അല്ല സഖാവേ ഈ കമ്മിഷനും ഹവാല പണവും ഒന്നാണോ ,അതോ ഹവാല പണത്തിനു നിങ്ങളുടെ നാട്ടിൽ പറയുന്നത് കമ്മീഷൻ എന്നാണോ. അല്ല അറിയാഞ്ഞിട്ടു ചോദിച്ചതാ. ഇപ്പൊ എൻഫോഴ്‌സ്‌മെന്റ് ഉണ്ടല്ലോ അവര് ചോദിക്കുവാ സ്വപ്നയ്ക്ക് ലോക്കറിൽ പൂത്ത കാശും പണ്ടവും ഉണ്ടായിട്ടും എന്തിനാ ശിവശങ്കറിനോട് ഇരന്നുവാങ്ങാൻ പോയതെന്ന്. അപ്പഴാ വേറെ ചില കളികളുടെ കെട്ടുകഥകൾ പൊളിച്ചടുക്കാൻ അവർക്ക്

കഴിഞ്ഞത്. സത്യത്തിൽ അവരല്ല കേട്ടോ ഒന്നൊന്നായി ഈ സത്യങ്ങൾ മുഴുവൻ തോണ്ടിയെടുക്കുന്നത്‌ . ഇതിനെല്ലാം അവർ വെറും നിമിത്തമായതാണ്. ഇനി വേറൊരു കാര്യം കൂടിയുണ്ട് അതാണ് ബഹുരസം സ്വപ്ന അടിച്ചെടുത്ത കമ്മീഷൻ തുകയുടെ മുഴുവൻ ക്രഡിറ്റും ശിവശങ്കറിനും കൂട്ടാളികൾക്കും ഉള്ളതാ ,ഈ കൂട്ടാളികൾ എന്ന് പറഞ്ഞാ മുഖ്യന്റെ ഓഫീസിലെ ചില ഉന്നതരുമുണ്ട്. ഇത് ഞങ്ങൾ കണ്ടുപിടിച്ചതൊന്നുമല്ല ,ഇത് ഇ ഡി കണ്ടുപിടിച്ചതാ ... അവർക്ക് ബിനാമിയായി സ്വപ്ന മാത്രമല്ല തട്ടിപ്പ് ,കള്ളക്കടത്ത് ,കൈവെട്ട് സംഘങ്ങളിലെ അകത്തായവരും ഇനി അകത്താക്കാൻ പോകുന്നവരുമായ വൻ റാക്കറ്റുണ്ട്. ഈ റാക്കറ്റ് എന്നൊക്കെ പറഞ്ഞാൽ പാവം പൊതുജനം സത്ബധിച്ചു പോകും ,ശരിക്കും ഇതിന്റെയൊക്കെ ടീം ലീഡർ മിസ്റ്റർ ശിവശങ്കരനെപോലെയുള്ള മാനസികസമ്മർദ്ദം വലിയ തോതിൽ ഉള്ളവരാ ... അവർക്കെല്ലാം ഒറ്റമൂലിയായി സ്വപ്നയെപ്പോലുള്ള നിസ്വാർത്ഥ മനുഷ്യർ ഉള്ളതാണ് ഏക ആശ്വാസം.

ആഗസ്ത് 8 നു മുഖ്യൻ ജനങ്ങളോട് ഒരു പ്രധാന കാര്യം പറഞ്ഞിരുന്നു അതായത് ലൈഫ് മിഷൻ പദ്ധതി നടപ്പാക്കാൻ റെഡ് ക്രസന്റുമായി കരാർ ഉണ്ടാക്കിയതിൽ സർക്കാരിനു പങ്കില്ലെന്ന് പറഞ്ഞല്ലോ. അത് പൊളിഞ്ഞു കേട്ടോ........... ആ വാദത്തി നെതിരെ പദ്ധതിയുടെ ധാരണാപത്രം ഇപ്പോൾ പുറത്തായിരിക്കുകയാണ്. കേരളത്തിലെ ഭവന രഹിതർക്കായി യുഎഇയിലെ റെഡ് ക്രസന്റുമായുള്ള കരാറിലെ രണ്ടാം കക്ഷി സംസ്ഥാന സർക്കാരാണെന്ന് ധാരണാപത്രം വ്യക്തമാക്കുന്നു.

