തീരദേശ പൊലീസ് ഇതര സംസ്ഥാന ബോട്ടുകള്‍ പിടിച്ചെടുത്തു
നീണ്ടകര തുറമുഖത്ത് നിയന്ത്രണം ലംഘിച്ച് എത്തിയ ഇതര സംസ്ഥാന ബോട്ടുകള്‍ തീരദേശ പൊലീസ് പിടികൂടി. ഇന്നലെ പുലര്‍ച്ചെ 2-ന് ആണ് കര്‍ണാടക ഉഡുപ്പി സ്വദേശിയുടെ ഉടമസ്ഥതയിലുള്ള 2 ബോട്ടുകള്‍ നീണ്ടകര അഴിമുഖം കടന്ന് കാവനാട് മുക്കാട് ഭാഗത്തേക്ക് പോകാന്‍ ശ്രമിച്ചത്. അപ്പോള്‍ തീരദേശ പൊലീസ് പിടികൂടുകയായിരുന്നു.
അതിലുണ്ടായിരുന്ന 4 മത്സ്യത്തൊഴിലാളികളെ ഓച്ചിറയിലെ ഐസലേഷന്‍ കേന്ദ്രത്തില്‍ നിരീക്ഷണത്തിലാക്കി. ഒരാള്‍ ശക്തികുളങ്ങര സ്വദേശിയും 3 പേര്‍ പൊഴിയൂര്‍ സ്വദേശികളുമാണ്.
പൊലീസിന്റെ പിടിയിലായി ഐസലേഷന്‍ സെന്ററില്‍ എത്തിപ്പെടാതെ മുക്കാട് ബോട്ട് യാഡില്‍ കഴിയാനാണ് ബോട്ട് രഹസ്യമായി നീണ്ടകര അഴിമുഖം കടത്താന്‍ ശ്രമിച്ചതെന്ന് പൊലീസ് പറഞ്ഞു. സി ഐ എസ്.ഷെരീഫ്, എസ് ഐ മോഹന്‍കുമാര്‍, എ എസ് ഐ സെബാസ്റ്റ്യന്‍ എന്നിവര്‍ അടങ്ങിയ സംഘമാണ് പിടികൂടിയത്.
മംഗലാപുരം തുറമുഖത്ത് മത്സ്യം വില്‍ക്കാന്‍ സാധിക്കാതെ വരികയും പൊഴിയൂരിലെത്തി മത്സ്യം വിറ്റ ശേഷം പൊഴിയൂര്‍ സ്വദേശികളായ കുറെ തൊഴിലാളികളെ അവിടെ ഇറക്കിയ ശേഷമാണ് ബോട്ട് നീണ്ടകരയിലെത്തിച്ചത്.
https://www.facebook.com/Malayalivartha
