പരീക്ഷയെഴുതാൻ അനുമതി ആവശ്യപ്പെട്ട് പന്തീരാങ്കാവ് യുഎപിഎ കേസിലെ പ്രതി അലന് ഷുഹൈബ് കോടതിയിൽ; അനുമതി നൽകണോ എന്ന വിഷയത്തിൽ എൻഐഎ, കണ്ണൂർ യൂണിവേഴ്സിറ്റി എന്നിവരുടെ നിലപാട് ആരാഞ്ഞ് കോടതി
പരീക്ഷ എഴുതാൻ അനുമതി നൽകണമെന്ന ആവശ്യവുമായി അലന് ഷുഹൈബ് കോടതിയിൽ.പന്തീരാങ്കാവ് യുഎപിഎ കേസിലെ പ്രതി അലന് ഷുഹൈബ് ആണ് എല്എല്ബി പരീക്ഷയെഴുതുവാന് അനുമതി നൽകണമെന്നാവശ്യപ്പെട്ട് ഹൈക്കോടതിയെ സമീപിച്ചത് . ഈ മാസം 18 ന് നടക്കുന്ന രണ്ടാം സെമസ്റ്റർ എൽഎൽബി പരീക്ഷ എഴുതാൻ അനുമതിയാണ് അലൻ ആവശ്യപ്പെടുന്നത് . 'മൂന്നാം സെമസ്റ്റര് പരീക്ഷയെഴുതുന്നതില് നിന്നും വിലക്കിയിട്ടുണ്ട്. എന്നാല് രണ്ടാം സെമസ്റ്റര് പരീക്ഷയെഴുതുവാന് അവസരം വേണം. ഒരു വിദ്യാര്ത്ഥിയെന്നത് പരിഗണിച്ച് ഇതിന് അനുമതി നല്കണം' എന്നാണ് അലന് ഹര്ജിയില് ആവശ്യപ്പെടുന്നത് . കണ്ണൂർ യൂണിവേഴ്സിറ്റി പാലയാട് ക്യാമ്പസിലെ വിദ്യാര്ത്ഥിയാണ് അലന് ഷുഹൈബ്.
അലന് പരീക്ഷയെഴുതുന്നതിന് അനുമതി നല്കണമോ എന്ന വിഷയത്തില് കേസ് അന്വേഷിക്കുന്ന എൻഐഎ, കണ്ണൂർ യൂണിവേഴ്സിറ്റി എന്നിവരുടെ നിലപാട് കോടതി ആരാഞ്ഞു . ഇക്കാര്യത്തില് തിങ്കളാഴ്ച്ച വിശദമായ സത്യവാങ്മുലം നൽകാനാണ് കോടതി നൽകിയ നിർദേശം. ഇതിന് ശേഷം കോടതി അലന്റെ ഹര്ജിയില് വിധി പറയും. അതേ സമയം യുഎപിഎ കേസില് പ്രതികളായ അലൻ ഷുഹൈബിന്റേയും താഹയുടേയും റിമാന്റ് കാലാവധി കൊച്ചിയിലെ പ്രത്യേക കോടതി നീട്ടിവെച്ചു . അടുത്ത മാസം 13 വരെയാണ് റിമാന്റ് കാലാവധി നീട്ടിയത്.
കേസ് അന്വേഷിക്കുന്ന എൻഐഎ കഴിഞ്ഞ ദിവസങ്ങളില് ഇരുവരേയും ചോദ്യം ചെയ്തിരുന്നു. എന്നാൽ , കേസിൽ എൻഐഎ അന്വേഷണം വേണ്ടെന്ന് ചൂണ്ടിക്കാട്ടി മുഖ്യമന്ത്രി പിണറായി വിജയൻ അയച്ച കത്ത് കേന്ദ്ര കേന്ദ്ര ആഭ്യന്തര മന്ത്രി അമിത് ഷായുടെ പരിഗണനയിലാണ്.
https://www.facebook.com/Malayalivartha