റെഡ് ക്രസന്റ് ആണ് ഒന്നാം കക്ഷി. പദ്ധതിയിൽ സംസ്ഥാന സർക്കാരിന് ഉത്തരവാദിത്തമുണ്ടെന്നു വ്യക്തമാക്കുന്ന ധാരണാപത്രത്തിന്റെ കോപ്പി എൻഫോഴ്സമെന്റ് ഡയറക്ടറേറ്റിനു (ഇഡി) ലഭിച്ചു. പദ്ധതി നടത്തിപ്പിൽ ധാരണപ്പിശകുണ്ടായാൽ ഉഭയകക്ഷി ചർച്ചയിലൂടെ പരിഹരിച്ചു മുന്നോട്ടു പോകണമെന്നും അല്ലാത്ത പക്ഷം പദ്ധതി ഉപേക്ഷിക്കാമെന്നും പ്രത്യേകം പറഞ്ഞിട്ടുണ്ട്. എന്നാൽ പദ്ധതി പൂർത്തിയാക്കൽ, കണക്കു പരിശോധന എന്നിവ സംബന്ധിച്ച് ഒന്നുമില്ല.അതെല്ലാം ഒരഡ്ജസ്റ്റുമെന്റ് വച്ച് പോകും മനസ്സിലായോ.........

2019 ജൂലൈ 11ലെ ധാരണാപത്രത്തിൽ റെഡ് ക്രസന്റ് ജനറൽ സെക്രട്ടറി മുഹമ്മദ് അതീഖ് അൽ ഫലാഹി, ലൈഫ് മിഷൻ ചീഫ് എക്‌സിക്യൂട്ടീവ് ഓഫിസർ യു.വി. ജോസ് എന്നിവരാണ് ഒപ്പിട്ടത്. 20 കോടി രൂപയുടെ ധനസഹായത്തിൽ 14.5 കോടിരൂപ ഭവനനിർമാണത്തിനും 5.5 കോടി രൂപ ആശുപത്രി നിർമാണത്തിനുമെന്നാണു ധാരണ. ഈ പദ്ധതിയിൽ സ്വപ്ന എങ്ങനെ ഇടനിലക്കാരിയായി ഒരു കോടി രൂപ കമ്മിഷൻ വാങ്ങിയെന്നതാണ് ഇഡി ഇപ്പോൾ പരിശോധിക്കുന്നത്. ധാരണാപത്രത്തിനു ശേഷം ഓരോ പദ്ധതിക്കും പ്രത്യേക കരാർ വേണമെന്നു രേഖ വ്യക്തമാക്കുന്നു. എന്നാൽ തുടർകരാറുകൾ ഒപ്പിട്ടതായി സർക്കാർ വ്യക്തമാക്കിയിട്ടില്ല.അതായത് ഒന്നുകിൽ ഈ ഇടപാട് നടന്നപ്പോൾ കമ്മീഷൻ അടിച്ച തുക ഇത്രയുമല്ല. ഈ പണം ഹാവാല പണമാണെന്നാണ് ഇ ഡിയുടെ നിഗമനം അതല്ലെങ്കിൽ ,മറ്റുള്ളവരുടെ ബിനാമിയായി നിന്ന് ശേഖരിച്ച പണം ഏതായാലും മുഖ്യൻ തട്ടിവിട്ട ഒരു നുണക്കൂടി പൊളിഞ്ഞല്ലോ ... അതാണ് അതിന്റെ ഹൈലൈറ്റ് ........