മിയാപ്പദവ് ആസാദ് നഗറിലെ വെങ്കിട്ടരമണയുടെ നിഗൂഢതകള് നിറഞ്ഞ വീട് ആരെയും ഭയപ്പെടുത്തും... രൂപശ്രീയുടെ മരണത്തിനു പിന്നിലും ദുര്മന്ത്രവാദം? മൃതദേഹത്തില് നിന്നും വസ്ത്രങ്ങള് പൂര്ണ്ണമായും നീക്കം ചെയ്തത് നഗ്നനാരീപൂജയ്ക്ക്? മുടി മുറിച്ചു മാറ്റിയതും ആഭിചാര കര്മ്മത്തിന്റെ ഭാഗമായി? വസ്ത്രങ്ങള് എന്തുചെയ്തെന്നറിയാതെ അന്വേഷണസംഘം..രൂപശ്രീയുടെ മരണത്തിൽ പുറത്ത് വരുന്നത് ഞെട്ടിക്കുന്ന വിവരങ്ങൾ...
മഞ്ചേശ്വരം മിയാപ്പദവിലെ അധ്യാപിക രൂപശ്രീയുടെ മരണവുമായി ബന്ധപ്പെട്ട് ദുര്മന്ത്രവാദവും നടന്നിരിക്കാനുള്ള സാധ്യതകള് അന്വേഷിക്കുന്നു. കര്ണാടകയില് കഴിഞ്ഞ ദിവസം നിരോധിച്ച നഗ്നനാരീപൂജ പോലുള്ള ആഭിചാരക്രിയകള് ഇപ്പോഴും കാസര്ഗോഡിന്റെ ഉള്പ്രദേശങ്ങളില് നടക്കാറുണ്ട്. രൂപശ്രീയുടെ മൃതദേഹത്തില് നിന്ന് വസ്ത്രങ്ങള് പൂര്ണമായും അപ്രത്യക്ഷമായത് ഇത്തരമൊരു സാധ്യതയിലേക്കാണ് വിരല് ചൂണ്ടുന്നത്. മുടി മുറിച്ചുമാറ്റിയതും ആഭിചാര കര്മങ്ങളുടെ ഭാഗമായിട്ടാകാം.പ്രതി വെങ്കിട്ടരമണ കാരന്ത് വിവിധതരം പൂജകളെക്കുറിച്ച് ആഴത്തില് അറിവുള്ള ആളാണ്. ഇത്തരമൊരു കൃത്യം നടത്തുന്നതിന് സ്വന്തം വീടു തന്നെ തെരഞ്ഞെടുത്തതും ഗൂഢപൂജകളുടെ സാധ്യതയ്ക്ക് ആക്കം കൂട്ടുന്നു. ഇത്തരം ഗൂഢപൂജകളിലൂടെ സമ്ബത്തും ഐശ്വര്യവും വര്ധിപ്പിക്കാമെന്ന അന്ധവിശ്വാസം പലയിടങ്ങളിലും ഉള്ളതാണ്. ബലിമൃഗങ്ങളെ ആയുധമുപയോഗിക്കാതെ ശ്വാസംമുട്ടിച്ച് കൊല്ലുന്നതും ഇത്തരം ആഭിചാരകര്മങ്ങളിലെ രീതിയാണ്. വിവിധ സ്ഥലങ്ങളില് കാരന്ത് പൂജകള്ക്കായി പോകുമ്ബോള് സഹായിയായി കൂടെ ചെല്ലാറുള്ള നിരഞ്ജനും കൃത്യം നടക്കുമ്ബോള് മുഴുവന് സമയവും കൂടെയുണ്ടായിരുന്നു. മിയാപ്പദവ് ആസാദ് നഗറിലെ വെങ്കിട്ടരമണയുടെ വീടും നിഗൂഢതകള് നിറഞ്ഞതാണ്. ഒരു കാറിന് കഷ്ടിച്ച് കടന്നുപോകാനാവുന്ന ചെറിയൊരു മണ്പാത മാത്രമാണ് വീട്ടിലേക്കുള്ളത്. വിശാലമായ മുറ്റത്ത് തുളസിത്തറയും അഗ്നികുണ്ഡവും കാണാം. മുറ്റത്ത് ഷീറ്റിട്ടതിനാല് വീടിനകത്ത് അധികം വെളിച്ചമില്ല. പൂജകള് നടത്തുന്നതിനായി മാത്രം സിറ്റൗട്ടിനോടു ചേര്ന്ന് വലിയൊരു മുറി തയ്യാറാക്കിയിട്ടുണ്ട്. സാധാരണ വീടുകളിലുള്ളതുപോലെ ചെറിയൊരു പൂജാമുറി വേറെയുമുണ്ട്. പുറത്തെ പൂജാമുറിയില് വീട്ടിലെ സ്ത്രീകള്ക്കും മറ്റും പ്രവേശനം ഉണ്ടായിരുന്നില്ലെന്നാണ് സൂചന. രൂപശ്രീയുടെ മൃതദേഹം കടലില് തള്ളുകയും ഹാന്ഡ്ബാഗ് കടല്തീരത്തെ കാട്ടിലേക്ക് വലിച്ചെറിയുകയും ചെയ്തതായി പറയുമ്ബോഴും വസ്ത്രങ്ങള് എന്തുചെയ്തു എന്ന കാര്യം വെളിപ്പെടാതെ കിടക്കുകയാണ്.
https://www.facebook.com/Malayalivartha