പ്രതിപക്ഷത്തിന്റെ നിയമസഭാ ഉപരോധം അകത്തും പുറത്തും പാളി, സമരം വിജയിച്ചെന്ന് പ്രതിപക്ഷം
കേരള ചരിത്രത്തില് ഒരിക്കലും കാണാത്ത സംഭവങ്ങളാണ് ഇന്ന് നിയമസഭയിലുണ്ടായത്. 125 വര്ഷത്തെ പാരബര്യമുള്ള നിയമസഭയില് ആദ്യമായാണ് ഒരു ധനകാര്യമന്ത്രിയെ ബജറ്റ് അവരതിപ്പിക്കാതിരിക്കാന് പ്രതിപക്ഷം ശ്രമിക്കുന്നത്. മാത്രമല്ല സഭാന്ഥനായ സ്പീക്കറെ സഭക്കുള്ളില് പ്രവേശിപ്പിക്കാന് അനുവദിക്കാതിരിക്കുകയും ചെയ്തുവെന്ന് നാണക്കേട് കേരള നിയമസഭയ്ക്ക് കിട്ടി. എന്നാല് ഇതിനിടയില് മാണി വന്ന് ബജറ്റ് അവതരിപ്പിച്ചത് ഇടതുപക്ഷത്തിന് തിരിച്ചടിയായി. മാണി ബജറ്റ് അവതരിപ്പിച്ചതറിഞ്ഞ് പിണറായി വിജയന് സമരം വിജയിച്ചെന്നും പറഞ്ഞ് കാറില്കയറി പോവുകയും ചെയ്തു.
നിയമസഭയില് അംഗബലത്തില് നേരിയ വ്യത്യാസം മാത്രമാണ് ഭരണപക്ഷവും പ്രതിപക്ഷവും തമ്മിലുള്ളത്. ഇതെല്ലാം പ്രതിഫലിപ്പിച്ചാണ് പ്രതിപക്ഷ സഭയില് പ്രതിഷേധം ഉയര്ത്തിയത്. ധനമന്ത്രി കെഎം മാണിയെ തടയുമെന്നായിരുന്നു പ്രതീക്ഷ. എന്നാല് ഭരണപക്ഷത്തിന്റെ ചുറ്റുമതിലില് മാണി എത്തുമെന്നുള്ളതിനാല് അവര് തന്ത്രം മാറ്റി. പക്ഷേ എല്ലാം മുന്കൂട്ടി അറിയാമെന്ന പോലെ ഭരണപക്ഷം കരുക്കള് നീക്കി. ഇതോടെ ധനമന്ത്രിക്ക് ബജറ്റ് അവതരണം സാധ്യമായി.
നിയമസഭയിലെ സംഘര്ഷം തിരുവനന്തപുരത്തെ കലാപഭൂമിയാക്കി. ഇടതു പ്രവര്ത്തകയും യുവമോര്ച്ചാ പ്രവര്ത്തകരും പൊലീസുമായി തലസ്ഥാനത്തുടനീളം ഏറ്റുമുട്ടി. പതിനായിരക്കണക്കിന് പ്രവര്ത്തകരം ഇടതു പക്ഷ എത്തിച്ചതിനാല് പൊലീസിനും നിയന്ത്രിക്കാനായില്ല. സര്ക്കാര് വാഹനങ്ങള് കത്തിച്ചും പൊലീസിനെ നേരെ ആക്രമണം അഴിച്ചു വിട്ടും ഇടത് പ്രവര്ത്തകര് പ്രതിഷേധം സംഘര്ഷത്തിലാക്കി. മെഡിക്കല് കോളേജ് സിഐ ഷീന് തറയിലിന് പരിക്കേറ്റു. പൊലീസ് ജീപ്പ് പോലും കത്തിച്ചു.
തിരുവനന്തപുരത്ത് കോണ്ഗ്രസ് എംഎല്എ വാഹിദിന്റെ വീടിന് നേരെയും ആക്രമണം. നിയമസഭയ്ക്ക് താഴെയുള്ള വാഹിദിന്റെ വീട്ടിന് നേരെയാണ് ആക്രമണം ഉണ്ടായത്. ഇടതു പക്ഷത്തെ ജമീലാ പ്രകാശത്തെ വാഹിദും ശിവദാസന് നായരും ആക്രമിച്ചെന്ന് പ്രതിപക്ഷം ആരോപണം ഉന്നയിച്ചിരുന്നു. ഇതിന് തൊട്ടു പിറകെയാണ് ആക്രമണം. പത്തനംതിട്ടയില് ശിവദാസന് നായരുടെ ഓഫീസിന് നേരെയും ആക്രമണം ഉണ്ടായി.
ഇതിനിടെ സിപിഐ(എം) പോളിറ്റ് ബ്യൂറോ അംഗം പിണറായി വിജയന് അടക്കമുള്ളവര്ക്ക് പരിക്കേറ്റെന്ന പ്രതിപക്ഷ നേതാവ് വി എസ് അച്യുതാനന്ദന്റെ പ്രഖ്യാപനവും കാര്യങ്ങള് പ്രതികൂലമാക്കി. നിയമസഭയില് പ്രതിപക്ഷ വനിതാ അംഗങ്ങള്ക്ക് വാച്ച് ആന്ഡ് വാര്ഡിന്റെ മര്ദ്ദനമേറ്റന്ന പ്രഖ്യാപനങ്ങളും തിരുവനന്തപുരത്തെ യുദ്ധസമാന അന്തരീക്ഷത്തിലേക്ക് മാറ്റി. ആര്ക്കും ഒന്നും നിയന്ത്രിക്കാനായില്ല. സ്ഥിതി ഗതികള് വിലയിരുത്തല് അടിയന്തര ഇടതു മുന്നണി യോഗം ചേരും. നാളെ സംസ്ഥാന ഹര്ത്താല് ഇടതു പക്ഷം പ്രഖ്യാപിക്കുമെന്നാണ് സൂചന.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
