ദുബായില് വാഹനാപകടത്തില് ഗുരുതരമായി പരുക്കേറ്റ മലയാളിക്ക് 4 കോടി നഷ്ടപരിഹാരം
ദുബായില് വാഹനാപകടത്തില് ഗുരുതരമായി പരുക്കേറ്റ് ജീവിതം വീല്ചെയറിലായ ചേലക്കര സ്വദേശിക്കു 4.14 കോടി രൂപ നഷ്ടപരിഹാരം നല്കാന് അപ്പീല് കോടതി വിധി. ചേലക്കര പങ്ങാരപ്പിള്ളി തോട്ടത്തില് ഉമ്മറിന്റെ മകന് ലത്തീഫിനാണ് (35) ഇന്ഷുറന്സ് തുക ലഭിക്കുക. ഒന്നേകാല് വര്ഷത്തിന് മുമ്പായിരുന്നു അപകടം.
ദുബായില് കോണ്ക്രീറ്റ് മിക്സിങ് യൂണിറ്റില് സൈറ്റ് ടെക്നീഷ്യനായി ജോലി ചെയ്യുകയായിരുന്ന ലത്തീഫ്് കെട്ടിട നിര്മാണ സ്ഥലത്തേക്കു കോണ്ക്രീറ്റ് നിറച്ച വാഹനത്തില് സഞ്ചരിക്കുമ്പോള് ലോറി മറിഞ്ഞു. ഡ്രൈവര് അലക്ഷ്യമായി വാഹനമോടിച്ചതായിരുന്നു അപകടകാരണം. 2019 ജനുവരി 14-ന് ദുബായിലെ ജബല്അലിക്കു സമീപത്തായിരുന്നു അപകടം.
ഗുരുതരമായി പരുക്കേറ്റ ലത്തീഫിനെ ദുബായിലെ എന്എംസി റോയല് ആശുപത്രിയില് അടിയന്തര ശസ്ത്രക്രിയയ്ക്കു വിധേയനാക്കി. എന്നാല്, സുഷുമ്ന നാഡിയ്ക്ക് തകരാര് ഏറ്റതുമൂലം ശരീരം തളര്ന്ന നിലയിലായി. വെല്ലൂര് മെഡിക്കല് കോളജിലേക്കും പിന്നീടു തിരൂര് സിഎസ്ഐ ആശുപത്രിയിലേക്കും ലത്തീഫിനെ മാറ്റി.
അപകടത്തിനിടയാക്കിയ വാഹനമോടിച്ച ഡ്രൈവര് പിഴയടച്ചു കുറ്റവിമുക്തനായെന്ന വിവരം ലത്തീഫ് അറിയുന്നത് ആശുപത്രിയില് വച്ചാണ്. തുടര്ന്ന് അപ്പീല് നല്കുകയായിരുന്നു.
https://www.facebook.com/Malayalivartha