തന്ത്രം മെനഞ്ഞ് ബിജെപി
ബിജെപി നേതാക്കളുമായി അടുത്ത സൗഹൃദം പുലര്‍ത്തുന്ന വിവാദ ബാറുടമ ബിജു രമേശിനെ ഉപയോഗിച്ച് ബിജെപി എറിഞ്ഞ ചൂണ്ടയില്‍ വീണത് സിപിഎം. കഴിഞ്ഞ ഡിസംബര്‍ മാസത്തില്‍ ഇടതുപക്ഷമുന്നണിയിലേക്ക് മാണി കേരള കോണ്‍ഗ്രസ് ചേക്കേറുമെന്നും ഇടതുപക്ഷമുന്നണി ശക്തിപ്പെടുമെന്നും ഭയപ്പെട്ടു ബിജെപി വിദഗ്ധമായൊരുക്കിയ തന്ത്രമായിരുന്നു ബാര്‍ കോഴ ആരോപണം. കഴിഞ്ഞ ദിവസത്തെ ചാനല്‍ ചര്‍ച്ചക്കിടെ സിപി ജോണ്‍ ഈ വിഷയം ഉന്നയിച്ചപ്പോള്‍ ബിജെപി മുന്‍ പ്രസിഡന്റ് കൃഷ്ണദാസ് ഇതു ശരിവെക്കുംവിധം മറുപടിയാണ് നല്‍കിയകത്.
അഡ്ജസ്റ്റ്‌മെന്റ് സമരമെന്നും പിടിപ്പുകേടെന്നും നട്ടെലില്ലായ്മയെന്നും പറഞ്ഞ് വിഎസിനെ കൂട്ടുപിടിച്ച്് സിപിഐയും പന്ന്യനും സിപിഎമ്മിനെ പ്രകോപിപ്പിച്ച്് സമരത്തിലേക്ക് വലിച്ചിഴക്കുകയായിരുന്നു. വിശ്വാസതയില്ലാത്ത ആരോപണത്തിന്റെ പേരില്‍ എടുത്തുചാടി പുറപ്പെട്ടാല്‍ അതു രാഷ്ട്രീയ മണ്ടത്തരമായിരിക്കുമെന്ന് പിണറായിയോട് അടുത്ത കേന്ദ്രങ്ങള്‍ ചൂണ്ടിക്കാണിച്ചപ്പോഴും ഔദ്യോഗിക പക്ഷത്തിനെതിരെ ആക്രമിക്കാന്‍ വിഎസ് ഈ വിഷയം ഉയര്‍ത്തിപ്പിടിച്ചു. സിപിഐയെയും ബിജെപിയെയും ഒതുക്കാനും സമരത്തില്‍ തങ്ങള്‍ മുന്നിലാണെന്ന് അണികളെ ബോധ്യപ്പെടുത്താന്‍ ചോരപ്പുഴ നിയമസഭയില്‍ ഒഴുക്കുമെന്നും ബഡ്ജറ്റ് തടയുമെന്നും കോടിയേരി പ്രഖ്യാപിക്കുന്നു. ബിജെപിയാകട്ടെ ഇതിനെ അഡ്ജസ്റ്റുമെന്‍ഡ് സമരമെന്നു പറഞ്ഞ് പ്രകോപിപ്പിക്കുകും ചെയ്തു.
ഇതിനിടെ ബിജെപി യുവമോര്‍ച്ചയുടെ പേരില്‍ സെക്രട്ടേറിയറ്റ് ഉപരോധമെന്ന അടുത്ത കാര്‍ഡുമിറക്കി. തങ്ങള്‍ പിന്നിലായി പോകരുതെന്ന വാശിയില്‍ സിപിഎമ്മും ഉപരോധം പ്രഖ്യാപിച്ചു. യുവമോര്‍ച്ച രണ്ടായിരത്തഞ്ഞൂറോളം പേരെ രംഗത്തിറക്കിയപ്പോള്‍ അയ്യായിരത്തില്‍ താഴെ അണികളെ മാത്രമേ സിപിഎമ്മിന് ഇറക്കാനായുള്ളു. ഒടുവില്‍ കളി കൈവിട്ട് പോയപ്പോള്‍ സിപിഐ വിദഗ്ധമായി കൈകഴുകി. ഉപരോധ സമരത്തില്‍ സിപിഐക്കാര്‍ വിരലില്‍ എണ്ണാവുന്നവരേ ഉണ്ടായിരുന്നുള്ളു എന്ന് സിപിഎം ആരോപിക്കുന്നു. ആക്രമണ സാധ്യത ഉപയോഗിക്കുക എന്നതിനപ്പുറം സമരത്തിന് ജനകീയ മുഖം നല്‍കാന്‍ ഇടതുമുന്നണിക്കായില്ല. യുവമോര്‍ച്ചയുടെ പേരില്‍ എത്തിച്ച കുറച്ച് ആള്‍ക്കൂട്ടത്തെക്കൊണ്ട് ഇടതുപക്ഷത്തെ വെട്ടിലാക്കാന്‍ ബിജെപിക്ക് കളിഞ്ഞു. രാവിലെ ഒമ്പതുമണിക്കുതന്നെ അഡ്ജസ്റ്റുമെന്‍ഡ് സമരമെന്നു പറഞ്ഞ് പഴിയെല്ലാം സിപിഎമ്മിന്റെ തലയില്‍ കെട്ടിവെച്ച് അവര്‍ വിദഗ്ധമായി സമരം അവസാനിപ്പിച്ചു. മറിച്ച് സിപിഎം കാട്ടിക്കൂട്ടിയതോ നിയമസഭയ്ക്കകത്തെ പേക്കൂത്തുകള്‍ ദേശീയ മാധ്യമങ്ങള്‍ ഇന്നാഘോഷിക്കുന്നു. ഫേസ് ബുക്കിലും സോഷ്യല്‍ മീഡിയായിലും പരിഹാസവര്‍ഷം. സര്‍ക്കാര്‍ വാഹനങ്ങള്‍ കത്തിച്ച് പൊതുമുതല്‍ നശിപ്പിക്കുന്ന പ്രകൃതമായ സമരരീതികള്‍ വീണ്ടും ആവര്‍ത്തിക്കപ്പെടുന്നു.
ഒരു വിധ ആക്രമണങ്ങള്‍ക്കും മുതിരാതെ ബിജെപി തന്ത്രങ്ങളിലൂടെ ഇടതുപക്ഷത്തെ വെട്ടിലാക്കി. ഒടുവില്‍ അനാവശ്യ സമരമെന്നു ജനത്തെക്കൊണ്ട് പറയിച്ചു. കൊട്ടിഘോഷിക്കപ്പെട്ട ആരോപണങ്ങള്‍ ഈ ആഭാസങ്ങള്‍ക്കിടയില്‍ അപ്രമാസക്തമായി. ഒടുവില്‍ ഒരു ഹര്‍ത്താല്‍കൂടി പ്രഖ്യാപിച്ചപ്പോള്‍ സംഗതി പൂര്‍ണം. ഇവിടെ തോല്‍ക്കുന്നത് ജനാധിപത്യ കേരളമല്ലേ.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
https://www.facebook.com/Malayalivartha
