മലപ്പുറത്ത് ആദ്യം കോവിഡ് സ്ഥിരീകരിച്ചയാൾ ഇന്ന് ആശുപത്രി വിടും; പോലീസ് ഡ്രോൺ അടക്കമുള്ള കർശന പരിശോധന തുടരുകയാണ്, ഇന്നലെ മാത്രം 826 കേസുകൾ രജിസ്റ്റർ ചെയ്തു
മലപ്പുറത്ത് ആദ്യം കൊവിഡ് സ്ഥിരീകരിച്ച വാണിയമ്പലം സ്വദേശിനി അസുഖം ഭേദമായി ഇന്ന് ആശുപത്രി വിടുമെന്നതായി റിപ്പോർട്ട്. ഉംറ തീര്ത്ഥാടനം കഴിഞ്ഞെത്തിയ ഇവര് അസുഖബാധിതയായതിനെ തുടര്ന്ന് മഞ്ചേരി മെഡിക്കല് കോളേജ് ആശുപത്രിയില് ചികിത്സയിലാണ് കഴിഞ്ഞിരുന്നത്. ഇന്ന് രാവിലെ പത്ത് മണിയോടെ ആശുപത്രി വിടുന്ന ഇവര്ക്ക് ആരോഗ്യ പ്രവര്ത്തകര് യാത്രയയപ്പ് നല്കും.
അതോടൊപ്പം തന്നെ ഇന്നലെ മലപ്പുറം ജില്ലയിൽ നിരോധനാജ്ഞ പതിമൂന്നാം ദിവസത്തിലേക്ക് കടക്കുമ്പോൾ പോലീസ് കർശന പരിശോധനയാണ് തുടരുന്നത്. ഡ്രോൺ അടക്കമുള്ള ഉപകരണങ്ങൾ ഉപയോഗിച്ചാണ് ജില്ലയിൽ പോലീസ് പരിശോധന നടത്തുന്നത്.ജില്ലയിൽ ഇത് വരെ 826 കേസുകളിലായി ആയിരം പേരെയാണ് ഇതുവരെ പോലീസ് അറസ്റ്റ് ചെയ്തത് എന്ന് ജില്ലാ പോലീസ് മേധാവി യൂ അബ്ദുൽകരീം അറിയിച്ചു
കോവിഡ് 19 പ്രതിരോധ പ്രവർത്തനത്തിന്റെ ഭാഗമായി മാർച്ച് 23 ന് ആരംഭിച്ച നിരോധനാജ്ഞ പതിമൂന്നാം ദിവസത്തിലേക്ക് കടക്കുമ്പോൾ മലപ്പുറം ജില്ലയിൽ പോലീസിൻറെ നേതൃത്വത്തിൽ കർശന പരിശോധനയാണ് തുടരുന്നത്.ഡ്രോൺ അടക്കമുള്ള ഉപകരണങ്ങൾ ഉപയോഗിച്ചാണ് പോലീസ് പരിശോധന തുടരുന്നത് .മുൻ ദിവസങ്ങളേക്കാൾ അപേക്ഷിച്ചു പൊതു ജനങ്ങൾ റോഡിൽ അനാവശ്യമായി ഇറങ്ങുന്നത് കുറഞ്ഞത് പോലീസിന് വലിയ ആശ്വാസമാണ് നൽകുന്നത് എന്നാൽ അത്യാവശ്യങ്ങൾക്ക് തന്നെ റോഡിൽ ഇറങ്ങുന്ന ആളുകൾ പോലീസിന് വലിയ തലവേദനയും സൃഷ്ടിക്കുന്നുണ്ട്.
നിലവിലെ സാഹചര്യത്തിൽ അത്യാവശ്യത്തിന് ആളുകൾ റോഡുകളിൽ ഇറങ്ങുന്നത് കൂടുതലായ സാഹചര്യത്തിൽ വാഹനത്തിൻറെ പേപ്പറും റോഡിൽ ഇറങ്ങുമ്പോൾ പാലിക്കേണ്ട ട്രാഫിക് നിയമങ്ങളും പാലിച്ചാണോ യാത്ര നടത്തുന്ന എന്ന് നോക്കിയാ ശേഷം മാത്രമാണ് കടത്തിവിടുന്നത്.റോഡിൽ എത്തുന്ന മുഴുവൻ വാഹനങ്ങളും തടഞ്ഞുനിർത്തുകയും കാൽനടയായി സഞ്ചരിക്കുന്ന ആളുകളോട് എവിടേക്കാണ് തിരക്കിയതിനുശേഷം മാത്രമേ അവരെയും തുടർ യാത്രയ്ക്ക് അനുവദിക്കുന്നത് .
നിരോധനാജ്ഞ ആരംഭിച്ചതിനു ശേഷം ജില്ലയിൽ 826 കേസുകളിലായി ആയിരം ആളുകളെയും 227 വാഹനങ്ങളും പിടിച്ചെടുത്തതായി ജില്ലാ പോലീസ് മേധാവി അബ്ദുൽ കരീം അറിയിച്ചു. ഗ്രാമീണ മേഖലകളിൽ ട്രോൺ അടക്കമുള്ള ഉപകരണങ്ങൾ ഉപയോഗിച്ചാണ് പരിശോധന നടത്തുന്നത് ഇത്തരം പരിശോധനയിൽ നിരോധനാജ്ഞ ലംഘിച്ച് പുറത്തിറങ്ങുന്ന ധാരാളം പേരെ കണ്ടെത്താൻ പോലീസിന് സാധിച്ചെന്നും ഇവർക്കെതിരെ കർശന നടപടി എടുത്തിട്ടുണ്ടെന്നും ജില്ലാ പോലീസ് മേധാവി അബ്ദുൽകരീം അറിയിച്ചു വരുംദിവസങ്ങളിൽ പരിശോധന കൂടുതൽ ശക്തമാക്കാനാണ് പോലീസിൻറെ തീരുമാനം.
https://www.facebook.com/Malayalivartha