കൊറോണയെ ഓടിക്കാന് കൂട്ടായ ശ്രമം വേണം... സൂപ്പര് സ്പ്രെഡ് എന്നത് സമൂഹ വ്യാപനത്തിന്റെ തൊട്ടുമുമ്ബുള്ള അവസ്ഥയാണ്; സാമൂഹികവ്യാപനത്തിലേക്ക് പോകാതെ പിടിച്ചുനിര്ത്താന് കഴിയണം
പ്രതിദിന കൊവിഡ് കേസുകള് നാനൂറിലേറെ റിപ്പോര്ട്ട് ചെയ്യുന്ന പശ്ചാത്തലത്തില് സംസ്ഥാനത്ത് ഇനിയുള്ളത് സാമൂഹിക വ്യാപനത്തിന്റെ ഘട്ടമാണെന്നും പ്രതിരോധത്തിന് കൂട്ടായ ശ്രമം വേണമെന്നും മുഖ്യമന്ത്രി പിണറായി വിജയന്. സംസ്ഥാനം അതീവ ഗൗരവമായ സാഹചര്യത്തിലേക്കാണ് നീങ്ങുന്നത്. സൂപ്പര് സ്പ്രെഡ് എന്നത് സമൂഹ വ്യാപനത്തിന്റെ തൊട്ടുമുമ്ബുള്ള അവസ്ഥയാണ്. ഇനി വരാനിരിക്കുന്ന സമൂഹ വ്യാപനമാണ്. അതിലേക്ക് പോകാതെ പിടിച്ചു നിര്ത്താന് കഴിയണമെന്ന് മുഖ്യമന്ത്രി പറഞ്ഞു. ഇതിനായിയെല്ലാവരും സഹകരിക്കണമെന്നും മുഖ്യമന്ത്രി പറഞ്ഞു.
സുരക്ഷാ മുന് കരുതലുകളില് വീഴ്ച പാടില്ലെന്ന് മുഖ്യമന്ത്രി നിര്ദ്ദേശിച്ചു. എന്തിന്റെ പേരിലായാലും സമരങ്ങള് അനുവദിക്കാനാവില്ലെന്നും കൊവിഡ് നിയന്ത്രണങ്ങള് ലംഘിച്ചുള്ള സമരം കുറ്റകരമാണെന്നും അദ്ദേഹം കൂട്ടിച്ചേര്ത്തു. സമ്ബര്ക്കത്തിലൂടെ രോഗം ബാധിക്കുന്നവരുടെ എണ്ണം കൂടുകയാണ്. ഈ സാഹചര്യത്തില് ബ്രേക്ക് ദി ചെയ്ന് ക്യാംപെയ്ന് ശക്തമായി മുന്നോട്ട് പോകണം. സാമൂഹിക അകലം കര്ശനമായി പാലിക്കണം. കൈകള് ഇടക്കിടെ സോപ്പുപയോഗിച്ച് ശുചിയാക്കണം. പൊതു ഇടങ്ങളില് മാസ്ക് ഉപയോഗം പ്രധാനപ്പെട്ടത്. രോഗം ഒരാളില് നിന്ന് പകരാതിരിക്കാന് മാസ്ക് സഹായിക്കുന്നു. കൊവിഡ് ബാധിതനായ ഒരാളും മറ്റൊരു വ്യക്തിയും മാസ്കില്ലാതെ അടുത്തടുത്ത് വന്നാല് രോഗം പകരാന് സാധ്യത കൂടും. രണ്ടാളുകളും മാസ്ക് ധരിച്ചാല് രോഗം പകരാനുള്ള സാധ്യത കുറയും. പൊതു സ്ഥലങ്ങളില് മാസ്കുകള് നിര്ബന്ധമായും എല്ലാവരും ധരിക്കണം. മാസ്ക് ധരിച്ചത് കൊണ്ട് എല്ലാമാകില്ല. ശാരീരിക അകലം പാലിച്ചില്ലെങ്കില് മാസ്ക് ധരിച്ചത് കൊണ്ട് മാത്രം കാര്യമില്ലെന്നും മുഖ്യമന്ത്രി പറഞ്ഞു.
