കുഞ്ഞുങ്ങളുടെ ഓൺലൈൻ ജീവിതത്തെ കുറിച്ച് വല്ലാതെ ആശങ്കപ്പെടുന്ന ഒരു സാധാരണ കുടുംബത്തെ സംബന്ധിച്ചടത്തോളം ദിവസേനെ വരുന്ന വാർത്തകൾ പോലും അവരുടെ ഭയം വർധിപ്പിക്കുന്നതാണ്. സ്വത്തിന് വേണ്ടി അനിയത്തിക്ക് വിഷം കൊടുക്കുന്ന സഹോദരനും ആ വാർത്തകളുടെ നെഞ്ചിടിപ്പ് കൂട്ടുന്നു. നാട്ടിലെ തിന്മകൾ വീട്ടിലുമെത്തിയെന്ന തിരിച്ചറിവ് ...

ഓൺലൈനിലാണ് ഇന്ന് കുഞ്ഞുങ്ങൾ ജീവിക്കുന്നത്. സ്മാർട്ട് ഫോണും ലാപ് ടോപ്പും നൽകാതെ കാത്തു സൂക്ഷിച്ച ബാല്യങ്ങൾ ഇന്ന് മുഴുവൻ സമയവും ഓൺലൈനിലാണ്. അങ്ങനെയൊരു ലോകത്ത് വീട്ടിലെ ജനാലയെ പോലും ഒരമ്മ ഭയന്നാലോ? അതാണ് ജാലകം എന്ന ഷോർട്ട് ഫിലിം പറയുന്നത്.

മാർ ഇവാനിയോസ് കോളേജിലെ ജേർണലിസം വിദ്യാർത്ഥികളായ ദേവാനന്ദ് ദേവയും എം. അരവിന്ദും ചേർന്ന് സംവിധാനം ചെയ്ത ജാലകത്തിന്റെ തിരക്കഥ ജോയ് തമലം നിർവഹിച്ചിരിക്കുന്നു. ഡോ. ശ്രീജ അമ്മയായും സാരംഗ കുട്ടിയായും അഭിനയിച്ചു. ജാലകത്തിന്റെ ക്യാമറക്ക് പിന്നിലുള്ളവർ എല്ലാം വിദ്യാർത്ഥികളാണ്. പശ്ചാത്തല സംഗീതം നിർവഹിച്ചത് ആറാം ക്ലാസ് വിദ്യാർത്ഥിയായ അഭിനന്ദ് എം.