എന്നാലും മന്ത്രിക്ക് എങ്ങനെ വരുമെന്ന് ആരെങ്കിലും കരുതിയോ ,ഇടത്തു നിന്നായാലും വലത്തു നിന്നായാലും പണി വരുന്നത് പിണറായിക്കു നേർക്കാണ് .സംസ്ഥാന മുഖ്യൻ അല്ലെ ,എല്ലാം അനുഭവിച്ചേ മതിയാവുകയുള്ളു എന്നായിരിക്കും. കേരളത്തിൽ നടക്കുന്ന കമ്മീഷൻ തട്ടിപ്പുകളെ കുറിച്ച് മുഖ്യന് ഒന്നും അറിയില്ല .മന്ത്രിസഭയിലെ ഉന്നതവിദ്യാഭ്യാസ മന്ത്രിയുടെ രഹസ്യ സന്ദർശനവും മനസിലാക്കാൻ കഴിഞ്ഞില്ല. എല്ലാം സ്വാഭാവികം തന്നെ ,തിരക്കുള്ള ആളല്ലേ.

പക്ഷെ ഒരു സംശയം പ്രോട്ടോക്കോൾ ഓഫീസറുടെ ഈ മറുപടി മന്ത്രിസഭയ്ക്ക് ദോഷമല്ലേ. സത്യത്തിൽ ശിവശങ്കറിന്റെ മാത്രം എടുത്തു കളഞ്ഞാൽ എല്ലാം കെട്ടടങ്ങും എന്ന് കരുതിയ പിണറായിക്ക് അടിപതറിയിരിക്കുന്നതു ഇവിടെയാണ്. മന്ത്രി ജലീൽ നടത്തിയ സി ആപ്റ്റിലെ ഇടപാടിനെക്കുറിച്ച് ഇതുവരെയും ഒരു വ്യക്തതയും വന്നിട്ടില്ല എന്ന് കരുതി ആശ്വസിക്കാൻ വരട്ടെ ,തെളിവുകൾ ഒന്നൊന്നായി കുടഞ്ഞെടുക്കാനാണ് എൻ ഐ എ വീണ്ടും വരുന്നത്. ഉന്നത ഉദ്യോഗസ്ഥരുമായുള്ള രഹസ്യ ഇടപാടുകൾ ചട്ടലംഘനം നടത്തിയാണ് ചെയ്തതെന്നാണ് വിദേശ മന്ത്രലയത്തിനു അയച്ച റിപ്പോർട്ടിൽ പറയുന്നത് .ഇത് മന്ത്രിയുടെ മേൽ വീണിരിക്കുന്ന ഏറ്റവും വലിയ ആരോപണമാണ് .താൻ മതഗ്രന്ഥം വിതരണം ചെയ്തത് തെറ്റാണെങ്കിൽ തൂക്കികൊല്ലട്ടെ എന്ന് പറഞ്ഞു ആണയിടാൻ കഴിയില്ല. അതിനു പല കാരണങ്ങളും അന്വേഷണ ഉദ്യോഗസ്ഥരോട് നേരിട്ട് ബോധ്യപ്പെടുത്തേണ്ടി വരും എന്ന് തന്നെയാണ് വ്യക്തമാവുന്നത്. കോൺസുലേറ്റുമായുള്ള ബന്ധത്തെക്കുറിച്ചു കൂടുതൽ വ്യക്തത വരുത്താൻ വരുംദിവസങ്ങളിൽ ജലീലിന്റെ മൊഴി രേഖപ്പെടുത്താനും സാധ്യതയുണ്ട്. ഉൾപ്പെടെയുള്ള പാഴ്സലുകൾ കോൺസുലേറ്റിലെത്തിയ തീയതികളിലെ സിസിടിവി ദൃശ്യങ്ങൾ കസ്റ്റംസ് ആവശ്യപ്പെട്ടെങ്കിലും കോൺസുലേറ്റിലെ ഉദ്യോഗസ്ഥർ പ്രതികരിച്ചിട്ടില്ല. സംസ്ഥാന മന്ത്രിസഭയിൽ ഒരംഗമായ ജലീൽ നിരവധി തവണ പ്രോട്ടോകോൾ ഓഫീസറുടെ കണ്ണുവെട്ടിച്ചതാണ് ഏറ്റവും വലിയ ഗുലുമാലായിരിക്കുന്നത്. അനധികൃധമായി കോൺസുലേറ്റിൽ ബന്ധം സ്ഥാപിച്ചതും വിദേശ മന്ത്രലയത്തിന്റെ ശ്രദ്ധയിൽ പെടുത്താതെ തരത്തിൽ അദ്ദേഹം നടത്തിയ ഇടപാടുകളും അന്വേഷണ സംഘത്തിന് സംശയത്തിന്റെ വഴിയൊരുക്കുകയാണ്. ഇടിവെട്ടിയവനെ പാമ്പ്ക ടിച്ച അവസ്ഥയാണ് ജലീലിനുള്ളത് .സ്വകാര്യ ഇടപാടുകളെ മറയ്ക്കാൻ വേണ്ടിയുള്ള നുണപ്രചാരണമാണ് മതഗ്രധവിതരണമെന്നും അതുപോലും ചട്ടവിരുദ്ധമാണെന്നുമാണ് പ്രതിപക്ഷം ആരോപിക്കുന്നത്.

