അതിർത്തി തർക്കത്തിനൊടുവിൽ.... നെടുപുഴയിൽ കമ്പി വടികൊണ്ടു തലയ്ക്കടിയേറ്റ് കർഷകൻ മരിച്ചു. വടൂക്കര സ്വദേശി സന്തോഷ് (54) ആണ് മരിച്ചത്. കോൾ പാടത്തെ അതിർത്തി തർക്കവുമായി ബന്ധപ്പെട്ട തർക്കത്തിനിടെ അയൽവാസിയായ ഗണേഷ് കമ്പി വടികൊണ്ടു സന്തോഷിന്റെ തലയ്ക്കടിക്കുകയായിരുന്നു.

രണ്ട് ദിവസം മുൻപാണ് കൊലയിലേക്ക് നയിച്ച സംഭവമുണ്ടായത്. വാക്കു തർക്കം രൂക്ഷമാകുന്നതിനിടെ ഗണേഷ് പ്രകോപിതനായി സന്തോഷിനെ ആക്രമിക്കുകയായിരുന്നു. കമ്പി വടികൊണ്ടുള്ള അടിയേറ്റ് തലയ്ക്കു ഗുരുതരമായി പരിക്കേറ്റ സന്തോഷ് രണ്ട് ദിവസമായി തൃശൂരിലെ സ്വകാര്യ ആശുപത്രിയിൽ ചികിത്സയിലായിരുന്നു. ഇന്ന് രാത്രിയോടെ മരണം സ്ഥിരീകരിക്കുകയും ചെയ്തു.

സംഭവത്തിനു പിന്നാലെ സ്ഥലത്തെത്തിയ പൊലീസ് ഗണേഷിനെ കസ്റ്റഡിയിലെടുത്തിരുന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. മരണം സ്ഥിരീകരിച്ചതിനാൽ ഇയാൾക്കെതിരെ കൊലപാതക കുറ്റം ചുമത്തി പൊലീസ് റിപ്പോർട്ട് സമർപ്പിക്കുകയും ചെയ്യും..