ഇനി സ്ത്രീധനത്തിന്റെ പേര് പറഞ്ഞ് ഭര്ത്താവിനെ ജയിലിലാക്കാന് പറ്റില്ല
ഭര്ത്താവിനെയും ഭര്ത്താവിന്റെ ബന്ധുക്കളെയും സ്ത്രീധന പീഡനത്തിന്റെ പേരില് കള്ളക്കേസ് കൊടുത്ത് ഒതുക്കുന്ന മഹിളാമണിമാര് സൂക്ഷിക്കുക. നിങ്ങളെ പിടിക്കാന് കേന്ദ്ര സര്ക്കാര് ഒരുങ്ങുന്നു. സ്ത്രീ ധന നിയമം ഭേദഗതി ചെയ്യും. നിയമത്തിലെ 498 എ വകുപ്പാണ് കേന്ദ്ര സര്ക്കാര് ഭേദഗതി ചെയ്യാന് ഒരുങ്ങുന്നത്. പ്രസ്തുത വകുപ്പ് അസംതൃപ്തരായ സ്ത്രീകളുടെ കൈയ്യിലെ ആയുധമായി മാറുന്നുവെന്ന് സുപ്രീം കോടതി അഭിപ്രായപ്പെട്ടിരുന്നു. നിയമത്തിന്റെ സാധുതയെ കുറിച്ചും സംസ്ഥാന സര്ക്കാരുകളുടെ അഭിപ്രായം കേന്ദ്ര സര്ക്കാര് തേടിയിരുന്നു.
വ്യാജ പരാതികള് വര്ധിച്ച പശ്ചാത്തലത്തിലാണ് നിയമം ഭേദഗതി ചെയ്യാന് സര്ക്കാര് ഒരുങ്ങുന്നത്. മൂന്നു വര്ഷം വരെ തടവു ലഭിക്കാവുന്നതാണ് ഇപ്പോഴത്തെ സ്ത്രീധന നിരോധന നിയമം. വ്യാജ സ്ത്രീ ധന പീഡന പരാതി നല്കിയാല് ഇപ്പോഴത്തെ പിഴ 10,000 രൂപയാണ്. ഇത് 15,000 രൂപയായി ഉയര്ത്തും. ഇന്ത്യന് ശിക്ഷാ നിയമത്തിലെ 498 എ വകുപ്പിന്റെ കരട് ഭേദഗതിയ്ക്കായി കേന്ദ്ര സര്ക്കാര് നിയമമന്ത്രാലയത്തിന് നല്കി കഴിഞ്ഞു. ഇപ്പോഴത്തെ നിയമം അനുസരിച്ച് പ്രതിക്ക് ജാമ്യം കിട്ടില്ലെന്ന് മാത്രമല്ല പരാതി ലഭിച്ചാലുടന് അറസ്റ്റു നടക്കും.. കേസ് രജിസ്റ്റര് ചെയ്തു കഴിഞ്ഞാല് കോടതിയില് നിരപരാധിത്വം തെളിയുന്നതുവരെ ഭര്ത്താവും വീട്ടുകാരും കുറ്റാരോപിതരായി തുടരും.
വ്യക്തി വിരോധത്തിന്റെ പേരിലാണ് പലപ്പോഴും ഭര്ത്താവിനെയും ബന്ധുക്കളെയും സ്ത്രീപീഡനപരാതികളില് പ്രതി ചേര്ക്കുന്നത്. വനിതകള്ക്ക് സംരക്ഷണം നല്കുന്ന നിയമമാണ് ഇന്ത്യയില് നിലവിലുള്ളതെന്ന കാര്യത്തില് തര്ക്കമില്ലെങ്കിലും വനിതകള് തന്നെയാണ് ഇത് ദുരുപയോഗം ചെയ്യുന്നത്. ഭര്ത്താവ് സ്ത്രീധനത്തിന്റെ കാര്യം മിണ്ടാറില്ലെങ്കിലും ഭര്ത്തൃബന്ധുക്കളോട് വിരോധം തോന്നിയാല് പെണ്കുട്ടികള് സ്ത്രീധന പീഡന നിയമത്തിന്റെ സാധ്യതകള് പ്രയോജനപ്പെടുത്തി പോലീസുകാരെ സമീപിച്ച് ഭര്ത്താവിനെയും ഭര്ത്തൃബന്ധുക്കളെയും കേസില് ഉള്പ്പെടുത്താറാണ് പതിവ്.
കേന്ദ്ര നിയമമായതിനാല് നിയമത്തില് മാറ്റം വരുന്നതോടുകൂടി കള്ള പരാതികളുടെ എണ്ണം കുറയും. ചുരുക്കത്തില് ഭര്ത്താക്കന്മാര് രക്ഷപ്പെട്ടെന്ന് പറയാം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