നയതന്ത്ര പാഴ്സൽ എത്തിയതുമായി ബന്ധപ്പെട്ട് മന്ത്രി കെ.ടി. ജലീലിന് കുരുക്ക് മുറുകുന്നു എന്നാണ് ഇപ്പോൾ വ്യക്തമാകുന്നത്. രണ്ടുവര്‍ഷമായി നയതന്ത്ര പാഴ്സലുകള്‍ക്ക് അനുമതി നല്‍കിയിട്ടില്ലെന്ന് സംസ്ഥാന സര്‍ക്കാരിന്റെ പ്രോട്ടോകോള്‍ ഓഫീസര്‍ ബി. സുനില്‍കുമാര്‍ കസ്റ്റംസിന് മറുപടി നല്‍കിയത് മന്ത്രിക്ക് തിരിച്ചടി ആയിരിക്കുകയാണ്. പ്രോട്ടോക്കോളിനു പുല്ലുവില കല്പിച്ചു ചട്ടങ്ങള്‍ ലംഘിച്ച് തന്നെയാണ് ജലീല്‍ ഇടപെടൽ നടത്തിയതെന്ന് വ്യക്തമായിരിക്കുകയാണ് .സംസ്ഥാനത്ത് വരുന്ന നയതന്ത്ര പാഴ്സലുകൾക്ക് അനുമതി നൽകുന്നത് പ്രോട്ടോകോൾ ഓഫീസറാണ്. ഇദ്ദേഹത്തിന്റെ സമ്മതപത്രം ഹാജരാക്കിയാൽ മാത്രമെ പാഴ്സൽ വിട്ടുനൽകൂ.

പാഴ്സൽ വിട്ടു നൽകിയതായി അറിയിച്ച് പ്രോട്ടോകോൾ ഓഫീസർക്കും കത്തു നൽകും ,എന്നാൽ അത്തരം നടപടികൾ ഉണ്ടായില്ല. എൻഐഎയ്ക്ക് ഉടൻ തന്നെ മറുപടി നൽകുമെന്നാണ് പ്രോട്ടോകോൾ ഓഫീസർ ഇപ്പോൾ അറിയിച്ചിരിക്കുന്നത്. യുഎഇ കോൺസുലേറ്റുമായി മന്ത്രി കെ.ടി. ജലീൽ പല കാര്യങ്ങൾക്കും ബന്ധപ്പെട്ടതു പ്രോട്ടോകോൾ ലംഘിച്ചാണെന്ന് അന്വേഷണ ഏജൻസികൾ വിദേശകാര്യ മന്ത്രാലയത്തിനു നേരത്തെ തന്നെ റിപ്പോർട്ടു നൽകിയിരുന്നു. മന്ത്രിമാർ നേരിട്ടു വിദേശ രാജ്യങ്ങളുടെ ഓഫിസുമായി ബന്ധപ്പെടരുതെന്ന നിർദേശം ലംഘിച്ച ജലീൽ 2018നുശേഷം നിരവധി സ്വകാര്യ സന്ദർശനങ്ങൾ യുഎഇ കോൺസുലേറ്റിൽ നടത്തിയെന്നാണു റിപ്പോർട്ടിൽ പറയുന്നത്. ചട്ടലംഘനം സംബന്ധിച്ച കാര്യങ്ങളിൽ നടപടിയെടുക്കേണ്ടതു വിദേശകാര്യ മന്ത്രാലയമാണ്.നയതന്ത്ര ബാഗേജിലൂടെ മതഗ്രന്ഥങ്ങൾ കൊണ്ടുവരരുതെന്ന നിയമം ലംഘിച്ചതിനൊപ്പം സർക്കാർ സ്ഥാപനത്തിന്റെ വാഹനത്തിൽ അതു വിതരണം ചെയ്തതും ഗുരുതരമായ വീഴ്ചയാണെന്നു തന്നെയാണ് റിപ്പോർട്ടിൽ പറയുന്നത്. സംസ്ഥാന പ്രോട്ടോകോൾ ഓഫിസറെ ഒഴിവാക്കിയാണ് ജലീൽ യുഎഇ കോൺസുലേറ്റുമായി ബന്ധം സ്ഥാപിച്ചതെന്ന് അന്വേഷണത്തിൽ വ്യക്തമായിട്ടുണ്ട്.മന്ത്രിസഭയിൽ നിന്നും ജലീലിനെ പുറത്താക്കുമോ അതോ ആ ഭാരം കൂടി മുഖ്യമന്ത്രി ചുമക്കുമോ എന്ന് കാത്തിരുന്ന് കാണാം .