വൈക്കോല്‍ ലോറിക്കു തീ പിടിച്ചെങ്കിലും വന്‍ദുരന്തം ഒഴിവായി
പറളി, വില്വങ്കാടിനു സമീപം വൈക്കോല്‍ ലോറിക്കു തീ പിടിച്ചു. എന്നാല്‍ വന്‍ദുരന്തമായി മാറിയില്ല. പാടത്തുനിന്നു വൈക്കോല്‍ കയറ്റിവരുന്നതിനിടെ പാതയോരത്തെ വൈദ്യുതി ലൈനില്‍ തട്ടിയാണു തീ പടര്‍ന്നത്.
ഇന്നലെ രാവിലെ പത്തരയോടെയാണു സംഭവം. വൈക്കോല്‍ കത്തുന്നത് കണ്ട നാട്ടുകാര്‍ ഡ്രൈവറുടെ ശ്രദ്ധയില്‍പെടുത്തി.
തുടര്‍ന്ന് കയര്‍ വെട്ടിയറുത്ത് വൈക്കോല്‍ റോഡില്‍ തള്ളി. മൂന്നു പ്രാവശ്യം വാഹനം നീക്കി നീക്കി നിര്‍ത്തി പലയിടങ്ങളിലായിട്ടാണ് വൈയ്‌ക്കോല്‍ ചിതറിച്ചത്.
പാലക്കാട്ടുനിന്ന് അസി.സ്റ്റേഷന്‍ ഓഫിസര്‍ രമേഷിന്റെ നേതൃത്വത്തിലെത്തിയ അഗ്‌നിരക്ഷാ സേനയും മങ്കര പൊലിസും നാട്ടുകാരും ചേര്‍ന്നാണു തീ അണച്ചത്.
വൈക്കോല്‍ പൂര്‍ണമായും കത്തിനശിച്ചു. വാഹനത്തിനു കേടു പറ്റിയില്ല. 20000 രൂപയുടെ നഷ്ടം കണക്കാക്കുന്നു.
വൈക്കോല്‍ വലിയ ചുരുളുകളായാണു ലോറിയില്‍ കയറ്റിയിരുന്നത്. നാട്ടുകാരുടെ സമയോചിതമായ ഇടപെടല്‍ ദുരന്തം ഒഴിവാക്കി.
https://www.facebook.com/Malayalivartha
