തിരുവനന്തപുരം ജില്ലയില്‍ അഞ്ചുതെങ്ങ് ലാർജ് കോവിഡ് ക്ലസ്റ്ററിൽ തീവ്രരോഗവ്യാപനം. ആറിടങ്ങളിൽ ആയി 444 പേരെ പരിശോധനയ്ക്ക് വിധേയരാക്കിയപ്പോൾ 104 പേർക്കാണ് രോഗം സ്ഥിരീകരിച്ചത്..ചൊവ്വാഴ്ച അഞ്ചു തെങ്ങിൽ നടത്തിയ പരിശോധനയിൽ 50 ൽ 32 പേർക്ക് പോസിറ്റീവ് ആയിരുന്നു.

ബുധനാഴ്ച 50 പേരെ പരിശോധിച്ചപ്പോൾ 16 പേർക്കു രോഗം സ്ഥിരീകരിച്ചു. ഇതേ തുടർന്നാണു കൂടുതൽ പരിശോധന നടത്താനുള്ള തീരുമാനം എടുത്തത്. ഏകദേശം 25,000 ആളുകൾ തിങ്ങിപ്പാർക്കുന്ന ഒരു തീരദേശ പഞ്ചായത്താണ് അഞ്ചുതെങ്ങ്.

നിലവിൽ ലാർജ് ക്ലസ്റ്ററായി പ്രഖ്യാപിച്ചിട്ടുള്ള ഇടമാണ് അഞ്ചുതെങ്ങ്. എന്നിട്ടും അഞ്ചുതെങ്ങിൽ പരിശോധനയുടെ എണ്ണം വളരെ കുറവാണ്. കഴിഞ്ഞ ദിവസം അഞ്ചുതെങ്ങിൽ രണ്ടു പേർ കോവിഡ് ബാധിച്ചു മരിച്ചു.

ജൂഡി ഇഗ്നേഷ്യസ്, പോൾ ജോസഫ് എന്നിവരാണു മരിച്ചത്. മരണശേഷം നടത്തിയ പരിശോധനയിലാണ് ഇവർക്ക് രോഗം സ്ഥിരീകരിച്ചത്. ഇതിന് പിന്നാലെയാണ് മേഖലയിൽ പരിശോധനകളുടെ എണ്ണം കൂട്ടാൻ തീരുമാനിച്ചത്

നേരത്തേ രോഗികൾ കൂടുതൽ ഉണ്ടായിരുന്ന ഇടങ്ങളിൽ ഇപ്പോൾ രോഗികളുടെ എണ്ണം കുറഞ്ഞിട്ടുണ്ട്..​പൂ​ന്തു​റ,​ ​വി​ഴി​ഞ്ഞം​ ​എ​ന്നീ​ ​സ്ഥ​ല​ങ്ങ​ളി​ൽ​ ​രോ​ഗ​വ്യാ​പ​ന​ ​സാ​ദ്ധ്യ​ത​ ​കു​റ​യു​ന്നു​ണ്ട് .