ലോക്ക് ഡൗൺ കാലത്ത് വീട്ടിലിരിക്കാത്തവർക്കെതിരെ കർശന നടപടികളാണ് സ്വീകരിക്കുന്നത്. എന്നാൽ പോലീസിനെപ്പോലും കണ്ണുവെട്ടിച്ച് കറങ്ങിനടക്കുന്നവരെ എങ്ങനെ പിടിക്കും എന്നത് ഇപ്പോൾ വളരെ നിസ്സാരം. കറങ്ങിനടക്കുന്നവരെ പിടിക്കാൻ ഇപ്പോൾ ഡ്രോണുകൾ പോലും എത്തിയിട്ടുണ്ട്. ഇത്തരത്തിലുള്ള മുൻകരുതലുകളെല്ലാം വെട്ടിച്ച് പുറത്തിറങ്ങുന്നവർ ആണെങ്കിലോ..എന്ത് സംഭവിക്കും? അതിനും കെണിയൊരുങ്ങിയിരിക്കുകയാണ്.

ലോക് ഡൗൺ കാലത്ത് വീട്ടിൽ തന്നെ ഇരിക്കണം എന്നതാണല്ലോ. വാഹനവുമായി പുറത്തിറങ്ങി നടന്നാൽ നാട്ടുകാർ മാത്രമല്ല സ്വന്തം ഭാര്യ പോലും ഒരു പക്ഷേ പൊലീസിന് ഒറ്റിക്കൊടുത്തെന്നു വരുമെന്നതിന് തെളിവാണ് ഇപ്പോൾ പുറത്തേക്ക് വരുന്ന വർത്തകൾ വെളിപ്പെടുത്തുന്നത്. ലോക്ഡൗൺ നിയന്ത്രണങ്ങൾ പാലിച്ച് ഭാര്യയ്ക്കൊപ്പമിരിക്കാതെ ഇടയ്ക്ക് മാതാപിതാക്കളുടെ സുഖവിവരങ്ങളന്വേഷിക്കാൻ തറവാട്ടിലേക്കു പോകുന്ന യുവാവിനെതിരെ പൊലീസിനു പരാതി നൽകിയത് അദ്ദേഹത്തിന്റെ ഭാര്യ തന്നെ.

ഇദ്ദേഹം ലോക്ഡൗൺ നിർദേശങ്ങൾ ലംഘിച്ച് എല്ലാ ദിവസവും ബൈക്കിൽ മാതാപിതാക്കളുടെ വീട്ടിലേക്ക് ചുറ്റാനിറങ്ങുന്നതായാണ് ഭാര്യ, ഭർത്താവിനെതിരെ പൊലീസിനു പരാതി നൽകിയത്. ഇദ്ദേഹത്തിന്റെ എന്നാൽ ബൈക്കിന്റെ റജിസ്റ്റർ നമ്പർ ഉൾപ്പെടെയായിരുന്നു പരാതി എസ്ഐയുടെ ഫോണിലേക്ക് എത്തിയത്. തുടർന്ന് പോലീസ് വാഹനത്തിൽ ചുറ്റുന്നയാളുടെ വിവരങ്ങൾ വിശദമായി ചോദിച്ചപ്പോഴാണ് പരാതിക്കാരി ഭാര്യ തന്നെയാണെന്നു പൊലീസിനു മനസ്സിലായത്.

ഇതേതുടർന്ന് പൊലീസ് ഭാര്യയുമായി ഒത്തുതീർപ്പിനു ശ്രമിച്ചെങ്കിലും പരാതി പിൻവലിക്കാൻ അവർ തയാറായില്ല. 'മാതാപിതാക്കളെ കാണാൻ പോകുന്നതു മാത്രമല്ല പ്രശ്നം, ദിവസവുമുള്ള യാത്രയിൽ അയാൾക്ക് രോഗം ബാധിച്ചാൽ ഞാനും അനുഭവിക്കണമല്ലോ' എന്നായിരുന്നു പൊലീസിനോടു ഭാര്യ വ്യക്തമാക്കിയത്. എന്തായാലും തന്നെ ഭർത്താവിനോട് ഇന്ന് പൊലീസ് സ്റ്റേഷനിൽ ഹാജരാകാൻ ആവശ്യപ്പെട്ടിരിക്കുകയാണ് പൊലീസ്.