രോഗ ലക്ഷണങ്ങൾ ഇല്ലാത്ത നാലുപേർക്ക് കോവിഡ്; രോഗലക്ഷണങ്ങള് ഇല്ലാതെ തന്നെ ഇവര്ക്ക് രോഗം സ്ഥിരീകരിച്ചതോടെ പ്രതിരോധ പ്രവര്ത്തനങ്ങള് കൂടുതല് ശക്തമാക്കാന് തീരുമാനം
കോഴിക്കോട് ഇന്ന് കൊവിഡ് 19 സ്ഥിരീകരിച്ച നാല് പേരും രോഗലക്ഷണങ്ങള് ഒന്നുംതന്നെ ഇല്ലാത്തവര്. ഇവര് നാല് പേരും നിസാമുദീനിലെ തബ് ലീഗ് സമ്മേളനത്തില് പങ്കെടുത്തിരുന്നു. നിസാമുദീനില് നിന്ന് വന്നവരായതിനാല് ഇവരുടെ സാംപിളുകള് പ്രത്യേകം പരിശോധിക്കുകയായിരുന്നു. എന്നാല് രോഗലക്ഷണങ്ങള് ഇല്ലാതെ തന്നെ ഇവര്ക്ക് രോഗം സ്ഥിരീകരിക്കുകയായിരുന്നു.
രോഗലക്ഷണങ്ങള് ഇല്ലാതെ തന്നെ ഇവര്ക്ക് രോഗം സ്ഥിരീകരിച്ചത് പ്രതിരോധ പ്രവര്ത്തനങ്ങള് കൂടുതല് ശക്തമാക്കാന് ആരോഗ്യ പ്രവര്ത്തകരെ പ്രേരിപ്പിച്ചിട്ടുണ്ട്. ഇതിന്റെ പശ്ചാത്തലത്തില് കോഴിക്കോട് ജില്ലയില് കൂടുതല് പേരുടെ സാംപിളുകള് പരിശോധിക്കാന് തീരുമാനിച്ചു. രോഗലക്ഷണങ്ങളില്ലാതെ രോഗം സ്ഥരീകരിച്ച നാല് പേരുമായും ബന്ധപ്പെട്ടഎല്ലാ ആളുകളുടെയും സാംപിളുകള് ശേഖരിച്ച് പരിശോധിക്കും. ദുബായില് നിന്ന് വന്ന മറ്റൊരാള്ക്കും ജില്ലയില് രോഗം സ്ഥിരീകരിച്ചിട്ടുണ്ട്.
കേരളത്തില് 8 പേര്ക്ക് കൂടി കോവിഡ് 19 സ്ഥിരീകരിച്ചു. കോഴിക്കോട് ജില്ലയില് നിന്നും 5 പേര്ക്കും പത്തനംതിട്ട, കണ്ണൂര്, കാസര്ഗോഡ് ജില്ലകളില് നിന്നും ഓരോരുത്തര്ക്കുമാണ് രോഗം സ്ഥിരികരിച്ചത്. കണ്ണൂര്, കാസര്ഗോഡ് ജില്ലയിലുള്ളവര്ക്ക് രോഗം ബാധിച്ചത് സമ്പര്ക്കത്തിലൂടെയാണ്. ഇതുവരെ നിസാമുദ്ദീനില് നിന്നും വന്ന 10 പേര്ക്കാണ് രോഗം സ്ഥിരീകരിച്ചിട്ടുള്ളത്.
കേരളത്തില് 314 പേര്ക്കാണ് ഇതുവരെ രോഗബാധ സ്ഥിരീകരിച്ചത്. 6 പേരുടെ പരിശോധനാ ഫലം ഇന്ന് നെഗറ്റീവ് ആയി. കണ്ണൂര് ജില്ലയില് നിന്നും 4 പേരുടെയും തിരുവനന്തപുരം (മലപ്പുറം സ്വദേശി), കോഴിക്കോട് ജില്ലകളില് നിന്നും ഓരോരുത്തരുടേയും പരിശോധനാ ഫലമാണ് നെഗറ്റീവ് ആയത്. നിലവില് 256 പേര് വിവിധ ആശുപത്രികളില് ചികിത്സയിലാണ്. ഇതുവരെ ആകെ 56 പേര് രോഗമുക്തി നേടി ഡിസ്ചാര്ജായി. രണ്ട് പേര് മുമ്പ് മരണമടഞ്ഞിരുന്നു.
207 ലോക രാജ്യങ്ങളില് കോവിഡ് 19 പടര്ന്ന് പിടിച്ച സാഹചര്യത്തിലും കേരളത്തില് രോഗികളുടെ എണ്ണം വര്ധിച്ച സാഹചര്യത്തിലും സംസ്ഥാനത്തെ വിവിധ ജില്ലകളിലായി 1,58,617 പേര് നിരീക്ഷണത്തിലാണ്. ഇവരില് 1,57,841 പേര് വീടുകളിലും 776 പേര് ആശുപത്രികളിലും നിരീക്ഷണത്തിലാണ്. 188 പേരെയാണ് ഇന്ന് ആശുപത്രിയില് പ്രവേശിപ്പിച്ചത്. രോഗലക്ഷണങ്ങള് ഉള്ള 10,221 വ്യക്തികളുടെ സാമ്പിള് പരിശോധനയ്ക്ക് അയച്ചിട്ടുണ്ട്. ഇതില് ലഭ്യമായ 9,300 സാമ്പിളുകളുടെ പരിശോധനാ ഫലം നെഗറ്റീവ് ആണ്.
https://www.facebook.com/Malayalivartha