ബാലരാമപുരം കൈത്തറി തൊഴിലാളികള്‍ മാസ്‌ക് നിര്‍മാണത്തിലേക്ക്; തുടര്‍ച്ചയായി രണ്ടും വര്‍ഷമായി വെള്ളപ്പൊക്കത്തെ തുടര്‍ന്ന് നഷ്ടപ്പെട്ട ഓണക്കാലം കൊറോണക്കാലത്തില്‍ തിരിച്ചു പിടിക്കാനൊരങ്ങി കൈത്തറി തൊഴിലാകള്‍; രാഷ്ട്രീയ പാര്‍ട്ടികള്‍ക്കും വിവിധ സംഘടകള്‍ക്കുമായി വന്‍ തോതില്‍ മാസ്‌ക് നിര്‍മിക്കുന്നു
തുടര്‍ച്ചയായി രണ്ടു വെള്ളപ്പൊക്കാലം കൈത്തറി തൊഴിലാളികളുടെ ഓണക്കാലത്തെ കച്ചവടം ഇല്ലാതാക്കിയിരുന്നു. തുടര്‍ച്ചയായി മൂന്നാമത്തെ വര്‍ഷം കോറോണകൂടി വന്നതോടെ അതീവ ഗുരുതരാവസ്ഥയിലേക്ക് നീങ്ങിയ സാമ്പത്തിക പ്രതിസന്ധിക്ക് ആശ്വാസമാകുകയാണ് മാസ്‌ക് നിര്‍മാണം. ബാലരാമപുരത്തെ കൈത്തറി ഗ്രാമങ്ങളിലെ സ്ത്രീ കൈത്തോഴിലാളികളാണ് മാസ്‌ക് നിര്‍മാണത്തിലൂടെ സാമ്പത്തിക പ്രതിസന്ധി തരണം ചെയ്യാന്‍ ശ്രമിക്കുന്നത്. വന്‍കിട സ്ഥാപനങ്ങളുടെയും ആരോഗ്യ സ്ഥാപനങ്ങളും രാഷ്ട്രീയ പാര്‍ട്ടികളുടെയും മാസ്‌ക് നിര്‍മാണത്തിനായി ലഭിക്കുന്ന വലിയ ഓഡറുകളിലാണ് ഇവരുടെ പ്രതീക്ഷ.
രണ്ടു ദുരന്തകാലം കടന്നു പോയപ്പോള്‍ 400 വര്‍ഷത്തെ പാരമ്പര്യമുള്ള കൈത്തറി മേഖല പ്രതിസന്ധിയിലായിരുന്നു. കോറോണ ഈ വര്‍ഷത്തെ ഓണക്കാല കച്ചവടവുമില്ലാതാക്കുമെന്ന സ്ഥിതിയില്‍ തന്നെയാണ്. ഈ സാഹചര്യത്തിലാണ് ബാലരാപുരത്തെ ഒരു കൂട്ടം സ്ത്രീകള്‍ മാസ്‌ക് നിര്‍മാണത്തിലേക്ക് കടന്ന്. കൈത്തറി മുണ്ടിന്റെ തുണി ഉപയോഗിച്ചാണ് ഇവരുടെ മാസ്‌ക് നിര്‍മാണം. 15 പേരാണ് ഈ കൂട്ടത്തിലുള്ളത്. ഇവര്‍ നിര്‍മിക്കുന്ന മാസ്‌കില്‍ വിവിധ എംബ്ലോയറി വര്‍ക്കും ചെയ്യുന്നുണ്ട് ഇതുതന്നെയാണ് ഈ മാസുകളെ വ്യത്യസ്തമാക്കുന്നത്. ഇതിനൊപ്പം എന്‍ 95 മാസ്‌കുകളുടെ ക്വാളിറ്റി ഉറപ്പാക്കാന്‍ ശ്രദ്ധിക്കുന്നത്. എന്നാല്‍ വിലയുടെ കാര്യത്തില്‍ എന്‍ 95 മാസ്‌കുകളെക്കാള്‍ കുറവാണെന്നതുമാണ് കുടുതല്‍ പേരെ കൈത്തറി മാസ്‌ക്കുകളിലേക്ക് ആകര്‍ഷിക്കുന്നത്.
പഞ്ചായത്തു തെരഞ്ഞെടുപ്പിനായി സംസ്ഥാനം ഒരുങ്ങുകയാണ്. ഈ സാഹചര്യത്തില്‍ വിവിധ രാഷ്ട്രീയ പാര്‍ട്ടികള്‍ തങ്ങളുടെ ചിച്ന്നം പതിപ്പിച്ച മാസ്‌കുകള്‍ നിര്‍മിക്കുന്നതിന് നിരവധി പേര്‍ സംഘത്തെ സമീപിക്കുന്നുണ്ട്. തിരഞ്ഞെടുപ്പ് പ്രചാരണത്തിന് പാര്‍ട്ടി ചിച്‌നങ്ങള്‍ പതിച്ച മാസ്‌കുകള്‍ ഉപയോഗിക്കാന്‍ രാഷ്ട്രീയ പാര്‍ട്ടികള്‍ തയാറെടുക്കുകയാണ്. ഇത്തരം വന്‍കിട ഓഡറുകളിലാണ് ഇവരുടെ പ്രതീക്ഷ. കൂടാതെ വിവിധ സംഘടനകളും അവരുടെ ലോഗോ പതിപ്പിച്ച മാസ്‌കുകള്‍ നിര്‍മിക്കുന്നതിനുവേണ്ടി സംഘത്തെ സമീപിക്കുന്നുണ്ട്. നാലു മീറ്റര്‍ നീളമുള്ള ഒരു മുണ്ട് നിര്‍മ്മിച്ചല്‍ പരമാവധി 500 രൂപയാണ് തെഴിലാളിക്ക് ലഭിക്കുന്ന ഒരു ദിവസത്തെ കൂലി. എന്നാല്‍ നിലവില്‍ നിര്‍മിക്കുന്ന മാസ്‌ക് ഒന്നിന് 60 രൂപ നിരക്കില്‍ വിപണിയില്‍ വില്‍ക്കാനാണ് സംഘം ശ്രമിക്കുന്നത്. പി.എം 2.5 മാസ്‌കിന് 250 രൂപ നിരക്കുള്ളപ്പോള്‍ ഈ വില അധികമാകില്ലെന്നാണ് പദ്ധതിയുടെ കോര്‍ഡിനേറ്ററായ അഭിനീഷ് പറയുന്നത്. നിലവില്‍ 1000 മാസ്‌ക് വച്ച് നിര്‍മിക്കാല്‍ സംഘത്തിന് സാധിക്കുന്നുണ്ട്. കൂടുതല്‍ കൈത്തറി തൊഴിലാളികളെ ഉള്‍പ്പെടുത്തി പദ്ധതി കൂടുതല്‍ വിപൂലികരിക്കാനാനുള്ള തയാറെടുപ്പിലാണെന്നും അദ്ദേഹം പറഞ്ഞു.
https://www.facebook.com/Malayalivartha