കോവിഡ് പ്രതിരോധത്തെ തകര്ക്കാനുളള ശ്രമങ്ങള് ഉണ്ടാകുന്നതിനെ കുറിച്ച് കഴിഞ്ഞ ദിവസം പറഞ്ഞിരുന്നു. അതിന്റെ പ്രത്യാഘാതം വലുതായിരിക്കും എന്ന് സൂചിപ്പിക്കുകയും ചെയ്തിരുന്നു. എന്നാല് ഇന്നും ചില കേന്ദ്രങ്ങളില് സുരക്ഷാ മുന്കരുതലുകളേയും നിയന്ത്രണങ്ങളേയും കൂട്ടാക്കാതെ സമരങ്ങള് സംഘടിപ്പിക്കുന്നത് കണ്ടുവെന്നും ഇത് എന്തിന്റെ പേരിലായാലും അനുവദിക്കാനാകില്ലെന്നും മുഖ്യമന്ത്രി പറഞ്ഞു. പ്രകൃതി ദുരന്തങ്ങളും മറ്റും വന്നപ്പോള് മറ്റെല്ലാം മാറ്റിവെച്ച് പ്രതിരോധത്തിന് ഒന്നിച്ചിറങ്ങിയ നാടാണ് ഇത്. കോവിഡ് പ്രോട്ടോക്കോള് ലംഘിച്ച് നടത്തുന്ന സമരങ്ങളെ പ്രോത്സാഹിപ്പിക്കുന്നതും നേതൃത്വം നല്കുന്നതും കുറ്റകരമാണ് എന്ന് ബന്ധപ്പെട്ടവരെ ഒരിക്കല്ക്കൂടി ഓര്മിപ്പിക്കുന്നു.
സമരങ്ങളെ സര്ക്കാര് നേരിടുക എന്നതിനേക്കാളുപരിയായി ഇത്തരം സമരങ്ങള് നടത്തുന്നവര് നാടിന്റെ അവസ്ഥയെ കണക്കിലെടുത്ത് ഒരു തീരുമാനം കൈക്കൊള്ളാന് തയ്യാറാകണമെന്നും അതാണ് ഏറ്റവും പ്രധാനമെന്നും മുഖ്യമന്ത്രി പറഞ്ഞു. സമരങ്ങളെ സര്ക്കാര് എങ്ങനെ നേരിടാനാണ് ഉദ്ദേശിക്കുന്നത് എന്ന ചോദ്യത്തോട് പ്രതികരിക്കുകയായിരുന്നു അദ്ദേഹം. സമരം ചെയ്യാനുളള ആരുടെയും അവകാശത്തെ ആരും ചോദ്യംചെയ്യുന്നില്ലെന്ന് നേരത്തേതന്നെ വ്യക്തമാക്കിയിട്ടുള്ളതാണ്. മഹാമാരി നമ്മളെ ആക്രമിക്കാന് നില്ക്കുകയാണ്. സൗകര്യങ്ങളുളള, ആരോഗ്യ രംഗം മെച്ചപ്പെട്ട വികസിത രാഷ്ട്രങ്ങളില് പോലും വ്യാപനം ഉണ്ടായപ്പോള് സംഭവിച്ചത് നാം കണ്ടതാണ്. അവിടെ സംഭവിച്ചതിന്റെ ചെറിയൊരു ഭാഗം നമ്മുടെ നാട്ടില് സംഭവിച്ചാല് എന്തായിരിക്കും സംഭവിക്കുക എന്ന് നാം ചിന്തിക്കണം. മുഖ്യമന്ത്രി പറഞ്ഞു.
https://www.facebook.com/Malayalivartha
