കേരളം നിരവധി സമര പ്രഭോഷങ്ങള്‍ നടന്നിട്ടുള്ള നാടാണ്. ഇടത് വലതു കക്ഷികള്‍ നിയമസഭക്കകത്തും പുറത്തും വാക്കുകൊണ്ടും അല്ലാതെയും സംഘര്‍ഷഭരിതമായ നിരവധി ഏറ്റുമുട്ടലുകള്‍ ഇവിടെ നടത്തിയിട്ടുണ്ട്. കഴിഞ്ഞ പാര്‍ലമെന്റ് ഇലക്ക്ഷന് ശേഷം കേന്ദ്രത്തില്‍ ബിജെപി ഭരണം പിടിച്ചതോടെ തളര്‍ച്ചയിലായിരുന്ന ഇടതുപക്ഷത്തിന് സമരങ്ങള്‍ നിലനില്‍പ്പിന്റെ പ്രശ്‌നമായി മാറി. സോളാര്‍ സമരം വേണ്ടവിധം വിജയിച്ചില്ല എന്ന് അണികള്‍ക്കിടെ അഭിപ്രായം നിലനില്‍ക്കേയാണ് ബാര്‍ കോഴ വിവാദം ഉയരുന്നത്. ഏതായാലും മാണിയെ ബജറ്റ് അവതരിപ്പിക്കാന്‍ അനുവദിക്കില്ല എന്ന് പാര്‍ട്ടിയോട് ആലോചിക്കാതെ വിഎസ് പ്രഖ്യാപിച്ചതോടെ ഇടതുപക്ഷം വെട്ടിലായി, സമരം നടത്താതെ ഗത്യന്തരമില്ലാതായി. അപ്പോള്‍ ആണ് ഇടതുപക്ഷത്തിന് അതിലും വലിയ ഇരുട്ടടി നല്‍കി യുവമോര്‍ച്ചയുട സമര കാഹളം. ബജറ്റ് അവതരിപ്പിക്കാന്‍ മാണിയെ അനുവദിക്കാതെ 13ന് നിയമസഭ ഉപരോധിക്കുമെന്ന പ്രഖ്യാപനം. യുവമോര്‍ച്ചയ്ക്കും ഇപ്പോള്‍ സമരം അഭിമാന പ്രശ്‌നമാണ് . ഇടതുപക്ഷത്തെ ഒതുക്കി അടുത്ത ഭരണം പിടിക്കുമെന്നാണ് അമിത് ഷായ്ക്ക് കേരള ഘടകം കൊടുത്തിരിക്കുന്ന ഉറപ്പ്.
നിലവില്‍ ഇടതുപക്ഷം ചെകുത്താനും കടലിനും മധ്യേ എന്ന അവസ്ഥയിലാണ്. ഒരു വശത്ത് മാണിയെ തടയണം മറുവശത്ത് യുവമോര്‍ച്ചയുടെ ആക്രമണത്തെ പ്രതിരോധിക്കണം കളം മോശമായാല്‍ വെടിവെപ്പിനുള്ള സാധ്യത പോലും പോലീസ് തള്ളിക്കളയുന്നില്ല. ഫലത്തില്‍ ഇടതുപക്ഷത്തിന് വല്ലാത്തൊരു കുടുക്കായി മാറിയിരിക്കുകയാണ് അവര്‍ തന്നെ പ്രഖ്യാപിച്ച സമരം. എന്തിനും തയ്യാറായി യുവമോര്‍ച്ചയുടെ പ്രവര്‍ത്തകര്‍ കൂടുതലും സംസ്ഥാനത്തിന് പുറത്തുനിന്ന് എത്താനാണ് സാധ്യത എന്നും റിപ്പോര്‍ട്ടുകള്‍ ഉണ്ട്.
ഇതുവരെ കണ്ടിട്ടില്ലാത്ത സമരം നയിക്കും എന്ന് ഇടതുപക്ഷം ആവര്‍ത്തിച്ച് പറയുന്നുണ്ടെങ്കിലും ഉള്ളിന്റെ ഉള്ളില്‍ നാളത്തെ ദിവസത്തെ ഭയപ്പാടോണെയാണ് ഇടതുപക്ഷം കാണുന്നത്. യുവമോര്‍ച്ചയാകട്ടെ ഇതൊരു ബലാബല പ്രശ്‌നമായിട്ടും. ഇടതിനേക്കാള്‍ സമരത്തിന്റെ കാര്യത്തില്‍ വാക്കുപാലിക്കാന്‍ തങ്ങള്‍ സമര്‍ത്ഥരാണെന്ന് തെളിയിക്കുക വഴി വാര്‍ത്തയിലും അതിലേറെ ജനങ്ങളിലേക്കും എത്താമെന്ന് യുവമോര്‍ച്ച കണക്കുകൂട്ടുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha