കളുടെ ശക്തമായ പ്രതിഷേധത്തെ തുടർന്ന് അദ്ധ്യാപകനെ താൽക്കാലികമായി പുറത്താക്കി നിർത്താൻ മാനേജ്മെന്റിന് സമ്മതിക്കേണ്ടി വരികയായിരുന്നു. കുട്ടികളുടെ മൊഴിയുടെ അടിസ്ഥാനത്തിലാണ് സജി എന്ന കായികാദ്ധ്യാപകനെതിരെ കേസ് രജിസ്റ്റർ ചെയ്തത്. സ്ഥലത്തെ പ്രാദേശിക കോൺഗ്രസ് നേതാവിന്റെ വീട്ടിൽ ഒളിവിൽ കഴിയുകയായിരുന്ന ഇയാളെ ഇന്നലെ പോലീസ് അറസ്റ്റു ചെയ്തു. എന്നാൽ ഇതിനെക്കാൾ ഭീകരമായ കാര്യം എന്താണെന്ന് വച്ചാൽ തങ്ങളുടെ കുട്ടികൾ പഠിക്കുന്ന സ്കൂളിലെ അദ്ധ്യാപകനെ കുറിച്ച് ഇത്തരം ഒരു ആരോപണമുയർന്നപ്പോൾ, അതിനെ കുറിച്ച് അന്വേഷിക്കാൻ സ്കൂൾ മാനേജരായ ഫാദറിനെ സ്കൂളിലെ ഒരു വിദ്യാർത്ഥിയുടെ പിതാവ് വിളിച്ചപ്പോൾ ക്രിസ്റ്റൻ മാനേജ്മെൻറ് സ്കൂളിലെ മാനേജരായ ഫാദറിന്റെ മറുപടിയാണ് കേൾക്കേണ്ടത്.. ഇത് കേട്ടാൽ ഇയാളെയൊക്കെ ചാട്ടവാറു കൊണ്ട് അടിക്കാൻ തോന്നും.
പ്രതിയായ അധ്യാപകനെ മാനേജ്‌മന്റ് സംരക്ഷിക്കുന്നതായും പ്രതിഷേധവുമായി മുന്നോട്ട് വന്ന രക്ഷിതാക്കളെ ഭീഷണിപെരുത്തുന്നതായും രക്ഷിതാക്കൾ മലയാളിവാർത്തയോട് പ്രതികരിച്ചു.
ക്രിസ്ത്യൻ മാനേജ് മെന്റ് സ്ക്കൂൾ ആയതുകൊണ്ടുതന്നെ ഈ വിഷയമൊതുക്കി തീർക്കാൻ വ്യാപകമായ ശ്രമം നടക്കുന്നുണ്ട്. പള്ളിയുടെയും പണത്തിന്റേയും സ്വാധീനമുപയോഗിച്ച് കുറ്റവാളിയെ രക്ഷിക്കാൻ ശ്രമിക്കുന്ന പുണ്യാളൻ മാരെ വേണം ആദ്യം പിടിച്ച് അകത്തിടാൻ..