പാരസൈറ്റിക് മരുന്നായ ഐവെര്‍മെക്ടിന് കൊറോണയെ തുരത്താന്‍ കഴിവുണ്ടെന്ന് ഗവേഷകര്‍. ഓസ്‌ട്രേലിയയില്‍ നടന്ന ലാബ് പരീക്ഷണത്തിലാണ് ഈ കണ്ടെത്തല്‍. കോശങ്ങളിലെ വൈറസ് വളര്‍ച്ച 48 മണിക്കൂറിനുള്ളില്‍ പൂര്‍ണമായി ഇല്ലാതാക്കാനായെന്നാണ് പരീക്ഷണഫലം തെളിയിച്ചതെന്ന് ഓസ്ട്രേലിയയിലെ മോണാഷ് യൂണിവേഴ്സിറ്റിയിലെ ഗവേഷകന്‍ കൈലി വാഗ്സ്റ്റാഫ് പറയുന്നു.

കൊവിഡ് ചികിത്സയ്ക്ക് ഈ മരുന്ന് ഉപയോഗിക്കുന്നതിനു മുന്‍പ് മനുഷ്യരില്‍ പരീക്ഷിക്കേണ്ടതുണ്ടെന്നും ഗവേഷകര്‍ വ്യക്തമാക്കി.പരക്കെ ഉപയോഗിക്കപ്പെടുന്നതും സുരക്ഷിതവുമായ മരുന്നാണ് ഐവര്‍മെക്ടിന്‍. എന്നാല്‍ മനുഷ്യരില്‍ ഫലപ്രദമാകാന്‍ ഇത് എത്ര ഡോസ് ഉപയോഗിക്കേണ്ടി വരുമെന്നതിനെപ്പറ്റി പഠിക്കേണ്ടതുണ്ടെന്നും പഠനം വ്യക്തമാക്കുന്നു. ആഗോളപകര്‍ച്ചവ്യാധി തടയാന്‍ നിലവില്‍ ഫലപ്രദമായ മരുന്നില്ലാത്ത സാഹചര്യത്തില്‍ നിലനില്‍ ഉപയോഗത്തിലിരിക്കുന്ന മരുന്നിനെ സംബന്ധിച്ച കണ്ടെത്തല്‍ ഉപയോഗപ്രദമാകുമെന്നാണ് ഗവേഷകരുടെ പ്രതീക്ഷ.ഐവര്‍മെക്ടിന്‍ സാര്‍സ് കോവ് 2 വൈറസിനെതിരെ എങ്ങനെയാണ് പ്രവര്‍ത്തിക്കുന്നത് എന്നതു സംബന്ധിച്ച വിവരങ്ങള്‍ ഇതുവരെ ലഭ്യമായിട്ടില്ല. മറ്റു വൈറസുകള്‍ ശരീരത്തെ ആക്രമിക്കുമ്പോള്‍ വൈറസിനെ തുരത്താനുള്ള കോശങ്ങളുടെ ശേഷി ഇല്ലാതാകുന്നത് തടയുകയാണ് ഐവര്‍മെക്ടിന്‍ ചെയ്യുന്നത്. കൊവിഡ് 19 നെതിരെയും ഇങ്ങനെ തന്നെയായിരിക്കും ഈ മരുന്ന് പ്രവര്‍ത്തിക്കുക എന്നാണ് ഗവേഷകരുടെ അനുമാനം. മൃഗങ്ങളിലും മനുഷ്യരിലും നടത്തുന്ന പഠനത്തിന്റെ അടിസ്ഥാനത്തിലായിരിക്കും ഈ മരുന്ന് കൊവിഡ് 19 ചികിത്സയ്ക്ക് സഹായിക്കുമോ എന്ന കാര്യത്തില്‍ ഉറപ്പ് വരിക.

കൊവിഡ് 19 രോഗം പടര്‍ന്നുപിടിക്കാന്‍ തുടങ്ങിയ ഉടന്‍ തന്നെ നോവെല്‍ കോറോണ എന്ന സാര്‍സ് സിഒവി2 വൈറസില്‍ ഇത് പ്രവര്‍ത്തിക്കുന്നുണ്ടോ എന്ന് ഡോ. വാഗ്സ്റ്റാഫും പ്രൊഫസര്‍ ജാന്‍സും പരിശോധിച്ചിരുന്നു. എന്നാല്‍ കൊവിഡിനെ നേരിടാന്‍ ക്‌ലൃാലരശേി ഉപയോഗിക്കുന്നത് പ്രീ-ക്ലിനിക്കല്‍ പരിശോധനയെയും ക്ലിനിക്കല്‍ പരീക്ഷണങ്ങളെയും ആശ്രയിച്ചാണിരിക്കുന്നത്. ഇതുസംബന്ധിച്ച ഗവേഷണം തുടര്‍ന്നുകൊണ്ടുപോകാന്‍ കൂടുതല്‍ സാമ്പത്തികസഹായം ആവശ്യമാണെന്നാണ് ഗവേഷകസംഘം പറയുന്നത്.