ബാറിന്റെ പേരിലുള്ള സമരത്തില് ബാറുകള് തുറക്കില്ല... കുടിച്ച് പൂസായി സമരം വിളിക്കാതിരിക്കാന് ബാറുകള് അടിയന്തിരമായി പൂട്ടി
ബാറിന്റെ പേരിലുള്ള സമരത്തില് തലസ്ഥാനത്തെ ബാറുകള് തുറക്കില്ല. കുടിച്ച് പൂസായി സമരം വിളിക്കാതിരിക്കാന് ബാറുകള് അടിയന്തിരമായി പൂട്ടി. തിരുവനന്തപുരം നഗരത്തിലെ ബാറുകള് അടിയന്തരമായി പൂട്ടാനാണ് ജില്ലാകലക്ടറുടെ ഉത്തരവ്. നിയമസഭാ മന്ദിരത്തിന്റെ ഏഴുകിലോമീറ്റര് പരിധിയിലുള്ള ബാറുകളാണ് പൂട്ടാന് ഉത്തരവ് നല്കിയത്.
അതേസമയം എല്ഡിഎഫിന്റെ നിയമസഭാവളയല് സമരം തുടങ്ങി. യുവമോര്ച്ചയുടെ പ്രതിഷേധസമരവും തുടങ്ങി.
നിയമസഭയ്ക്കുള്ളില് ചെയ്യാന് കഴിയുന്നതെല്ലാം ചെയ്യുമെന്ന് കോടിയേരി ബാലകൃഷ്ണന് പറഞ്ഞു.
കെ.എം. മാണി ബജറ്റ് അവതരിപ്പിക്കരുതെന്ന് ഇന്നസെന്റ് എംപി. മുഖ്യമന്ത്രിയും ധനമന്ത്രിയും ഇക്കാര്യത്തില് പിടിവാശി ഉപേക്ഷിക്കണം. പ്രശ്നങ്ങള് ഉണ്ടായാല് ഉത്തരവാദിത്തം സര്ക്കാരിനായിരിക്കും.
മാണി ബജറ്റ് അവതരിപ്പിക്കുന്നത് എല്ലാ ശക്തിയോടെയും എതിര്ക്കുമെന്ന് എല്ഡിഎഫ് കണ്വീനര്. മാണി സഭയ്ക്കുള്ളില് തുടരുന്നതിനാല് അതനുസരിച്ച് പ്രതിഷേധിക്കും. സഭയ്ക്കു പുറത്തും ഇടതുമുന്നണി പ്രവര്ത്തകര് പ്രതിഷേധിക്കുമെന്നും വിശ്വന് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
