ബംഗാളിലും ത്രിപുരയിലും അധികാരത്തില് നിന്ന് ജനം തൂത്തെറിഞ്ഞതോടെ അറബിക്കടലിന്റെ തീരത്ത് മാത്രം ഒതുങ്ങിയ സി.പി.എമ്മിനെ രക്ഷിക്കാന് മുഖ്യമന്ത്രി പിണറായി വിജയന്, അധികാരത്തുടര്ച്ചയ്ക്കായി ആവനാഴിയിലെ ആയുധങ്ങള് ഓരോന്നായി പ്രയോഗിച്ചു തുടങ്ങി
ബംഗാളിലും ത്രിപുരയിലും അധികാരത്തില് നിന്ന് ജനം തൂത്തെറിഞ്ഞതോടെ അറബിക്കടലിന്റെ തീരത്ത് മാത്രം ഒതുങ്ങിയ സി.പി.എമ്മിനെ രക്ഷിക്കാന് മുഖ്യമന്ത്രി പിണറായി വിജയന്, അധികാരത്തുടര്ച്ചയ്ക്കായി ആവനാഴിയിലെ ആയുധങ്ങള് ഓരോന്നായി പ്രയോഗിച്ചു തുടങ്ങി. കഴിഞ്ഞ ലോക്സഭാ തെരഞ്ഞെടുപ്പില് ഇടത് മുന്നണി വലിയ വില കൊടുക്കേണ്ടിവന്നെങ്കിലും പിന്നീട് യു.ഡി.എഫ് ദുര്ബലമാവുകയും പൗരത്വഭേദഗതി നിയമം അടക്കമുള്ള ദേശീയ രാഷ്ട്രീയ സാഹചര്യങ്ങള് അനുകൂലമാവുകയും ചെയ്തതോടെയാണ് രണ്ടാമൂഴം സാധ്യമാകുമെന്ന കാര്യം മുഖ്യമന്ത്രി പിണറായി വിജയനും സി.പി.എമ്മിനും ബോധ്യമായത്. അതിനുള്ള കരുക്കള് അവര് നീക്കിത്തുടങ്ങിയിരിക്കുന്നു... തുടക്കത്തിലേ അവ വിജയിക്കുന്ന ലക്ഷണമാണ് കാണുന്നത്.
ശബരിമല യുവതീപ്രവേശന ഹര്ജിയിലെ ചില കാര്യങ്ങള് സുപ്രീംകോടതി വിശാല ബെഞ്ചിന് വിട്ടെങ്കിലും മുമ്പ് നിന്നിരുന്ന കോടതി വിധി നടപ്പാക്കാന് തയ്യാറാകാതെയാണ് പിണറായി ആദ്യം വിട്ടു വീഴ്ചയ്ക്ക് തയ്യാറായത്. തല്ക്കാലം യുവതീപ്രവേശനം വേണ്ടെന്ന് രണ്ടാഴ്ച മുമ്പാണ് സുപ്രീംകോടതി വ്യക്തമാക്കിയത്. എന്നാല് അതിന് മുമ്പേ യുവതികളെ കയറ്റേണ്ട എന്ന നിലപാടിലായിരുന്നു സര്ക്കാര്. ഇനിയും അയ്യപ്പഭക്തരുമായി ഏറ്റുമുട്ടേണ്ടിവന്നാല് വലിയതിരിച്ചടിയുണ്ടാകുമെന്ന തിരിച്ചറിവ് ഒരു സുപ്രഭാതത്തില് ഉണ്ടായതല്ല. പാലാ ഉപതെരഞ്ഞെടുപ്പിലെ വിജയവും വട്ടിയൂര്ക്കാവില് എന്.എസ്.എസ് പരസ്യമായി എതിര്ത്തിട്ടും ഹിന്ദുക്കള് സി.പി.എം സ്ഥാനാര്ത്ഥിയെ ജയിപ്പിച്ചതും വീണ്ടുവിചാരത്തിന് വഴിതെളിക്കുകയായിരുന്നു. എന്.എസ്.എസ് ജാതി പറഞ്ഞ് വോട്ട് പിടിച്ചെന്ന് കാട്ടി തെരഞ്ഞെടുപ്പ് കമ്മീഷന് നല്കിയ പരാതി വിജയിച്ച ശേഷം തെളിവില്ലെന്ന് പറഞ്ഞ് സി.പി.എം തിരുവനന്തപുരം ജില്ലാ ഘടകം പിന്വലിച്ചു. അങ്ങനെ എന്.എസ്.എസുമായി പരസ്യമായി ഏറ്റുമുട്ടാനില്ലെന്ന സൂചനയും നല്കി.
യു.എ.പി.എ ചുമത്തി സ്വന്തം പാര്ട്ടിയിലെ രണ്ട് യുവാക്കളെ പൊലീസ് അറസ്റ്റ് ചെയ്യുകയും മാവോയിസ്റ്റുകളും ഇസ്്ലാം തീവ്രവാദികളും തമ്മില് ബന്ധമുണ്ടെന്ന് സി.പി.എം കോഴിക്കോട് ജില്ലാ സെക്രട്ടറി പരസ്യമായി പ്രസംഗിക്കുകയും ചെയ്തതോടെ മുസ്്ലിം സംഘടനകളെല്ലാം സി.പി.എമ്മില് നിന്ന് അകന്നിരുന്നു. ഓര്ത്തഡോക്സ്, യാക്കോബായ പള്ളിത്തര്ക്കത്തില് കോടതി വിധി നടപ്പാക്കാതെ ഇരുവിഭാഗത്തിനും നീതി നല്കാന് തയ്യാറാകാത്തതോടെ അവരടക്കമുള്ള ക്രൈസ്തവ സഭകളും അകന്നിരുന്നു. അങ്ങനെ ആകെ എല്ലാം നഷ്ടപ്പെട്ട അവസ്ഥയിലേക്ക് കൂപ്പുകുത്തിയിരിക്കുമ്പോഴാണ് കേന്ദ്രം ഭരിക്കുന്ന ബി.ജെ.പി സര്ക്കാര് സി.എ.എ പാര്ലമെന്റില് പാസ്സാക്കിയത്. അതോടെ സി.പി.എമ്മും സര്ക്കാരും അത് തുറുപ്പുചീട്ടാക്കുകയായിരുന്നു.
കേന്ദ്രസര്ക്കാരിനും ബി.ജെ.പിക്കും ആര്.എസ്.എസിനും എതിരെയുള്ള ആയുധമാണ് സി.എ.എ എങ്കിലും അതിലൂടെ കോണ്ഗ്രസിനെ കൂടി മലര്ത്തിയടിക്കുന്നതില് പിണറായി വിജയിച്ചിട്ടുണ്ട്. നിയമത്തിനെതിരെ പ്രതിപക്ഷനേതാവുമൊത്ത് പാളം രക്തസാക്ഷി മണ്ഡപത്തില് സമരം ചെയ്ത് മുസ്്ലിം ന്യൂനപക്ഷങ്ങളുടെയാകെ പിന്തുണ നേടിയിരിക്കുകയാണ് മുഖ്യമന്ത്രി പിണറായി. കേന്ദ്രസര്ക്കിനും ആര്.എസ്.എസിനും എതിരെ ശക്തമായ നിലപാടെടുക്കാന് കഴിയുന്നത് സി.പി.എമ്മിനാണെന്ന തോന്നല് മുസ്്ലിംകള്ക്കിടയില് ഉണ്ടാക്കാന് മുഖ്യമന്ത്രി പിണറായി വിജയന് കഴിഞ്ഞു. കോണ്ഗ്രസിലാകട്ടെ ആകെ ആശയക്കുഴപ്പമാണ് നിലനില്ക്കുന്നത്. സമരത്തെ അനുകൂലിച്ചും എതിര്ത്തും നേതാക്കള് തമ്മില് തല്ലുകയാണ്. ബി.ജെ.പിയാകട്ടെ കാര്യങ്ങള് കൈവിട്ട് പോയാലോ എന്ന് കരുതി സംയമനം പാലിക്കുകയാണ്. ഇതെല്ലാം പിണറായിയുടെ പെട്ടിയിലേക്ക് വോട്ട് വീഴാനുള്ള അനുകൂല ഘടകമായി മാറുകയാണ്...
https://www.facebook.com/Malayalivartha
