ബാര്‍ ലൈസന്‍സ് കേസിലെ ഹൈക്കോടതി വിധി തങ്ങള്‍ക്ക് ലഭിച്ചിരുന്നുവെന്ന് ബാര്‍ ഉടമകള്‍, മന്ത്രിസഭയിലും ചാരന്‍മാര്‍
ബാര്‍ ലൈസന്‍സ് കേസിലെ ഹൈക്കോടതി വിധിയുടെ അവസാന രണ്ട് പേജുകള്‍ മുന്ന് ദിവസം മുമ്പ് തങ്ങള്‍ക്ക് ലഭിച്ചിരുന്നതായി ബാര്‍ ഉടമകള്‍. ജഡ്ജിയുടെ ഓഫീസില്‍ നിന്ന് മോഷ്ടിച്ച വിധി മറ്റൊരു വക്കീലിന്റെ ഓഫീസിലെത്തിച്ചു.ഇത് വഴിയാണ് വിധി തങ്ങള്‍ക്ക് കിട്ടിയതെന്നും തുടര്‍ന്ന് മോഷ്ടിച്ചയാളെ പുറത്താക്കി വേറെ വിധി അടിച്ചുണ്ടാക്കിയെന്നും ബാറുടമകള്‍ പറയുന്നു.
വിധിയുടെ അവസാന രണ്ട് പേജും മറ്റ് പേജുകളും തമ്മിലുള്ള അന്തരത്തിന്റെ കാരണം ഇതാണെന്നും പറയുന്നു. റിപ്പോര്‍ട്ടര്‍ ടിവി പുറത്തുവിട്ട പുതിയ ശബ്ദരേഖയിലാണ് ഇക്കാര്യങ്ങള്‍ ഉള്ളത്. എന്നാല്‍ ഈ ഞെട്ടിക്കുന്ന വെളിപ്പെടുത്തലുകളോട് മറ്റ് മാദ്ധ്യമങ്ങള്‍ നിശബ്ദത തുടരുകയാണ്. എന്തും ഏതും ചര്‍ച്ച ചെയ്യുന്ന മാദ്ധ്യമങ്ങള്‍ മാണിക്ക് അപ്പുറമുള്ള മന്ത്രിമാര്‍ക്ക് എതിരെ ഉയരുന്ന ആക്ഷേപങ്ങള്‍ കണ്ടില്ലെന്ന് നടിക്കുകയാണ്. സിപിഐ(എം) ചാനലായ കൈരളിയുടെ പീപ്പിള്‍ ചാനലിന് പോലും ഇതൊന്നും വാര്‍ത്തയാകുന്നില്ലെന്നതാണ് വേറൊരു കാര്യം.
\'വിധി മുഴുവന്‍ പരിശോധിച്ച് നോക്കൂ. ആദ്യത്തെ മുഴുവന്‍ പേജും നമുക്ക് അനുവദിക്കാവുന്ന വിധിയാണ്. അയാള്‍ കണ്ടെത്തിയ കണ്ടെത്തലുകള്‍ മുഴുവനും അതില്‍ ഇന്റര്‍ഫിയര്‍ ചെയ്യാം. സകലവിധികളും ഉദ്ധരിച്ചു. ഒടുവില്‍ വന്നപ്പോള്‍ രണ്ട് പേജ് അങ്ങ് മാറി. രണ്ട് പേജ് പുറത്തുവന്നു എന്ന് പറയുന്നു\'. ബാര്‍ ഹോട്ടല്‍ അസോസിയേഷന്‍ യോഗത്തിലെ സംഭാഷണങ്ങളുടെ ശബ്ദരേഖയിലെ ഈ ഭാഗങ്ങളിലാണ് കോടതി വിധിനേരത്തെ അറിഞ്ഞുവെന്ന സൂചനയുള്ളത്.
മന്ത്രിസഭാ യോഗത്തിന് മുമ്പ് മുഖ്യമന്ത്രിയുടെ നേതൃത്വത്തില്‍ ബാര്‍പ്രശ്‌നം തീര്‍ക്കാന്‍ മന്ത്രിമാര്‍ യോഗം ചേര്‍ന്നുവെന്നും ശബ്ദരേഖയിലൂടെ വ്യക്തമാകുന്നു. എങ്ങനെയെങ്കിലും പ്രശ്‌നം തീര്‍ക്കണമെന്ന് മന്ത്രിമാര്‍ യോഗത്തില്‍ അഭിപ്രായപ്പെട്ടു. യോഗത്തില്‍ പങ്കെടുത്ത മന്ത്രി കെ എം മാണി ഷോക്ക് അടിച്ച പോലെ ഇരിക്കുകയായിരുന്നുവെന്നും ഒരു ബാര്‍ ഉടമ പറയുന്നുണ്ട്. ബാര്‍ ഉടമകള്‍ക്ക് അനുകൂലമായി എന്തെങ്കിലും ചെയ്യണമെന്ന് മുഖ്യമന്ത്രിയും ആഭ്യന്തരമന്ത്രിയും യോഗത്തില്‍ തീരുമാനിച്ചതായും പറയുന്നു.
സഹായിക്കാന്‍ മന്ത്രിയും
ഇന്ന് ക്യാബിനറ്റ് ഉണ്ടല്ലോ
ഇല്ല ചേട്ടാ അവര്‍ വേറെ മൊഴി ചോദിച്ചു
ഇന്ന് രാവിലെ ചേട്ടന്റ മൂപ്പരും മാണി സാറും സിഎമ്മും രമേശും ഇവരു നാല് പേരും കൂടെ ആലോചിച്ചു. ഇതെങ്ങനെ തീര്‍ക്കാന്‍ പറ്റുമെന്ന് ആലോചിച്ചു
ആലോചിച്ച് കഴിഞ്ഞുള്ള വാക്കല്ല ഞാന്‍ പറയുന്നത്
ഇന്നലെ പത്തരക്കാണ് ആദ്യം വിളിച്ചത്
എന്തെങ്കിലും അവര്‍ക്ക് ചെയ്തുകൊടുക്കാന്‍ പറ്റുമോ എന്ന് പിരിശോധിക്കണം എന്ന്
രണ്ടാളും പറഞ്ഞ് അത് തീര്‍ക്കണം
മാണി സാര്‍ മിണ്ടിയില്ല, ഷോക്കടിച്ച പോലെ ഇരുന്നു
സിഎമ്മും രമേശും എന്തെങ്കിലും ആലോചിക്കാം എന്ന് പറഞ്ഞു നില്‍ക്കുന്നു
പ്രത്യക്ഷത്തില്‍ അവര്‍ക്ക് വരാനുള്ള പരിമിതികള്‍ ഉണ്ട്............ഇങ്ങനെ പോകുന്നു സംഭാഷണം.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
