ഇന്ന്  നിയമസഭയിൽ പ്രതിപക്ഷം നടത്തിയത് പൊറാട്ട് നാടകമെന്ന ആക്ഷേപവുമായി മന്ത്രി എ കെ ബാലന്‍ രംഗത്ത്. നയപ്രഖ്യാപന പ്രസംഗത്തിനായി വന്ന ഗവര്‍ണര്‍ ആരിഫ് മുഹമ്മദ് ഖാനെ സഭയില്‍ തടഞ്ഞ പ്രതിപക്ഷത്തിന്റെ നടപടിക്കെതിരെ രൂക്ഷ വിമര്‍ശനമാണ് അദ്ദേഹം നടത്തിയിരിക്കുന്നത്. സഭയിലുള്ള പ്രതിപക്ഷത്തിന്റെ പ്രതിഷേധം പൊറാട്ട് നാടകമായിരുന്നു എന്ന് അദ്ദേഹം പറഞ്ഞു .

ഭരണഘടനാപരമായ ദൗത്യം ഗവര്‍ണറും സര്‍ക്കാരും നിര്‍വഹിക്കുകയാണ് ചെയ്തത് . സംസ്ഥാന മന്ത്രിസഭയുടെ തീരുമാനം ഗവര്‍ണര്‍ വായിച്ചു കേൾപ്പിച്ചുവെന്നും അദ്ദേഹം പറഞ്ഞു. എന്നാൽ തങ്ങൾ ഒഴിവാക്കാന്‍ തീരുമാനിച്ച ഭാഗവും ഗവര്‍ണര്‍ വായിച്ചത് നല്ല കാര്യം തന്നെയെന്നും അദ്ദേഹം പറഞ്ഞു . പ്രതിപക്ഷത്തിന്റെ ഗൂഢാലോചന ഇതോടെ പൊളിയുകയായിരുന്നുവെന്നും അദ്ദേഹം പറഞ്ഞു . ആ ജാള്യത മറച്ച്‌ വയ്ക്കാന്‍ നടത്തിയ പൊറാട്ട് നാടകമാണ് ഇന്ന് സഭയില്‍ നടന്നതെന്നും അദ്ദേഹം പറഞ്ഞു . ഗവര്‍ണറെ തടഞ്ഞത് പൊതു സമൂഹം അംഗീകരിക്കില്ലെന്നും എ കെ ബാലൻ വ്യക്തമാക്കി . വാര്‍ഡ് വിഭജന ഓര്‍ഡിനന്‍സ് എന്തിന് ഗവര്‍ണര്‍ തടഞ്ഞു? പ്രതിപക്ഷം അതിന് ആദ്യം ഉത്തരം പറയട്ടെ. തോറ്റ് പോയാല്‍ വായില്‍ തോന്നിയത് പറയുക അതാണ് പ്രതിപക്ഷം ഇന്ന് ചെയ്തതെന്നും . ഗവര്‍ണറുമായി വ്യക്തിപരമായ പ്രശ്നങ്ങളില്ലെന്നും എകെ ബാലന്‍ വ്യക്തമാക്കി.