More Stories...

വൈദ്യുതി കണക്ഷന്‍ ഓണ്‍ലൈനായി എടുക്കുന്നവര്‍ക്ക് അടുത്ത വര്‍ഷം മുതല്‍ അപേക്ഷാഫീസില്ല

തൃശൂരില്‍ പിക്കപ്പ് വാനിടിച്ച് സ്‌കൂട്ടറില്‍ മുത്തശ്ശനോടൊപ്പം യാത്ര ചെയ്തിരുന്ന പത്തു വയസ്സുകാരന്‍ മരിച്ചു

ആരോ ഉപദ്രവിക്കാന്‍ വരുന്നുണ്ട്, എന്നെ രക്ഷിക്കണം!! മുൻപ് തന്നെ ഉപദ്രവിച്ചവര്‍ കൊല്ലാന്‍ വന്നേക്കുമെന്ന ഭയത്തില്‍ പോക്സോ കേസിലെ ഇര അഭയം തേടിയത് മൂവാറ്റുപുഴ അങ്കണവാടിയില്‍

നെടുമ്പാശ്ശേരി വിമാനത്താവളത്തില്‍ വീണ്ടും സ്വര്‍ണ വേട്ട... മലപ്പുറം, കോഴിക്കോട് സ്വദേശികളില്‍ നിന്നാണ് സ്വര്‍ണ്ണം പിടികൂടിയത്

വയനാട്ടിലേക്ക് വിനോദയാത്രക്കെത്തിയ വിദ്യാര്‍ഥിനി കുഴഞ്ഞുവീണു മരിച്ചു

ലോക എയ്ഡ്സ് ദിനത്തോടനുബന്ധിച്ച് ഡോകട്ർ ഷിനു ശ്യാമളൻ എഴുതിയ ഫേസ്ബുക് പോസ്റ്റ് ആണ് ഇപ്പോൾ വൈറലാകുന്നത്. സാമൂഹിക പ്രവർത്തനങ്ങളിൽ കൂടി സജീവമായ ഡോക്ടർ ഷിനുശ്യാമളൻ എപ്പോഴും നിരവധി സാമൂഹിക വിഷയങ്ങളെ ഉയർത്തിക്കാട്ടി തന്റെ ഫേസ്ബുക് പോസ്റ്റിൽ കുറിപ്പുകൾ പങ്കുവെക്കാറുണ്ട്.ലൈംഗിക ബന്ധം സുരക്ഷിതമാക്കേണ്ടതിനെ കുറിച്ചും കോണ്ടം ഉപയോഗിക്കേണ്ടതിനെ കുറിച്ചും ഒക്കെ വളരെ വിശദമായി തന്നെ ഡോക്ടർ  തന്റെ പോസ്റ്റിലൂടെ പറയുന്നു. കോണ്ടം ഉപയോഗിക്കണം എന്ന് പറയുമ്പോൾ അയ്യേ എന്ന് മുഖംചുളിക്കേണ്ട .താൻ ഒരു ഡോക്ടർ ആണ്  ;അതുകൊണ്ട്തന്നെ ഇത്തരം കാര്യങ്ങളിൽ ബോധവത്കരണം നടത്തുക എന്നതും തന്റെ കടമയാണ് എന്നും ഡോക്ടർ പറയുന്നു.

ഷിനു ശ്യാമളന്റെ ഫേസ്ബുക് പോസ്റ്റ് ഇങ്ങനെ

കോണ്ടം ഉപയോഗിക്കണം എന്ന് ഒരു പെണ്കുട്ടി പറയുമ്പോൾ 'അതെന്താ എന്നെ വിശ്വാസം ഇല്ലേ" എന്ന ഡയലോഗ് പുരുഷന്മാർ പറയുന്നത് അവരുടെ അജ്ഞതയാകും അതുമല്ലെങ്കിൽ താത്കാലികമായ സുഖത്തിന് വേണ്ടി ഒരു വലിയ റിസ്‌ക് ഏറ്റെടുക്കുകയാണ് ഇരുവരും ചെയ്യുന്നത്.

കോണ്ടം ഉപയോഗിക്കുന്നത് ലൈംഗിക രോഗങ്ങൾ വരാതെയിരിക്കുവാനും, ഗർഭധാരണം തടയുവാനും സഹായിക്കുന്നു. ഇതൊക്കെ അറിഞ്ഞിട്ടും മുകളിൽ പറഞ്ഞ ഡയലോഗ് പറഞ്ഞു പെണ്കുട്ടികളെ ഇമോഷണലി ചൂഷണം ചെയ്തു കോണ്ടം ഉപയോഗിക്കാതെ ലൈംഗിക ബന്ധത്തിലേർപ്പെടുവാൻ നിർബന്ധിച്ചാൽ അതിൽ പരം അപകടം മറ്റൊന്നുമില്ല.

ഒരു വ്യക്തിയെ പരിചയപ്പെടുമ്പോൾ ജനിച്ചപ്പോൾ മുതലുള്ള പരിചയമൊന്നുമില്ലലോ. അയാൾ പറയുന്ന കാര്യങ്ങൾ മാത്രമല്ലേ നമുക്കറിയു. ജീവിതപങ്കാളിയല്ലാതെ മറ്റൊരാളുമായി വിവാഹത്തിന് മുൻപോ ശേഷമോ ലൈംഗിക ബന്ധത്തിലേർപ്പെടുന്നുമ്പോൾ സുരക്ഷിതമായി കോണ്ടം ഉപയോഗിച്ച് മാത്രം ബന്ധപ്പെടുക.

സദാചാരം പറഞ്ഞു ദയവ് ചെയ്ത ആരും ഈ പോസ്റ്റിൽ വരേണ്ടതില്ല. ഒരു ഡോക്ടർക്ക് ഈ വിഷയങ്ങളെ കുറിച്ചു എഴുതുവാൻ ഒരു മടിയുമില്ല എന്നു ഓർമിപ്പിച്ചു കൊള്ളട്ടെ.

ഇന്ന് ലോക എയ്ഡ്സ് ദിനത്തിൽ സ്നേഹം കൊണ്ട് മാത്രം ചിന്തിക്കാതെ ആരോഗ്യകരമായ നല്ലൊരു ലൈംഗിക ജീവിതം നയിക്കുവാൻ കൂടി എല്ലാവരും ശ്രമിക്കുക.

മയക്കുമരുന്ന് കുത്തിവയ്ക്കുന്നതിലൂടെയും രോഗബാധിതമായ ഒരാളുടെ സിറിഞ്ച് വീണ്ടും ഉപയോഗിക്കുന്നതിലൂടെയുമൊക്കെ വൈറസ് ശരീരത്തിലേക്ക് കടക്കാം എന്നത് കൂടി ഓർമ്മപ്പെടുത്തട്ടെ.

സുരക്ഷിതമായി ലൈംഗിക ബന്ധത്തിൽ ഏർപ്പെടാത്തവർ ഉടനെ തന്നെ HIV ടെസ്റ്റ് ചെയ്യുക. അടുത്തുള്ള സർക്കാർ ആശുപത്രിയിൽ ലഭ്യമാണ്. അതുമല്ലെങ്കിൽ നിങ്ങളുടെ സൗകര്യം പോലെ ലാബുകളിലോ, സ്വകാര്യ ആശുപത്രിയിലോ ടെസ്റ്റ് ലഭ്യമാണ്.

ഡോ. ഷിനു ശ്യാമളൻ