രാജ്യത്ത് ആദ്യമായി സഹകരണ മേഖലയുടെ കീഴിൽ യാത്രാ വിമാന സർവീസ് ആരംഭിക്കാനായി സംസ്ഥാന സർക്കാർ അനുമതി നൽകി. കേരള സിവിൽ ഏവിയേഷൻ ഡെവലപ്‌മെന്റ് കോ-ഓപ്പറേറ്റീവ് സൊസൈറ്റിക്കാണ് ഇതിനായുള്ള അനുമതി നൽകിയതെന്ന് മുഖ്യമന്ത്രി വിഡി സതീശൻ . കോഴിക്കോട് കാലിക്കറ്റ് സിറ്റി സർവീസ് കോ-ഓപ്പറേറ്റീവ് സൊസൈറ്റിയുടെ രജത ജൂബിലി ആഘോഷങ്ങൾ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

എംവിആർ കാൻസർ സെന്റർ ചെയർമാൻ സി.എൻ. വിജയകൃഷ്ണന്റെ നേതൃത്വത്തിലാണ് പുതിയ ഏവിയേഷൻ സംരംഭം യാഥാർത്ഥ്യമാകുന്നത്.
എയർ ഇന്ത്യ, ഇൻഡിഗോ തുടങ്ങിയ പ്രമുഖ വിമാനക്കമ്പനികളുടെ മാതൃകയിൽ സഹകരണ മേഖലയിൽ നിന്ന് ഒരു വിമാന സർവീസ് ആരംഭിക്കുക എന്ന വലിയ സ്വപ്നത്തിനാണ് അനുമതി ലഭിച്ചിരിക്കുന്നത്.

ലോകത്തിന് മുന്നിൽ കേരളത്തിലെ സഹകരണ പ്രസ്ഥാനത്തിന്റെ യഥാർത്ഥ കരുത്തും മുന്നേറ്റവും അടയാളപ്പെടുത്തുന്ന ചരിത്രപരമായ പദ്ധതിയായി ഇത് മാറുമെന്നും മുഖ്യമന്ത്രി . ഗ്രാമ-നഗര സമ്പദ്‌വ്യവസ്ഥയുടെ നട്ടെല്ലാണ് സഹകരണ മേഖല. ജനങ്ങളുടെ ക്ഷേമത്തിനായുള്ള ജീവകാരുണ്യ പ്രവർത്തനങ്ങളിലും ബഹുമുഖ വികസന സംരംഭങ്ങളിലും സൊസൈറ്റികൾ നടത്തുന്ന മുന്നേറ്റം നാടിന്റെ പുരോഗതിയുടെ സൂചനയാണെന്നും അദ്ദേഹം കൂട്ടിച്ചേർക്കുകയും ചെയതു.

സഹകരണ സ്ഥാപനങ്ങളിൽ പൊതുജനങ്ങൾ നടത്തുന്ന എല്ലാ നിക്ഷേപങ്ങൾക്കും സർക്കാർ പൂർണ്ണ ഗ്യാരണ്ടി നൽകുന്നതാണ്. ദേശസാൽകൃത-ഷെഡ്യൂൾഡ് ബാങ്കുകളിൽ പണം നിക്ഷേപിക്കുന്ന ഇടപാടുകാർക്ക് ലഭിക്കുന്ന അതേ സുരക്ഷിതത്വവും ഉറപ്പും സഹകരണ ബാങ്കുകളിലെ നിക്ഷേപകർക്കും ഉറപ്പുവരുത്തുമെന്നും വ്യക്തമാക്കി മുഖ്യമന്ത്രി.