മാണിയെ ബജറ്റവതിപ്പിക്കില്ലെന്ന വാശിയിലായിരുന്നു പ്രതിപക്ഷ നേതാവ് വിഎസ് അച്യുതാനന്ദന്‍. തലേ ദിവസം മുതല്‍ സഭയില്‍ തങ്ങിയാണ് വിഎസ് കാര്യങ്ങള്‍ നിയന്ത്രിച്ച് കൊണ്ടിരുന്നത്. ആശാന്റെ എല്ലാ പ്ലാനും തെറ്റിച്ച് മാണി സഭയിലെത്തി ബജറ്റ് അവതരിപ്പിച്ചതോട് വിഎസിന്റെ കണ്‍ട്രോള്‍പോയി. പ്രതിപക്ഷ എംഎല്‍എമാരെല്ലാം സ്പീക്കറെ തടയുന്ന തിരക്കിലും. ഇതിനിടയില്‍ നോക്കിയപ്പോഴാണ് മുണ്ടും മടക്കി കുത്തി ആള്‍ക്കാര്‍ക്ക് നാണക്കേടുണ്ടാക്കുന്ന തരത്തില്‍ വി ശിവന്‍കുട്ടി എംഎല്‍എ സ്പീക്കറുടെ ഡയസിനുമുകളില്‍ കയറി നില്‍ക്കുന്നത്. ഇത് കണ്ടതോടെ വിഎസ് ശുഭിതനായി. ഇരിപ്പിടത്തിന്‍ നിന്ന് എഴുന്നേറ്റ വിഎസ് ശിവന്‍കുട്ടിയോട് ദേഷ്യപ്പെട്ടു. വിഎസിന്റെ ചൂടാകലില്‍ ശിവന്‍കുട്ടിയുടെ കാറ്റ് പോയി, ആശാന്‍ തലകറങ്ങിവീണു. ഇന്നലെ സഖാക്കളുടെ പ്രവര്‍ത്തികള്‍ നിയന്ത്രിക്കാനായി വിഎസ് വളരെ പാടുപെട്ടു. 

നിയമസഭയില്‍ ഇന്നലെ നടന്ന സംഭവങ്ങളില്‍ എംഎല്‍എമാര്‍ക്കെതിരെ നടപടി വരുമെന്ന് ഉറപ്പാണ്.. ഭരണപക്ഷത്തില്‍ ഇതു സംബന്ധിച്ച ധാരണ ഉണ്ടായിട്ടുണ്ട്. സ്പീക്കറുടെ ഡയസ് തകര്‍ത്ത എംഎല്‍എമാര്‍ക്കെതിരെ കടുത്ത നടപടി വേണമെന്നാണ് ആവശ്യം. നിയമസഭയില്‍ ഇതു സംബന്ധിച്ച പ്രമേയം പാസാക്കാനാണ് നീക്കം. അതിനിടെ ഇടതു പക്ഷത്തെ വനിതാ എംഎല്‍എയെ അപമാനിക്കാന്‍ ശ്രമിച്ച എംഎല്‍എമാര്‍ക്കെതിരെ നടപടി വേണമെന്ന് പ്രതിപക്ഷവും ആവശ്യപ്പെടും. ഇതോടെ സഭാ നടപടികള്‍ തിങ്കളാഴ്ചയും പ്രക്ഷുബ്ദമാകുമെന്ന് ഉറപ്പായി.
എംഎല്‍എമാരെ നിയമസഭയില്‍ ആക്രമിച്ച സംഭവം അപലപനീയമാണെന്നു വി എസ് അച്യുതാനന്ദന്‍ വ്യക്തമാക്കിയിട്ടുണ്ട്. ഇത് ചെയ്ത യുഡിഎഫുകാര്‍ ആഭാസന്മാരാണെന്നും. ആക്രമികളെ നിയമത്തിനു മുമ്പില്‍ കൊണ്ടുവരാന്‍ ഏതറ്റം വരെയും പോകുമെന്നും അദ്ദേഹം പറഞ്ഞു. യുഡിഎഫുകാര്‍ ചെയ്തത് മാപ്പര്‍ഹിക്കാത്ത തെറ്റാണെന്നും വി എസ് അച്യുതാനന്ദന്‍ പറഞ്ഞു. നിയമസഭ വരും ദിനങ്ങളിലും പ്രക്ഷുബ്ദമാകുമെന്ന സൂചനയാണ് പ്രതിപക്ഷ നേതാവ് തരുന്നത്.നടപടിയെടുത്താല്‍ നിയമപരമായി നേരിടുമെന്നും ശിവന്‍കുട്ടി പറഞ്ഞു.
നിയമസഭയില്‍ തന്നെ ശാരീരികമായി തടഞ്ഞ മന്ത്രി ഷിബുബേബി ജോണിനെതിരെ പരാതി നല്‍കുമെന്ന് ഇ എസ് ബിജി മോളും വ്യക്തമാക്കിയിട്ടുണ്ട്. എന്നാല്‍ തങ്ങള്‍ ആരോടും മോശമായി പെരുമാറിയിട്ടില്ലെന്നാണ് ശിവദാസന്‍ നായരുടേയും എം എ വാഹിദിന്റേയും നിലപാട്. തങ്ങളെ ആക്രമിക്കാന്‍ വന്നവരെ പ്രതിരോധിക്കുക മാത്രമാണ് ചെയ്തതെന്നും അവര്‍ പറയുന്നു.
അതിനിടെ നിയമസഭയില്‍ വെള്ളിയാഴ്ച ധനാകാര്യമന്ത്രി കെ.എം മാണി ബജറ്റവതരിപ്പിച്ചത് നിയമപരമായിട്ടാണെന്നു മന്ത്രി തിരുവഞ്ചൂര്‍ രാധാകൃഷ്ണന്‍. എല്ലാ നടപടി ക്രമങ്ങളും പാലിച്ചു തന്നെയാണ് ബജറ്റവതരിപ്പിച്ചതെന്നും ഇതു സംബന്ധിച്ച തര്‍ക്കങ്ങള്‍ക്കൊന്നും അടിസ്ഥാനമില്ലെന്നും അദ്ദേഹം പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha