അറബിക്കടലിൽ ഇന്ത്യൻ കോസ്റ്റ് ഗാർഡിന്റെ വൻ മയക്കുമരുന്ന് വേട്ട. ഇറാൻ പായ്ക്കപ്പലിൽ നിന്ന് അന്താരാഷ്ട്ര വിപണിയിൽ 3000 കോടിയിലധികം രൂപ വിലവരുന്ന മയക്കുമരുന്നാണ് പിടികൂടിയത്. ലക്ഷദ്വീപിന് പടിഞ്ഞാറ് ഭാഗത്തായി കോസ്റ്റുഗാർഡും ഗുജറാത്ത് ഭീകരവിരുദ്ധ സ്‌ക്വാഡും നടത്തിയ സംയുക്ത ഓപ്പറേഷനിലാണ് മയക്കുമരുന്ന് പിടികൂടിയത്.526 കിലോഗ്രാം ഹൈഗ്രേഡ് ഹെറോയിനും മെത്താംഫെറ്റാമൈനുമാണ് കോസ്റ്റ് ഗാർഡ് പിടിച്ചെടുത്തത്. മയക്കുമരുന്ന് കടത്താൻ ഉപയോഗിച്ച ഇറാനിയൻ പായ്ക്കപ്പലും അതിലുണ്ടായിരുന്ന അഞ്ച് പാകിസ്ഥാൻ സ്വദേശികളായ ജീവനക്കാരെയും കസ്റ്റഡിയിലെടുത്തു.

രഹസ്യാന്വേഷണ വിവരത്തിന്റെ അടിസ്ഥാനത്തിൽ സെപ്തംബർ 25 മുതൽ കോസ്റ്റ് ഗാർഡ് ഈ പായ്ക്കപ്പലിനെ നിരീക്ഷിച്ചുവരികയായിരുന്നു.കസ്റ്റഡിയിലുള്ള പാക് പൗരന്മാരെ കൂടുതൽ ചോദ്യം ചെയ്യുന്നതിനും തുടർനടപടികൾക്കുമായി മുംബയിലേയ്ക്ക് കൊണ്ടുവന്നതായി കോസ്റ്റ് ഗാർഡ് അറിയിച്ചു. രാജ്യത്തിന്റെ തീരദേശസുരക്ഷ ഉറപ്പാക്കുന്നതിനൊപ്പം സർക്കാരിന്റെ 'നശാ മുക്ത് ഭാരത് അഭിയാൻ' ലക്ഷ്യത്തിന് കരുത്തുപകരുന്ന ഈ ദൗത്യമെന്നും കോസ്റ്റ് ഗാ‌‌‌ർഡ് വ്യക്തമാക്കി.ഈ മാസം 25ന് നടന്ന ആഴക്കടൽ ഓപ്പറേഷനിൽ ഇറാനിയൻ ബോട്ടിൽ കടത്തുകയായിരുന്ന ലഹരിയാണ് പിടിച്ചത്.

തുടർന്ന് ബോട്ടിനുള്ളിലുണ്ടായിരുന്ന അഞ്ച് പാക്കിസ്ഥാൻ സ്വദേശികള്‍ അറസ്റ്റിലാവുകയും ചെയ്തു.രഹസ്യ വിവരത്തിന്റെ അടിസ്ഥാനത്തിൽ ആകാശമാർഗവും കടൽമാർഗവും ശക്തമായ നിരീക്ഷണം നടത്തുകയും സംശയാസ്പദമായ രീതിയിൽ നീങ്ങിയ ഇറാനിയൻ ബോട്ടിനെ സമീപിച്ച് കീഴ്പ്പെടുത്തുകയുമായിരുന്നു. ഇതിന്റെ ദൃശ്യങ്ങളും പുറത്തുവന്നിട്ടുണ്ട്. പിടികൂടിയ ബോട്ട്, ജീവനക്കാർ, പിടിച്ചെടുത്ത ലഹരി മരുന്ന് എന്നിവ കൂടുതൽ ചോദ്യം ചെയ്യലിനും നിയമനടപടികൾക്കുമായി മുംബൈയിൽ എത്തിച്ചു.സിനിമാ സ്‌റ്റൈലില്‍ നടന്ന ചേസിംഗും ബോട്ടിനെ ചുറ്റിവളഞ്ഞുള്ള കോസ്റ്റുഗാര്‍ഡുകളുടെ നീക്കവും മറ്റും വരുന്ന ഓപ്പറേഷന്റെ ദൃശ്യങ്ങള്‍ കോസ്റ്റ് ഗാര്‍ഡ് തന്നെ പുറത്തുവിട്ടിട്ടുണ്ട്.

526 കിലോ മയക്കുമരുന്നാണ് പിടികൂടിയത്. രഹസ്യവിവരം കിട്ടിയത് അനുസരിച്ച് തന്ത്രപരമായി കടലിലും ആകാശത്തുമായി ഒരുപോലെ പാക് ബോട്ടിനെ വളയുകയായിരുന്നു. ബോട്ടും മയക്കുമരുന്ന്‌ശേഖരവും മുംബൈയില്‍ എത്തിച്ചു.