നിയമസഭയുടെ അന്തസ് കളഞ്ഞു കുളിക്കുന്നതിന് വേണ്ടി പ്രവര്‍ത്തിച്ച എംഎല്‍എമാര്‍ ഓരോരോ ന്യായീകരണം പറഞ്ഞുകൊണ്ട് രംഗത്തെത്തി. സ്ത്രീകള്‍ ആക്രമിക്കപ്പെടുമ്പോള്‍ പല്ലും നഖവും ഉപയോഗിച്ചു ചെറുക്കണമെന്നു മഹാത്മാഗാന്ധി പറഞ്ഞിട്ടുണ്ടെന്നും അതുമാത്രമാണു ശിവദാസന്‍ നായരോടു താന്‍ ചെയ്തതെന്നും ജമീലാ പ്രകാശം എംഎല്‍എ പറഞ്ഞു. ഗാന്ധിജിയുടെ ദര്‍ശനങ്ങള്‍ മുറുകെപ്പിടിക്കുന്ന ജനതാദളി (എസ്)ന്റെ ജനപ്രതിനിധി എന്ന നിലയില്‍ താന്‍ ആ മാര്‍ഗമേ സ്വീകരിച്ചുള്ളൂവെന്നും നിയമസഭയില്‍ വെള്ളിയാഴ്ച നടന്ന സംഭവത്തെ ന്യായീകരിച്ചുകൊണ്ടു ജമീല പറഞ്ഞു. 
മന്ത്രി കെ.എം. മാണിയെ ബജറ്റ് അവതരിപ്പിക്കാന്‍ അനുവദിക്കുകയില്ലെന്ന തീരുമാനത്തിന്റെ ഭാഗമായി ഞാനും മറ്റു വനിതാ എംഎല്‍എമാരും മാണിയെ തടയാന്‍ പോകുമ്പോള്‍ വാച്ച് ആന്‍ഡ് വാര്‍ഡ് തടഞ്ഞു. എന്റെ കാലില്‍ ബൂട്ടിട്ടു ചവിട്ടി. കാല്‍ അങ്ങോട്ടുമിങ്ങോട്ടും അനക്കാന്‍ കഴിയാത്ത സ്ഥിതി. ഇതിനിടെ ശിവദാസന്‍ നായര്‍ പിറകിലൂടെ വന്നു കാല്‍കൊണ്ടും കൈകൊണ്ടും എന്റെ ശരീരഭാഗങ്ങളില്‍ ബലം പ്രയോഗിച്ചു. എന്റെ സ്ത്രീത്വത്തെ അപമാനിക്കുന്ന രീതിയില്‍ പെരുമാറി. 
മാണിയെ തടയാനുള്ള ഞങ്ങളുടെ ശ്രമത്തെ പരാജയപ്പെടുത്താനാണെങ്കില്‍ എന്തിനു പിറകിലൂടെ വന്ന് ഇങ്ങനെ പെരുമാറി. മുഖ്യമന്ത്രിയുടെ തൊട്ടുപിറകില്‍ നിന്നുകൊണ്ടു ഡൊമിനിക് പ്രസന്റേഷന്‍ എംഎല്‍എ എന്നെ പോടീയെന്ന് ആവര്‍ത്തിച്ചു വിളിക്കുകയും നീ നിന്റെ നാടാനെ വിളിച്ചുകൊണ്ടു വാടീയെന്ന് ആവര്‍ത്തിച്ചു പറയുകയും ചെയ്തു. ഭര്‍ത്താവിന്റെ ജാതിപ്പേരു പറഞ്ഞ് അധിക്ഷേപിച്ചു. ഇതു കണ്ടും കേട്ടുമിരുന്ന സഭാനേതാവ് കൂടിയായ മുഖ്യമന്ത്രി ഒന്നും ചെയ്തില്ല. ഇതു സംബന്ധിച്ചു സ്പീക്കര്‍ക്കു പരാതി നല്‍കിയിട്ടുണ്ട്- പ്രസ്താവനയില്‍ ജമീലാ പ്രകാശം പറയുന്നു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha