റോഡരികില് കൈക്കുഞ്ഞുമായി തന്സീറ കാത്തു നിന്നു നാല് മാസത്തിനു ശേഷം... ഫൈസല് ആംബുലന്സില് ഇരുന്നു കണ്ടുകുഞ്ഞു നൂറയെ...
കോവിഡ് എന്ന മഹാമാരിയെ പ്രതിരോധിക്കാന് സാധ്യമാകുന്ന എല്ലാ വഴികളും തേടുകയാണ് നമ്മുടെ ആരോഗ്യ പ്രവര്ത്തകര്. വലിപ്പച്ചെറുപ്പങ്ങളില്ലാതെ , എല്ലാവരും ഒരേ മനസോടെയാണ് പ്രതിരോധ പ്രവര്ത്തനങ്ങളില് പങ്കാളികളാകുന്നത്. അതുകൊണ്ടു തന്നെ ആരോഗ്യ പ്രവര്ത്തകര് പലര്ക്കും തങ്ങളുടെ പ്രിയപെട്ടവരോടൊപ്പമുള്ള നിമിഷങ്ങള് കുറച്ചു നാളുകളെങ്കിലും അന്യമായി മാറിയിരിക്കുകയാണ് . പ്രിയപെട്ടവരോടൊപ്പം ചെലവഴിക്കേണ്ട നിമിഷങ്ങള് പോലും ആശുപത്രികളിലെ കോവിഡ് വാര്ഡുകളിലാണ് ആരോഗ്യപ്രവര്ത്തകര് ചെലവഴിക്കുന്നത്. തങ്ങളുടെ കുടുംബത്തോടൊപ്പമുള്ള ചെറിയ നിമിഷം പോലും വലിയ വര്ത്തയാകുകയും ചെയ്യുന്നതും അതുകൊണ്ടാണ് ആലപ്പുഴയില് നിന്നുള്ള ഈ രംഗവും സമാനമാണ് .
ഒരു വയസ്സു മാത്രം പ്രായമുള്ള മകളെ അകലെ നിന്നു കാണാന് ആംബുലന്സ് ഒതുക്കിയതാണു ഫൈസല്. ഭാര്യ തന്സില റോഡിന്റെ മറുവശം നിന്നു കുഞ്ഞു നൂറയെ ഭര്ത്താവിനു കാണിച്ചു. മാസങ്ങള്ക്കു ശേഷം കുഞ്ഞിനെ ഒരുനോക്കു കണ്ട സന്തോഷത്തില് ഫൈസല് കബീര് ആംബുലന്സുമായി മുന്നോട്ടു പാഞ്ഞു. ഈ ദൃശ്യങ്ങള് ഒരു ബന്ധു പകര്ത്തി പ്രചരിപ്പിച്ചതോടെ ആംബുലന്സ് ഡ്രൈവര്മാരുടെ സേവനത്തിനു നിറഞ്ഞ കയ്യടികളാണ്
കോതമംഗലം താലൂക്ക് ആശുപത്രി കേന്ദ്രീകരിച്ച് സര്വീസ് നടത്തുന്ന 108 ആംബുലന്സിന്റെ ഡ്രൈവര് കായംകുളം പുള്ളിക്കണക്ക് പുളിമൂട്ടില് ഫൈസല് മന്സിലില് ഫൈസല് കബീര് (29) ആണ് കോവിഡ് ഡ്യൂട്ടിക്കിടയില് സ്വന്തം കുഞ്ഞിനെ ദേശീയപാതയുടെ അപ്പുറമിപ്പുറം നിന്ന് കണ്ടു മടങ്ങിയത്. 9 മാസമായി എറണാകുളത്ത് 108 ആംബുലന്സില് ജോലി ചെയ്യുന്ന ഫൈസല് 4 മാസമായി കോവിഡ് ഡ്യൂട്ടി കാരണം ഭാര്യയെയും കുഞ്ഞിനെയും കാണാന് പോയിരുന്നില്ല. ഭാര്യയും കുഞ്ഞും അമ്പലപ്പുഴയിലെ വീട്ടിലായിരുന്നു.
3ന് രാത്രിയാണ് ഫൈസല് പെരുമ്പാവൂരില് നിന്ന് രക്തസാംപിളുകള് പരിശോധനയ്ക്കു നല്കാന് തിരുവനന്തപുരം രാജീവ് ഗാന്ധി സെന്റര് ഫോര് ബയോ ടെക്നോളജിയില് പോയത്. അന്നുതന്നെ തിരികെ മടങ്ങിയെങ്കിലും കുഞ്ഞിനെ കാണണമെന്ന ആഗ്രഹത്തില് രാത്രി കായംകുളത്ത് റോഡരികില് വാഹനം നിര്ത്തിയിട്ട് ഉറങ്ങി. പുലര്ച്ചെ അമ്പലപ്പുഴയിലെത്തുമെന്നു അറിയിച്ചിരുന്നതിനാല് തന്സില കുഞ്ഞിനെയും കൊണ്ട് റോഡരികില് കാത്തുനിന്നു. ഏഴു മണിയോടെ ഫൈസല് അവിടെയെത്തി കുഞ്ഞിനെ അകലെ നിന്നു കാണുകയായിരുന്നു.
ഓരോ നിമിഷവും ആദരവ് അര്ഹിക്കുന്ന പ്രവര്ത്തനമാണ് നമ്മുടെ ആരോഗ്യമേഖലയിലെ ജീവനക്കാ രെല്ലാവരും കാഴ്ച വെക്കുന്നത്. ഒരേ മനസോടെ കോവിഡ് എന്ന മഹാമാരിയെ ചെറുക്കന് തങ്ങളാലാകും വിധം പ്രതിരോധം തീര്ക്കുകയാണ് അവര്.
"
https://www.facebook.com/Malayalivartha