സോഷ്യല്‍ മീഡിയകളില്‍ ഇന്നലെ തുടങ്ങിയ ചിരി ഇന്നും തുടരുന്നു. പ്രതിപക്ഷത്തിന്റെയും ഭരണപക്ഷത്തിന്റെയും നാടകം കളിയില്‍ തിരിച്ചു തള്ളുകയാണ് സോഷ്യല്‍മീഡിയ. കേരള നിയമസഭയുടെ ചരിത്രത്തില്‍ തന്നെ സമാനതകളില്ലാത്ത പ്രതിഷേധം അരങ്ങേറിയ ബഡ്ജറ്റ് അവതരണമാണ് സോഷ്യല്‍ മീഡിയയില്‍ വൈറലായത്.

പ്രതിപക്ഷ സമരത്തെ പരിഹസിക്കുന്ന പോസ്റ്റുകളാണ് ഫേസ് ബുക്കില്‍ വ്യാപകമായി ഇടംപിടിച്ചത്. കെ.എം.മാണിയെക്കാളും സോഷ്യല്‍ മീഡിയയില്‍ താരമായത് വി.ശിവന്‍കുട്ടി എം.എല്‍.എയാണ്. ജമീല പ്രകാശം കടിച്ചു എന്ന് ആരോപണം ഉന്നയിച്ച കെ.ശിവദാസന്‍ നായരും, സ്പീക്കര്‍ എന്‍.ശക്തനും സിനിമാരംഗങ്ങള്‍ കോര്‍ത്തിണക്കിയ ഫേസ് ബുക്ക് പോസ്റ്റുകളിലെ കഥാപാത്രങ്ങളായി. ബജറ്റിന്റെ തലേ ദിവസം സഭയില്‍ അരങ്ങേറിയ നാടകത്തിന്റെ പ്രധാന നടന്‍ വി ശിവന്‍കുട്ടിയായിരുന്നു. അതുപോലെ തന്നെയായിരുന്നു ഇന്നലെ ബജറ്റ് അവതരണ വേളയിലും പ്രധാന വേഷം കൈകാര്യം ചെയ്തത് ശിവന്‍കുട്ടി തന്നെ. അതുപോലെ ആദ്യമായി സഭയില്‍ കുഴഞ്ഞ്വീണ് നിലവിളി ശബ്ദദ്ധത്തോട് ആശുപത്രിയിലായതും വി ശിവന്‍കുട്ടി തന്നെ. അതുകൊണ്ട് ഇന്നലത്തെ കളിയില്‍ മാന്‍ ഓഫ് ദ മാച്ച് അവാര്‍ഡ് വി ശിവന്‍കുട്ടിയ്ക്ക് സോഷ്യല്‍ മീഡിയ നല്‍കി.

സോഷ്യല്‍ മീഡിയയില്‍ ഏറ്റവും കൂടുതല്‍ ആഘോഷിച്ചത് ശിവന്‍കുട്ടി കുഴഞ്ഞുവീണതാണ്. മാണി ബജറ്റ് മേശപ്പുറത്ത് വച്ചതില്‍ പ്രതിഷേധിച്ച് പ്രതിപക്ഷം വി. ശിവന്‍കുട്ടിയെ മേശപ്പുറത്ത് വച്ചു എന്നായിരുന്നുഇത് സംബന്ധിച്ച പോസ്റ്റ്. കുഴഞ്ഞു വീണ ശിവന്‍കുട്ടിയെ സഹ എം.എല്‍.എമാര്‍ താങ്ങിയെടുത്ത് സ്പീക്കറുടെ ഇരിപ്പിടത്തിന് താഴെ നിയമസഭയിലെ ഉദ്യോഗസ്ഥര്‍ വലിയ മേശയുടെ മേല്‍ കിടത്തിയിരിക്കുന്ന ചിത്രത്തിനൊപ്പമാണ് ഈ കമന്റ്. ബഡ്ജറ്റ് അവതരിപ്പിക്കാന്‍ ആംഗ്യത്തിലൂടെ മാണിയ ക്ഷണിക്കുന്ന സ്പീക്കറായി സോഷ്യല്‍ മീഡിയ കണ്ടെത്തിയത് ഗോഡ്ഫാദറിലെ ബോധംപോയ ശങ്കരാടിയുടെ ചിത്രത്തെയാണ്. മീശമാധവന്‍ എന്ന സിനിമയില്‍ ദിലീപ് അവതരിപ്പിച്ച കള്ളന്‍ മാധവനും പോക്കിരിരാജയിലെ രംഗങ്ങളും സോഷ്യല്‍ സൈറ്റുകളിലെ \'പ്രതിഷേധ\'ത്തിന് വിഷയമായി.

കിലുക്കം സിനിമയില്‍ ഹോട്ടലില്‍ കയറി അക്രമം കാണിച്ച രേവതിയുടെ കഥാപാത്രവും ഇടം പിടിച്ചു. മന്ത്രി ഷിബു ബേബി ജോണ്‍ സി.പി.ഐ എം.എല്‍.എ ഇ.എസ് ബിജുമോളെ തടയുന്ന ചിത്രം നല്‍കിയ ശേഷം ഓണത്തിനടയ്ക്ക് പുട്ടു കച്ചവടം എന്ന അടിക്കുറിപ്പും നല്‍കിയതും ശ്രദ്ധേയമായി.
ഒരു വടക്കന്‍ വീരഗാഥ എന്ന സിനിയില്‍ മമ്മൂട്ടി പറയുന്ന ചന്തുവിനെ തോല്‍പിക്കാനാവില്ല എന്ന ഡയലോഗിനെ മാണിയെ തോല്‍പിക്കാനാവില്ല മക്കളേ മടങ്ങിപ്പോ എന്ന തരത്തിലാക്കിയും അവതരിപ്പിച്ചിട്ടുണ്ട്.

പി.എം.ജിയിലും മറ്റും പ്രതിഷേധക്കാര്‍ക്ക് നേരെ കണ്ണീര്‍ വാതക ഷെല്‍ എറിയുന്ന പൊലീസുകാരെയും സോഷ്യല്‍ മീഡിയ വെറുതെ വിട്ടില്ല. റോഡിലെ വെള്ള വരയ്ക്ക് പുറത്തേക്ക് പോയ പൊലീസുകാരന്റെ കാല്‍ കണ്ടിട്ട് നോബോള്‍ ആണെന്നും അതിനാല്‍ ഫ്രീഹിറ്റാണെന്നും പറയുന്നതാണ് ഒരു പോസ്റ്റ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha