ഇനി എന്ത് ഒത്ത് തീര്പ്പ് എനിക്ക് പറയാനുള്ളതെല്ലാം മാധ്യമങ്ങള്ക്കു മുന്നില് തുറന്ന് പറയുമെന്ന് ബാദുഷ
പ്രൊഡക്ഷന് കണ്ട്രോളര് എന്എം ബാദുഷ 20 ലക്ഷം രൂപ വാങ്ങി തിരിച്ചുനല്കിയില്ല എന്ന നടന് ഹരീഷ് കണാരന്റെ വെളിപ്പെടുത്തല് അടുത്തിടെ വാര്ത്തയായിരുന്നു. വിഷയം സോഷ്യല് മീഡിയയില് ചര്ച്ചയായതിന് പിന്നാലെ ബാദുഷ തന്നെ വിളിച്ചെന്നും പണം സെറ്റില് ആക്കാമെന്ന് അറിയിച്ചതായും ഹരീഷ് പറഞ്ഞു. എന്നാല്, ഇതില് പ്രതികരണവുമായി രംഗത്തെത്തിയിരിക്കുകയാണ് ബാദുഷ.
'ഹരീഷിനെയും ഭാര്യയെയും വിളിച്ചിരുന്നെങ്കിലും കിട്ടിയില്ല. നിര്മലിനെ വിളിച്ച് സംസാരിച്ചു. സെറ്റില് ആക്കാമെന്ന് ഞാന് പറഞ്ഞിട്ടില്ല. ഇത്രയും അപമാനിതനായിട്ട് എന്ത് ഒത്തുതീര്പ്പ്. എനിക്ക് പറയാനുള്ളത് റേച്ചല് സിനിമയുടെ റിലീസിന് ശേഷം മാദ്ധ്യമങ്ങളോട് തുറന്നു പറയും' എന്നാണ് ബാദുഷ ഫേസ്ബുക്കില് കുറിച്ചിരിക്കുന്നത്. ഹരീഷ് സംസാരിക്കുന്നൊരു വീഡിയോയും ബാദുഷ പങ്കുവച്ചിട്ടുണ്ട്. ഇതോടെ വിവാദം വീണ്ടും ശക്തമാകാനുള്ള സാദ്ധ്യത ഏറിയിരിക്കുകയാണ്.
ഫേസ്ബുക്ക് പോസ്റ്റിന്റെ പൂര്ണരൂപം:
ഹരീഷിനെയും അദ്ധേഹത്തിന്റെ ഭാര്യയെയും ഞാന് വിളിച്ചിരുന്നു അവര് ഫോണ് എടുത്തില്ല അന്നു തന്നെ നിര്മ്മലിനെ വിളിച്ചു ഞാന് കാര്യങ്ങള് സംസാരിച്ചു ഞാന് സെറ്റില് ചെയ്യാമെന്ന് പറഞ്ഞിട്ടില്ല ഈ ജനങ്ങളുടെ മുന്നില് ഇത്രക്കും അപമാനിതനാക്കിയിട്ട് ഇനി എന്ത് ഒത്ത് തീര്പ്പ് എനിക്ക് പറയാനുള്ളതെല്ലാം എന്റെ റേച്ചല് സിനിമയുടെ റിലീസിന് ശേഷം മാധ്യമങ്ങള്ക്കു മുന്നില് തുറന്ന് പറയും അത് വരെ എനിക്ക് എതിരെ കൂലി എഴുത്ത് കാരെ കൊണ്ട് ആക്രമിച്ചോളു ഈ അവസ്ഥയില് എന്നോടൊപ്പം കൂടെ നില്ക്കുന്ന എന്റെ എല്ലാ പ്രിയപ്പെട്ടവരോടും ഒരു പാട് നന്ദി.
https://www.facebook.com/Malayalivartha
