രാജ്യത്തെ മികച്ച 25 വിദ്യാഭ്യാസ സ്ഥാപനങ്ങളുടെ ആര്യ റാങ്കിങ്ങില്‍ മഹാത്മാഗാന്ധി സര്‍വകലാശാല
കേന്ദ്ര മാനവവിഭവശേഷി മന്ത്രാലയവും ഓള്‍ കൗണ്‍സില്‍ ഫോര്‍ ടെക്നിക്കല്‍ എഡ്യൂക്കേഷനും തയാറാക്കിയ ആര്യ റാങ്കിങ്ങില്‍ (അടല്‍ റാങ്കിങ് ഓഫ് ഇന്‍സ്റ്റിറ്റിയൂഷന്‍സ് ഓണ്‍ ഇന്നൊവേഷന്‍ അച്ചീവ്മെന്റ്സ്) സര്‍ക്കാര്‍- സര്‍ക്കാര്‍ എയ്ഡഡ് സര്‍വകലാശാലകളുടെ ഗണത്തില്‍ ആദ്യ 25 റാങ്കിനുള്ളില്‍ എം.ജി. സര്‍വകലാശാല ഇടംനേടി.
രാജ്യത്ത് നൂതനാശയങ്ങളും കണ്ടുപിടിത്തവും സംരംഭകത്വവും വളര്‍ത്തുന്ന മികച്ച 25 വിദ്യാഭ്യാസസ്ഥാപനങ്ങളുടെ പട്ടികയിലാണ് മഹാത്മാഗാന്ധി സര്‍വകലാശാല സ്ഥാനംപിടിച്ചത്. ഈ പട്ടികയിലുള്ള സംസ്ഥാനത്തെ ഏക സര്‍വകലാശാലയാണ് എം.ജി.
കേരളത്തില്‍നിന്നും കോഴിക്കോട് നാഷണല്‍ ഇന്‍സ്റ്റിറ്റ്യൂട്ട് ഓഫ് ടെക്നോളജി ദേശീയ പ്രാധാന്യമുള്ള സ്ഥാപനങ്ങളുടെ ഗണത്തില്‍ എട്ടാം റാങ്ക് കരസ്ഥമാക്കി. കോഴിക്കോട് ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് മാനേജ്മെന്റ്, തിരുവനന്തപുരം ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് സ്പേസ് സയന്‍സ് ആന്‍ഡ് ടെക്നോളജി എന്നിവയും ആദ്യ 25 റാങ്കിനുള്ളിലെത്തി.
പൊതുധനം ചെലവഴിക്കുന്ന സ്ഥാപനങ്ങള്‍, സ്വകാര്യ, സെല്‍ഫ് ഫിനാന്‍സിങ് സ്ഥാപനങ്ങള്‍ എന്നിങ്ങനെ വേര്‍തിരിച്ചാണു റാങ്കിങ് നടത്തിയത്. കോളജ് വിദ്യാഭ്യാസ സ്ഥാപന വിഭാഗത്തില്‍ കേരളത്തില്‍നിന്നു ശ്രീനാരായണ കോളജ് ആദ്യ 25 റാങ്കിനുള്ളില്‍ ഇടംനേടി. വിവിധ ഗണത്തിലുള്ള മികച്ച 50 വിദ്യാഭ്യാസ സ്ഥാപനങ്ങളുടെ റാങ്കാണ് പ്രസിദ്ധീകരിച്ചത്.
https://www.facebook.com/Malayalivartha
