ഒരു കൊറോണ രോഗി കൂടി അസുഖം ഭേദമായി ആശുപത്രി വിട്ടു! മലപ്പുറത്തെ ആദ്യത്തെ കൊറോണ രോഗിയുടെ ഫലം നെഗറ്റീവായതോടെ വീണ്ടും കേരളത്തിന് ആശ്വാസം
വീണ്ടും സംസ്ഥാനത്തിന് ആശ്വാസം പകര്ന്ന് ഒരു കൊറോണ രോഗി കൂടി അസുഖം ഭേദമായി ആശുപത്രി വിട്ടു. മലപ്പുറം ജില്ലയില് തന്നെ ആദ്യമായി കൊറോണ സ്ഥിരീകരിച്ച രോഗിക്കാണ് രോഗം ഭേദമായിരിക്കുന്നത്.
വണ്ടൂര് വാണിയമ്ബലം സ്വദേശിയാണ് രോഗം ഭേദമായി ആശുപത്രി വിട്ടത്. മഞ്ചേരി ഗവ മെഡിക്കല് കോളജ് ആശുപത്രിയില് ചികിത്സയിലായിരുന്നു. ഉംറ കഴിഞ്ഞെത്തിയ ഇവര്ക്ക് മാര്ച്ച് 16നാണ് കൊവിഡ് ബാധ സ്ഥിരീകരിച്ചത്. അതേസമയം കേരളത്തിന് പുറത്തുള്ള മലയാളികള്ക്ക് രോഗം പകരുന്നെന്ന വാര്ത്ത സംസ്ഥാനത്തിന് ആശങ്കയാവുകയാണ്.
നിരവധി മലയാളി നഴ്സുമാര്ക്ക് മുംബൈയില് കൊവിഡ് രോഗം സ്ഥിരീകരിച്ചതോടെയാണിത്. സൗത്ത് മുംബൈയിലെ വൊക്കാഡെ ആശുപത്രിയിലാണ് രോഗം കണ്ടെത്തിയിരിക്കുന്നത്. ആശുപത്രിയിലെ ഡോക്ടര്മാര്ക്കും നഴ്സുമാര്ക്കുമാണ് കൂട്ടത്തോടെ കൊവിഡ് 19 സ്ഥിരീകരിച്ചത്. ഡോക്ടര്മാരും നഴ്സുമാരുമായി 53 പേര്ക്കാണ് ആകെ രോഗം സ്ഥിരീകരിച്ചത്.
ഇതില് 46 പേരും മലയാളി നഴ്സുമാരാണ്. ബാക്കിയുള്ളവരില് മൂന്ന് പേര് ഡോക്ടര്മാരാണ്. ഇവരെ തല്ക്കാലം ആശുപത്രിയില്ത്തന്നെ ക്വാറന്റൈന് ചെയ്തിരിക്കുകയാണ്. ഈ ആശുപത്രിയെ കണ്ടെയ്ന്മെന്റ് മേഖല (അടച്ചുപൂട്ടിയ മേഖല) ആയി പ്രഖ്യാപിച്ചിരിക്കുകയാണ്.
https://www.facebook.com/Malayalivartha